മൃഗ സംരക്ഷണ വകുപ്പിന്റെ 1999 ജനുവരി ഒന്നിലെ ഉത്തരവു വ്യവസ്ഥകള്‍ നിലനില്‍ക്കുന്നതിനാല്‍ കാലിത്തീറ്റ ആവശ്യമുള്ള സര്‍ക്കാര്‍ വകുപ്പുകളും തദ്ദേശസ്വയംഭരണ സ്ഥപനങ്ങളും ക്ഷീര സംഘങ്ങളും കേരള ഫീഡ്‌സ്, മില്‍മ എന്നിവര്‍ ഉത്പാദിപ്പിക്കുന്ന ഗുണമേന്മയേറിയ കാലിത്തീറ്റ വാങ്ങാന്‍ പ്രഥമ പരിഗണന നല്‍കണമെന്ന് കൃഷി-മൃഗസംരക്ഷണ വകുപ്പ് സെക്രട്ടറി അറിയിച്ചു.
പി.എന്‍.എക്‌സ്.3208/18

    കൈറ്റ് വിക്ടേഴ്‌സ് ചാനലില്‍ ശനിയാഴ്ച രാത്രി 9.15ന്  രൂപ് ദത്താ നായിക്കിന്റെ ചിത്രമായ കഭി തും കഭി ഹം സംപ്രേഷണം ചെയ്യും.
    ഞായറാഴ്ച രാവിലെ 9.15ന് പര്‍വീസ് മെര്‍വാന്‍ജി സംവിധാനം ചെയ്ത ഗുജറാത്തി കോമഡി ചലച്ചിത്രം പെര്‍സി സംപ്രേഷണം ചെയ്യും. 1989 ലെ  ദേശീയ ചലച്ചിത്ര പുരസ്്കാരം നേടിയ  ചിത്രമാണിത്.
പി.എന്‍.എക്‌സ്.3207/18

    അടുത്ത ലോക്‌സഭാ തെരഞ്ഞെടുപ്പിനു മുന്നോടിയായി ഇലക്ട്രോണിക് വോട്ടിംഗ് മെഷീനുകളുടെയും വിവി പാറ്റുകളുടെയും പ്രാഥമികതല പരിശീലനം നിര്‍വഹിക്കുന്നതിന് സംസ്ഥാനത്തെ 14 ജില്ലാ കളക്ടര്‍മാര്‍ക്കും ഡെപ്യൂട്ടി കളക്ടര്‍മാര്‍ക്കും പരിശീലനം നല്‍കുന്നതിന്റെ ഭാഗമായുള്ള ഏകദിന ശില്പശാല തിരുവനന്തപുരം മാസ്‌കറ്റ് ഹോട്ടലില്‍ നടന്നു.

മറവി രോഗം / ഡിമന്‍ഷ്യ ബാധിച്ചരെ പുനരധിവസിപ്പിക്കുന്നതിനും അവര്‍ക്ക്‌ സംരക്ഷണം നല്‍കുന്നതിനും വേണ്ടിയുളള സ്ഥാപനങ്ങള്‍ നടത്തുവാന്‍ ഈ രംഗത്ത്‌ പ്രവര്‍ത്തിക്കുന്ന / താല്‍പര്യമുളള സന്നദ്ധസംഘടനകളില്‍ നിന്നും പ്രൊപ്പോസലുകള്‍ ക്ഷണിക്കുന്നു. കൂടുതല്‍ വിവരങ്ങള്‍ക്ക്‌ ജില്ലാ സാമൂഹ്യ നീതി ഓഫീസുമായി ബന്ധപ്പെടുക. വെബ്‌ സൈറ്റ്‌ www.sjdkerala.gov.in . ഫോണ്‍ : 0487-2321702.

പീച്ചി ഡാമിന്റെ ഷട്ടറുകള്‍ തുറന്നു. നീരൊഴുക്ക്‌ കാണാന്‍ നിരവധി പേരാണ്‌ ഡാം പരിസരത്ത്‌ എത്തിയത്‌. കെ രാജന്‍ എം എല്‍ എ, ഇറിഗേഷന്‍ ഡിവിഷന്‍ എക്‌സിക്യൂട്ടീവ്‌ എഞ്ചിനീയര്‍ കെ രാധാകൃഷ്‌ണന്‍, അസി. എക്‌സിക്യൂട്ടീവ്‌ എഞ്ചിനീയര്‍ ടി കെ ജയരാജ്‌ എന്നിവരുടെ സാന്നിദ്ധ്യത്തിലാണ്‌ ജലനിരപ്പ്‌ ഏറിയതിനെ തുടര്‍ന്ന്‌ ഡാമിന്റെ നാല്‌ ഷട്ടറുകളും ഒരിഞ്ച്‌ വീതം തുറന്നത്‌. റിസര്‍വോയറിലെ നീരൊഴുക്ക്‌ അനുസരിച്ച്‌ ഷട്ടറുകള്‍ നിയന്ത്രിക്കുമെന്ന്‌ അധികൃതര്‍ അറിയിച്ചു.