പൊതുമേഖലാ സ്ഥാപനമായ കെല്‍ട്രോണ്‍ ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍,  വേഡ് പ്രോസസിംഗ് & ഡേറ്റാ എന്‍ട്രി എന്നീ കോഴ്‌സുകളിലേക്ക് അപേക്ഷ ക്ഷണിച്ചു.

കൊച്ചി: വാട്ട്്‌സ് അപ്പും ഫേസ്ബുക്കും വഴി ലോകത്തോടു മുഴുവന്‍ ആശയവിനിമയം നടത്തുമ്പോഴും സ്വന്തം കുടുംബത്തിലുള്ള കുട്ടികളോട് സംസാരിക്കാന്‍ രക്ഷിതാക്കള്‍ക്ക് സമയമില്ലാതെ വരുന്ന സാഹചര്യങ്ങളിലാണ് കുട്ടികള്‍ ലഹരിക്ക് അടിമയാകുന്നതെന്ന് കൊച്ചി മേയര്‍ സൗമിനി ജെയിന്‍. 

വ്യാജ ചാരായം, ഉല്‍പാദനം, വിപണനം, വില്‍പ്പന, കടത്ത് എന്നിവ തടയുന്നതിന് പൊതുജന സഹകരണത്തോടെ വിവിധ വകുപ്പുതല ഉദ്യോഗസ്ഥന്‍മാരെയും ജനപ്രതിനിധികളെയും, രാഷ്ട്രീയ പാര്‍ട്ടി പ്രതിനിധികളെയും പങ്കെടുപ്പിച്ച ജില്ലാതല ജനകീയ കമ്മറ്റി യോഗം ആഗസ്റ്റ് എട്ടിന് ഉച്ചകഴിഞ്ഞ് മൂന്നിന് കളക്ടറേറ്റ് കോണ്‍ഫന്‍സ് ഹാളില്‍ ജില്ലാ കളക്ടറുടെ അധ്യക്ഷതയില്‍ നടക്കും.

കാസര്‍കോട് നെഹ്‌റു യുവകേന്ദ്രയില്‍ അഫിലിയേറ്റ് ചെയ്തുപ്രവര്‍ത്തിക്കുന്ന ജില്ലയിലെ യൂത്ത് ക്ലബ്, മഹിളാ സമാജം ഭാരവാഹികളുടെ യോഗം ആഗസ്റ്റ് മൂന്നിന് രാവിലെ പത്തുമുതല്‍ കളക്ടറേറ്റ് ആസൂത്രണസമിതി കോണ്‍ഫറന്‍സ് ഹാളില്‍ നടക്കും. 2018-19 വര്‍ഷത്തെ യുവജന ക്ഷേമകായിക പരിപാടികള്‍ വിശദീകരിക്കും. പരിപാടികള്‍ ഏറ്റെടുത്തഒ നടത്തുവാന്‍ താല്‍പര്യമുള്ള ക്ലബുകള്‍ക്ക് ധനസഹായം അനുവദിക്കും.    

ജില്ലയിലെ സര്‍ക്കാര്‍,എയ്ഡഡ് സ്‌കൂളുകളിലെ ഒന്നു മുതല്‍ പത്തുവരെ ക്ലാസുകളില്‍ പഠിക്കുന്ന ഒ.ഇ.സി ലംപ്‌സംഗ്രാന്റിന് അര്‍ഹരായ വിദ്യാര്‍ത്ഥികള്‍ക്ക് വിതരണത്തിനാവശ്യമായ തുക സ്‌കൂളുകളുടെ ഔദ്യോഗിക ബാങ്ക് അക്കൗണ്ടിലേക്ക് ട്രാന്‍സ്ഫര്‍ ചെയ്തിട്ടുണ്ട്. പ്രധാനാധ്യാപകര്‍ തുക പിന്‍വലിച്ച് സ്‌കോളര്‍ഷിപ്പ് പോര്‍ട്ടലില്‍ പ്രസിദ്ധീകരിച്ചിട്ടുള്ള ലിസ്റ്റ് പ്രകാരം അര്‍ഹരായ കുട്ടികള്‍ക്ക് വിതരണം ചെയ്യുന്നതിനുള്ള നടപടി സ്വീകരിക്കണമെന്ന് പിന്നാക്ക വിഭാഗ വികസന വകുപ്പ് മേഖല ഡെപ്യൂട്ടി ഡയറക്ടര്‍ അറിയിച്ചു.
        

തെക്കുപടിഞ്ഞാറന്‍ കാലവര്‍ഷം ആരംഭിച്ച മെയ് 26 മുതല്‍ ജില്ലയില്‍ ഇതുവരെ 2009.11 മി.മീ മഴ ലഭിച്ചു.  കഴിഞ്ഞ 24 മണിക്കൂറിനുളളില്‍ 5.75 മി.മീ. മഴ മാത്രമാണ് ലഭിച്ചത്.  കാലവര്‍ഷക്കെടുതിയില്‍ ഇതുവരെ 285 വീടുകള്‍ തകര്‍ന്നു.  45 വീടുകള്‍ പൂര്‍ണ്ണമായും 240 വീടുകള്‍ ഭാഗികമായും തകര്‍ന്നു. വീടുകള്‍ തകര്‍ന്നതിനാല്‍ ഇക്കാലയളവില്‍ ജില്ലയില്‍ 74,26,531 രൂപയുടെ നാശനഷ്ടമുണ്ടായി. മഴക്കെടുതിയില്‍ ഇതുവരെ 4,12,31,847 രൂപയുടെ വിളകള്‍ക്കും നാശനഷ്ടമുണ്ടായി.               

 ഹൊസ്ദുര്‍ഗ് താലൂക്ക് വികസന സമിതി യോഗം ആഗസ്റ്റ് നാലിന് രാവിലെ 11ന് താലൂക്ക് ഓഫീസ് കോണ്‍ഫറന്‍സ് ഹാളില്‍ ചേരും.                

  കേരള സംസ്ഥാന പിന്നോക്ക വിഭാഗ വികസന കോര്‍പ്പറേഷന്‍ ഒ.ബി.സി. വിഭാഗത്തില്‍പ്പെട്ട പ്രൊഫഷണലുകള്‍ക്ക് സ്റ്റാര്‍ട്ടപ്പ് സംരംഭം ആരംഭിക്കുന്നതിനായി നടപ്പിലാക്കുന്ന വായ്പാ പദ്ധതി പ്രകാരം അപേക്ഷ ക്ഷണിച്ചു.        

 സംസ്ഥാന ഔഷധസസ്യ ബോര്‍ഡും മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയും സംയുക്തമായി ജില്ലയിലെ തെരഞ്ഞെടുത്ത പഞ്ചായത്തുകളില്‍ 'ഗൃഹചൈതന്യം' പദ്ധതി നടപ്പിലാക്കുന്നു. ഈ വര്‍ഷം നവംബര്‍ ഒന്നിന്  പരപ്പ, നീലേശ്വരം, കാഞ്ഞങ്ങാട് ബ്ലോക്കുകളിലെ ആകെ 18 ഗ്രാമപഞ്ചായത്തുകളിലാണ് ജില്ലയില്‍ രണ്ടാംഘട്ട പ്രവര്‍ത്തനത്തിന്റെ ഭാഗമായി പദ്ധതി നടപ്പിലാക്കുന്നത്.