ചരിത്രപണ്ഡിതനും ജീവചരിത്രകാരനും പ്രമുഖ ദളിത് സാഹിത്യകാരനുമായ ടി.എച്ച്.പി. ചെന്താരശ്ശേരിയുടെ നിര്യാണത്തില്‍ സാംസ്‌കാരിക വകുപ്പ് മന്ത്രി എ.കെ. ബാലന്‍ അനുശോചിച്ചു. അയ്യന്‍കാളിയുടേയും അംബേദ്കറുടെയും ജീവചരിത്രങ്ങളുള്‍പ്പെടെ നിരവധി കൃതികളുടെ രചയിതാവാണദ്ദേഹം. നവോത്ഥാന പ്രസ്ഥാനങ്ങളെക്കുറിച്ചും പ്രചീന ഭാരതീയ ചരിത്രത്തെക്കുറിച്ചും ആഴമേറിയ പഠനങ്ങള്‍  നടത്തിയിട്ടുണ്ട്. അദ്ദേഹത്തിന്റെ വിയോഗം വേദനാജനകമാണെന്നും അനുശോചന സന്ദേശത്തില്‍ മന്ത്രി പറഞ്ഞു.
പി.എന്‍.എക്‌സ്.3213/18
 

    ഇന്ദിരാഗാന്ധി നാഷണല്‍ ഓപ്പണ്‍ യൂണിവേഴ്‌സിറ്റി 2018 ജൂലൈയില്‍ ആരംഭിക്കുന്ന അഡല്‍റ്റ് എഡ്യൂക്കേഷനിലുള്ള മാസ്റ്റേഴ്‌സ് ബിരുദത്തിന് ജൂലൈ 31 വരെ അപേക്ഷിക്കാം. അപേക്ഷകള്‍ ഓണ്‍ലൈനായി സമര്‍പ്പിക്കണം. സ്റ്റേറ്റ് റിസോഴ്‌സ് സെന്റര്‍ കേരളയാണ് കേരളത്തിലെ അംഗീകൃത പഠനകേന്ദ്രം. ഏതെങ്കിലും അംഗീകൃത സര്‍വകലാശാലയില്‍ നിന്നും ലഭിച്ച ബിരുദമാണ് അടിസ്ഥാന യോഗ്യത. വിശദവിവരങ്ങള്‍ക്ക് ഇഗ്‌നോ റീജിയണല്‍ സെന്ററുമായി ബന്ധപ്പെടുണം.  www.ignou.ac.in ലൂടെ ഓണ്‍ലൈനായും അപേക്ഷിക്കാം.  ഫോണ്‍: 0471 2344132, 9447044132.
പി.എന്‍.എക്‌സ്.3211/18
 

    തിരുവനന്തപുരം സര്‍ക്കാര്‍ സംസ്‌കൃത കോളേജില്‍ (2018 -19) ന്യായ വിഭാഗത്തില്‍ (സംസ്‌കൃതം  സ്‌പെഷ്യല്‍) ഗസ്റ്റ് ലക്ചററിന്റെ ഒഴിവില്‍ ആഗസ്റ്റ് മൂന്നിന് രാവിലെ 11ന് പ്രിന്‍സിപ്പാളിന്റെ ഓഫീസില്‍ അഭിമുഖം നടത്തും. ഉദ്യോഗാര്‍ത്ഥികള്‍ യോഗ്യത, ജനന തിയതി, മുന്‍ പരിചയം എന്നിവ തെളിയിക്കുന്ന അസല്‍ സര്‍ട്ടിഫിക്കറ്റുകളുമായി എത്തണം.
പി.എന്‍.എക്‌സ്.3210/18
 

കൊച്ചി: കൊച്ചി നഗരസഭയുടെ 63-ാം ഡിവിഷനിലെ ഗാന്ധിനഗറിലുള്ള പി ആന്‍ഡ് ടി കോളനി നിവാസികളെ പുനരധിവസിപ്പിക്കുന്നതിനു വേണ്ടി സംസ്ഥാന സര്‍ക്കാരിന്റെ ലൈഫ് മിഷന്‍ പദ്ധതിയില്‍പ്പെടുത്തി ജിസിഡിഎ നിര്‍മ്മിക്കുന്ന ഭവന സമുച്ചയങ്ങളുടെ ശിലാസ്ഥാപനകര്‍മ്മം ജൂലൈ 31 രാവിലെ 11 ന് മുഖ്യമന്ത്രി പിണറായി വിജയന്‍ നിര്‍വഹിക്കും. 

അറിയിപ്പ്: ഈ വിഷയവുമായി ബന്ധപ്പെട്ട് ഇന്ന് (ജൂലൈ 28) ഉച്ചയ്ക്ക് 12 മണിക്ക് പ്രസ് ക്ലബ്ബില്‍ ജിസിഡിഎ ചെയര്‍മാന്‍ പത്രസമ്മേളനം നടത്തും.
 

  കൊച്ചി: റേഷന്‍ കാര്‍ഡ്  ദുരുപയോഗം  ചെയ്ത്  ഒന്നിലധികം  സപ്ലൈകോ  വില്‍പ്പന ശാലകളില്‍  നിന്നും   സബ്‌സിഡി  സാധനങ്ങള്‍  വാങ്ങി   വെട്ടിപ്പു  നടത്തുന്നത്  തടയാന്‍  സപ്ലൈകോ  ഓണ്‍ലൈന്‍   ബില്ലിംഗ്  സംവിധാനം  ഏര്‍പ്പെടുത്തുന്നു. പുതിയ  സംവിധാനത്തിനു  കീഴില്‍  ഒരു  കാര്‍ഡ്  ഉപയോഗിച്ച്  ഏതെങ്കിലും  വില്‍പ്പന  ശാലയില്‍  നിന്ന്   സാധനങ്ങള്‍  വാങ്ങുന്ന  സമയത്ത്  തന്നെ  അതു  സംബന്ധിച്ച  വിവരങ്ങള്‍  സപ്ലൈകോയുടെ  എല്ലാ   വില്‍പ്പന ശാലകളിലും ഓണ്‍ലൈനായി  ലഭ്യമാകും.

കാക്കനാട്:  കര്‍ക്കിടക ഔഷധസേവ പ്രചരിപ്പിക്കുന്നതിന് ഭാരതീയ ചികിത്സാവകുപ്പിന്റെ സഹകരണത്തോടെ ജില്ലാ പഞ്ചായത്തിന്റെ ആഭിമുഖ്യത്തില്‍  നടത്തിയ ആയുര്‍ചര്യം 2018ലെ പച്ചമരുന്നുകളുടെ പ്രദര്‍ശനത്തില്‍ ജലസ്തംഭിനിയുടെ വിശദാംശങ്ങളറിയാന്‍ തിരക്കേറെയായിരുന്നു.  ഒരിനം വള്ളിയിനമായ ജലസ്തംഭിനിയുടെ ഇലകള്‍ പ്രാചീനകാലത്ത് മുനിമാര്‍ ഭക്ഷിച്ചിരുന്നു എന്നാണ് വിശ്വസിക്കപ്പെടുന്നത്.  പണ്ടുകാലത്ത് യുദ്ധങ്ങളില്‍ പരിക്കുപറ്റിയിരുന്നവര്‍ പിറ്റേ ദിവസത്തേക്ക് മുറിവുണക്കിയിരുന്നത് ഈ ഇലയുടെ നീര് പുരട്ടിയായിരുന്നെന്നും പറയപ്പെടുന്നു.

കാക്കനാട്:  കര്‍ക്കിടക ഔഷധസേവ പ്രചരിപ്പിക്കുന്നതിന് ഭാരതീയ ചികിത്സാവകുപ്പിന്റെ സഹകരണത്തോടെ ജില്ലാ പഞ്ചായത്തിന്റെ ആഭിമുഖ്യത്തില്‍ ആയുര്‍ചര്യം 2018 സംഘടിപ്പിച്ചു. ശരീരത്തിന്റെ രോഗപ്രതിരോധശേഷി ഏറ്റവും കുറയുന്ന കര്‍ക്കിടക മാസത്തില്‍ ശരീരത്തെ ബലപ്പെടുത്താന്‍ ആയുര്‍വേദം അനുശാസിക്കുന്ന ജീവിത ഭക്ഷണക്രമങ്ങള്‍  അടങ്ങുന്നതാണ് കര്‍ക്കിടക ഔഷധസേവ.  ജില്ലാ പഞ്ചായത്ത് കോണ്‍ഫറന്‍സ് ഹാളില്‍ നടന്ന ചടങ്ങ് ജില്ലാ പഞ്ചായത്ത് പ്രസിഡന്റ് ആശ സനില്‍ ഉദ്ഘാടനം ചെയ്തു.  സിനിമാ നടനും സംവിധായകനുമായ സോഹന്‍ സീനുലാല്‍ മുഖ്യാതിഥിയായിരുന്നു.