മഴക്കെടുതിയുമായി ബന്ധപ്പെട്ട് ജില്ലയില്‍ ഏഴ് ദുരിതാശ്വാസ ക്യാമ്പുകള്‍ പ്രവ ര്‍ത്തിക്കുന്നു. തിരുവല്ല താലൂക്കില്‍ അഞ്ചും കോഴഞ്ചേരിയില്‍ രണ്ടും ക്യാമ്പുകളാണുള്ളത്. 329 കുടുംബങ്ങളിലെ 1211 പേര്‍ ഏഴ് ക്യാമ്പുകളിലായി കഴിയുന്നു.

       (പിഎന്‍പി 2097/18)

കുടുംബങ്ങള്‍ക്ക് മീഡിയ അക്കാദമിയുടെ ധനസഹായം

വെളളപ്പൊക്ക ദുരിതം പകര്‍ത്തുന്നതിനിടെ മുങ്ങിമരിച്ച  മാധ്യമപവര്‍ത്തകരായ കടുത്തുരുത്തി പൂഴിക്കോല്‍ പട്ടശ്ശേരില്‍ കെ.കെ.സജി, ബിപിന്‍ ബാബു എന്നിവരുടെ കുടുംബങ്ങള്‍ക്ക് ഒരു ലക്ഷം രൂപ വീതം ധനസഹായം നല്‍കുന്നതിന് കേരള മീഡിയ അക്കാദമി എക്‌സിക്യൂട്ടീവ് യോഗം തീരുമാനിച്ചു. തിരുവനന്തപുരത്ത് നടന്ന യോഗത്തില്‍ അക്കാദമി ചെയര്‍മാന്‍ ആര്‍.എസ്.ബാബു അധ്യക്ഷത വഹിച്ചു.  ഐ&പി.ആര്‍.ഡി ഡയറക്ടര്‍ ടി.വി.സുഭാഷ്, അക്കാദമി സെക്രട്ടറി കെ.ജി.സന്തോഷ് കമ്മറ്റിയംഗങ്ങള്‍ തുടങ്ങിയവര്‍ പങ്കെടുത്തു.

        (പിഎന്‍പി 2095/18)

ഭൂജലവകുപ്പ് പത്തനംതിട്ട ജില്ലാ ഓഫീസില്‍ കാഷ്വല്‍ തൊഴിലാളികളെ തെരഞ്ഞെടുക്കുന്നതിനായി 30ന് നടത്താനിരുന്ന അഭിമുഖം 31ലേക്ക് മാറ്റിയതായി ജില്ലാ ഓഫീസര്‍ അറിയിച്ചു.          (പിഎന്‍പി 2094/18)

ജില്ലയില്‍ വിദ്യാഭ്യാസ വകുപ്പില്‍ യു.പി സ്‌കൂള്‍ അസിസ്റ്റന്റ് (മലയാളം മീഡിയം) (കാറ്റഗറി നമ്പര്‍ 386/14) തസ്തികയുടെ ചുരുക്കപ്പട്ടികയില്‍ ഉള്‍പ്പെട്ട 349 ഉദ്യോഗാര്‍ഥി കള്‍ക്ക് ആഗസ്റ്റ് ഒന്ന്, രണ്ട്, മൂന്ന് തീയതികളില്‍ അഭിമുഖം നടത്തും. ഇതു സംബന്ധിച്ച അറിയിപ്പ് ലഭിക്കാത്തവര്‍ ജില്ലാ പി.എസ്.സി ഓഫീസുമായി ബന്ധപ്പെടണം. ഫോണ്‍: 0468 2222665.         (പിഎന്‍പി 2092/18)

പൊതുമേഖലാ സ്ഥാപനമായ കെല്‍ട്രോണ്‍ ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍,  വേഡ് പ്രോസസിംഗ് & ഡേറ്റാ എന്‍ട്രി എന്നീ കോഴ്‌സുകളിലേക്ക് അപേക്ഷ ക്ഷണിച്ചു.

കൊച്ചി: വാട്ട്്‌സ് അപ്പും ഫേസ്ബുക്കും വഴി ലോകത്തോടു മുഴുവന്‍ ആശയവിനിമയം നടത്തുമ്പോഴും സ്വന്തം കുടുംബത്തിലുള്ള കുട്ടികളോട് സംസാരിക്കാന്‍ രക്ഷിതാക്കള്‍ക്ക് സമയമില്ലാതെ വരുന്ന സാഹചര്യങ്ങളിലാണ് കുട്ടികള്‍ ലഹരിക്ക് അടിമയാകുന്നതെന്ന് കൊച്ചി മേയര്‍ സൗമിനി ജെയിന്‍.