അടുത്ത ലോക്‌സഭാ തെരഞ്ഞെടുപ്പിനു മുന്നോടിയായി ഇലക്ട്രോണിക് വോട്ടിംഗ് മെഷീനുകളുടെയും വിവി പാറ്റുകളുടെയും പ്രാഥമികതല പരിശീലനം നിര്‍വഹിക്കുന്നതിന് സംസ്ഥാനത്തെ 14 ജില്ലാ കളക്ടര്‍മാര്‍ക്കും ഡെപ്യൂട്ടി കളക്ടര്‍മാര്‍ക്കും പരിശീലനം നല്‍കുന്നതിന്റെ ഭാഗമായുള്ള ഏകദിന ശില്പശാല തിരുവനന്തപുരം മാസ്‌കറ്റ് ഹോട്ടലില്‍ നടന്നു.

മറവി രോഗം / ഡിമന്‍ഷ്യ ബാധിച്ചരെ പുനരധിവസിപ്പിക്കുന്നതിനും അവര്‍ക്ക്‌ സംരക്ഷണം നല്‍കുന്നതിനും വേണ്ടിയുളള സ്ഥാപനങ്ങള്‍ നടത്തുവാന്‍ ഈ രംഗത്ത്‌ പ്രവര്‍ത്തിക്കുന്ന / താല്‍പര്യമുളള സന്നദ്ധസംഘടനകളില്‍ നിന്നും പ്രൊപ്പോസലുകള്‍ ക്ഷണിക്കുന്നു. കൂടുതല്‍ വിവരങ്ങള്‍ക്ക്‌ ജില്ലാ സാമൂഹ്യ നീതി ഓഫീസുമായി ബന്ധപ്പെടുക. വെബ്‌ സൈറ്റ്‌ www.sjdkerala.gov.in . ഫോണ്‍ : 0487-2321702.

പീച്ചി ഡാമിന്റെ ഷട്ടറുകള്‍ തുറന്നു. നീരൊഴുക്ക്‌ കാണാന്‍ നിരവധി പേരാണ്‌ ഡാം പരിസരത്ത്‌ എത്തിയത്‌. കെ രാജന്‍ എം എല്‍ എ, ഇറിഗേഷന്‍ ഡിവിഷന്‍ എക്‌സിക്യൂട്ടീവ്‌ എഞ്ചിനീയര്‍ കെ രാധാകൃഷ്‌ണന്‍, അസി. എക്‌സിക്യൂട്ടീവ്‌ എഞ്ചിനീയര്‍ ടി കെ ജയരാജ്‌ എന്നിവരുടെ സാന്നിദ്ധ്യത്തിലാണ്‌ ജലനിരപ്പ്‌ ഏറിയതിനെ തുടര്‍ന്ന്‌ ഡാമിന്റെ നാല്‌ ഷട്ടറുകളും ഒരിഞ്ച്‌ വീതം തുറന്നത്‌. റിസര്‍വോയറിലെ നീരൊഴുക്ക്‌ അനുസരിച്ച്‌ ഷട്ടറുകള്‍ നിയന്ത്രിക്കുമെന്ന്‌ അധികൃതര്‍ അറിയിച്ചു.

ഗ്രാമീണമേഖലയിലെ ദാരിദ്രനിര്‍മ്മാര്‍ജ്ജനം ലക്ഷ്യമിട്ട്‌ ചെയ്‌തിട്ടുളള കുടുംബശ്രീ നടപ്പിലാക്കുന്ന കേന്ദ്ര സര്‍ക്കാര്‍ പദ്ധതി സ്റ്റാര്‍ട്ട്‌പ്പ്‌ വില്ലേജ്‌ എന്റര്‍പ്രണര്‍ഷിപ്പ്‌ പ്രോഗ്രാമിന്റെ ജില്ലാതല ഉദ്‌ഘാടനം ജൂലൈ 29 വൈകീട്ട്‌ 4 ന്‌ കൊടകര ബ്ലോക്ക്‌ പഞ്ചായത്ത്‌ ഓഡിറ്റോറിയത്തില്‍ വിദ്യാഭ്യാസ വകുപ്പു മന്ത്രി പ്രൊഫ. സി രവീന്ദ്രനാഥ്‌ നിര്‍വഹിക്കും. ജില്ലാ പഞ്ചായത്ത്‌്‌ പ്രസിഡണ്ട്‌ മേരി തോമസ്‌ അദ്ധ്യക്ഷത വഹിക്കും. ബ്ലോക്ക്‌ പഞ്ചായത്ത്‌്‌ പ്രസിഡണ്ട്‌ അമ്പിളി സോമന്‍ പദ്ധതിരേഖ പ്രകാശനം ചെയ്യും.

ശ്രീശങ്കരാചാര്യ സംസ്‌കൃത സര്‍വ്വകലാശാല തൃശൂര്‍ പ്രാദേശിക കേന്ദ്രത്തിന്‌ സ്വന്തമായി സ്ഥലം കണ്ടെത്തുമെന്ന്‌ കൃഷി വകുപ്പ്‌ മന്ത്രി അഡ്വ. വി. എസ്‌. സുനില്‍കുമാര്‍. സര്‍വ്വകലാശാല പുതിയ കെട്ടിടത്തിന്‍െ്‌റ പ്രവര്‍ത്തനോദ്‌ഘാടനം പടിഞ്ഞാറെകോട്ട കോര്‍പ്പറേഷന്‍ ബില്‍ഡിംഗില്‍ നിര്‍വഹിച്ച്‌ സംസാരിക്കുകയായിരുന്നു അദ്ദേഹം. തൃശുര്‍ നിയോജക മണ്ഡലം പരിധിയില്‍ സര്‍വ്വകലാശാല കേന്ദ്രത്തിന്‌ അധികം വൈകാതെ മൂന്ന്‌ എക്കര്‍ സ്ഥലം കണ്ടെത്താന്‍ സാധിക്കും എന്നാണ്‌ പ്രതീക്ഷ. ചേര്‍പ്പ്‌ എം.എല്‍.എ. ആയിരിക്കുമ്പോഴും കൈപ്പമംഗലം എം.എല്‍.എ.

ജില്ലയില്‍ പനി ബാധിച്ച് ഇന്നലെ (27) 349 പേര്‍ വിവിധ ആശുപത്രികളില്‍ ചികിത്സ തേടിയതായി ജില്ലാ മെഡിക്കല്‍ ഓഫീസര്‍ (ആരോഗ്യം) അറിയിച്ചു. \ാല് പേര്‍ക്ക് ചിക്കന്‍പോക്‌സ് സ്ഥിരീകരിച്ചിട്ടുണ്ട്. വയറിളക്ക രോഗങ്ങള്‍ക്ക് 46 പേര്‍ ചികിത്സ തേടി.

                                                                      (പിഎന്‍പി 2101/18)

ഓണത്തിന് ഒരു മുറം പച്ചക്കറി പദ്ധതിയുടെ ഭാഗമായി വിവിധയിനം പച്ചക്കറി തൈകള്‍ സൗജന്യവിതര ണത്തിനായി ഇലന്തൂര്‍ കൃഷിഭവനില്‍ എത്തി. ആവശ്യമുള്ളവര്‍ കരം അടച്ച രസീതിന്റെ പകര്‍പ്പുമായി കൃഷിഭവനില്‍ എത്തണമെന്ന് കൃഷി ഓഫീസര്‍ അറിയിച്ചു.          (പിഎന്‍പി 2100/18)

ചരിത്രവും പാരമ്പര്യവും ആധുനികതയും സമന്വയിപ്പിച്ച് പഞ്ചായത്ത് {പദേശം ജൈവ സാംസ്‌കാരിക വൈവിധ്യ പാര്‍ക്കായി മാറ്റാന്‍ ഇരവിപേരൂര്‍ ഗ്രാമപഞ്ചായത്തിന്റെ പദ്ധതി. ആദി പമ്പ വരട്ടാര്‍ മാസ്റ്റര്‍ പ്ലാനിന്റെ ഭാഗമായി വള്ളംകുളം ഗ്രാമവിജ്ഞാന കേന്ദ്രത്തില്‍ നടന്ന പദ്ധതി രൂപീകരണ ശില്പശാലയിലാണ് ഇത് സംബന്ധിച്ച വിശദാംശങ്ങള്‍ അവതരിപ്പിച്ചത്. പഞ്ചായത്ത് നടപ്പാക്കുന്ന കാര്‍ബണ്‍ ന്യൂട്രല്‍ പദ്ധതിയുടെ ഒന്നാം ഘട്ട പ്രവര്‍ത്തനത്തിന്റെ ഭാഗമായിട്ടായിരിക്കും ജൈവ സാംസ്‌കാരിക വൈവിധ്യ പാര്‍ക്ക് ആക്കി മാറ്റുക.