കണ്ണൂര്‍ ജില്ലാ ആശുപത്രിയില്‍ സ്‌നേഹജേ്യാതി കിഡ്‌നി ഫൗണ്ടേഷനു കീഴില്‍  ഡയാലിസിസ് ടെക്‌നീഷ്യന്റെ ഒഴിവിലേക്ക് ദിവസവേതനാടിസ്ഥാനത്തില്‍ നിയമനം നടത്തുന്നതിനായി കൂടിക്കാഴ്ച നടത്തുന്നു.  ആഗസ്ത് രണ്ടിന് രാവിലെ 11 മണിക്ക് ആശുപത്രി സൂപ്രണ്ടിന്റെ ചേമ്പറിലാണ് കൂടിക്കാഴ്ച.  യോഗ്യത: ഡിപ്ലോമ ഇന്‍ ഡയാലിസിസ് ടെക്‌നോളജി (ഡിഡിടി  ഗവ.അംഗീകൃതം).

തൊഴില്‍ വകുപ്പിന്റെ ആഭിമുഖ്യത്തില്‍ പരിയാരം മെഡിക്കല്‍ കോളേജുമായി  സഹകരിച്ച്  ജില്ലയിലെ അതിഥി തൊഴിലാളികള്‍ക്കായി ജൂലൈ 29 ന് മാടായി ഗ്രാമപഞ്ചായത്ത് കോണ്‍ഫറന്‍സ് ഹാളില്‍ സൗജന്യ മെഡിക്കല്‍ ക്യാമ്പ് സംഘടിപ്പിക്കുന്നു.  മാടായി  ഗ്രാമ പഞ്ചായത്ത് പ്രസിഡണ്ട് എ.സുഹറാബി ഉദ്ഘാടനം ചെയ്യും. അതിഥി തൊഴിലാളികള്‍ക്കായി ആവിഷ്‌ക്കരിച്ചിട്ടുള്ള വിവിധ ക്ഷേമപദ്ധതികള്‍, ആരോഗ്യ ശുചിത്വസംബന്ധമായ കാര്യങ്ങള്‍ എന്നിവയെപ്പറ്റി അവരുടെ മാതൃഭാഷയില്‍ ബോധവത്കരണ ക്ലാസും തുടര്‍ന്ന് സൗജന്യ വൈദ്യപരിശോധനയും മരുന്ന് വിതരണവും നടത്തും.

പട്ടികജാതി വികസന വകുപ്പ് നടപ്പിലാക്കിവരുന്ന അയ്യങ്കാളി മെമ്മോറിയല്‍ ടാലന്റ് സെര്‍ച്ച് ആന്റ് ഡവലപ്‌മെന്റ് സ്‌കോളര്‍ഷിപ്പിന് അപേക്ഷ ക്ഷണിച്ചു.  2017-18 വര്‍ഷത്തില്‍ ജില്ലയിലെ സര്‍ക്കാര്‍/എയ്ഡഡ് സ്‌കൂളുകളില്‍ നാലാം ക്ലാസിലും ഏഴാം ക്ലാസിലും പഠിച്ചിരുന്ന ആണ്‍കുട്ടികള്‍ക്കും പെണ്‍കുട്ടികള്‍ക്കും അപേക്ഷിക്കാം.  വാര്‍ഷിക വരുമാനം ഒരു ലക്ഷം രൂപ.  സി പ്ലസില്‍ കുറയാത്ത ഗ്രേഡ് ലഭിച്ചിരിക്കണം.

ജില്ലാ പഞ്ചായത്തിന്റെ ആഭിമുഖ്യത്തില്‍ ഓണത്തോടനുബന്ധിച്ച് ആഗസ്ത് 10 മുതല്‍ 24 വരെ കണ്ണൂര്‍ പോലീസ് മൈതാനത്തു നടത്തുന്ന കാര്‍ഷിക പരമ്പരാഗത വ്യവസായ ഉല്പന്ന പ്രദര്‍ശന വിപണന മേളയില്‍ സ്റ്റാള്‍ ആവശ്യമുള്ള  ജില്ലയിലെ കുടുംബശ്രീ യൂണിറ്റുകള്‍, സ്വയംസഹായ സംഘങ്ങള്‍, കാര്‍ഷിക, പരമ്പരാഗത യൂണിറ്റുകള്‍, സഹകരണ സംഘങ്ങള്‍ ചെറുകിട-വനിതാ വ്യവസായ യൂണിറ്റുകള്‍ എന്നിവരില്‍ നിന്നും അപേക്ഷ ക്ഷണിച്ചു.

ഗ്രാമ വിശുദ്ധി ഒട്ടും കൈവിടാതെ ആ നന്മയിലേക്ക് സഞ്ചാരികളെ കൈമാടി വിളിക്കുകയാണ് മയ്യില്‍ ഗ്രാമ പഞ്ചായത്ത്. കണ്ണൂരിന്റെ വിനോദ സഞ്ചാര സാധ്യതകള്‍ക്ക് കരുത്ത് പകരുന്ന നിരവധി കാഴ്ചകളും പുത്തനനുഭവങ്ങളുമാണ് ഇവിടെ സഞ്ചാരികള്‍ക്കായി പ്രകൃതി കാത്തു വെച്ചിരിക്കുന്നത്. നഷ്ടമായികൊണ്ടിരിക്കുന്ന ഗ്രാമീണത എല്ലാ തനിമയോടെയും നിലനിര്‍ത്തുകയും അതിലൂടെ വിനോദ സഞ്ചാര രംഗത്ത് ശക്തമായ സാന്നിധ്യമറിയിക്കുകയുമാണ് ഇവര്‍.

     സംസ്ഥാന പട്ടികജാതി പട്ടികവര്‍ഗ്ഗ വികസന കോര്‍പ്പറേഷന്‍  നടപ്പിലാക്കി വരുന്ന വിവിധ സ്വയംതൊഴില്‍   പദ്ധതിയുടെ  കീഴില്‍ വായ്പ അനുവദിക്കുന്നതിനായി  ജില്ലയിലെ പട്ടികജാതി/പട്ടികവര്‍ഗ്ഗത്തില്‍പ്പെട്ട തൊഴില്‍രഹിതരായവരില്‍ നിന്നും അപേക്ഷ ക്ഷണിച്ചു.
    അപേക്ഷകര്‍ 18 നും 55 നും ഇടയില്‍ പ്രായമുള്ളവരായിരിക്കണം. കുടുംബ വാര്‍ഷിക വരുമാനം  3,50,000 രൂപയില്‍ കവിയാന്‍ പാടില്ല. പദ്ധതി പ്രകാരം അനുവദനീയമായ വായ്പാ തുകയായ 50,000 രൂപയ്ക്കും 50,00,000 രൂപയ്ക്കും ഇടയിലുള്ള വിജയ സാധ്യതയുള്ള ഏതൊരു സ്വയംതൊഴില്‍ പദ്ധതിയിലും (കൃഷിഭൂമി വാങ്ങല്‍/മോട്ടോര്‍ വാഹന വായ്പ ഒഴികെ) ഗുണഭോക്താവിന് ഏര്‍പ്പെടാവുന്നതാണ്.

എക്‌സസൈസ്, തൊഴില്‍ വകുപ്പ് മന്ത്രി ടി പി രാമകൃഷ്ണന്‍ ഇന്നും നാളെയും ( ജൂലൈ 28, 29) ജില്ലയില്‍ വിവിധ പരിപാടികളില്‍ പങ്കെടുക്കും. 28ന് രാവിലെ 8.30 എക്‌സൈസ് ഉദ്യോഗസ്ഥരുടെ അവലോകന യോഗം-കണ്ണൂര്‍ ഗവ. ഗസറ്റ്ഹൗസ്, 10.30 അസംഘടിത തൊഴിലാളി ക്ഷേമനിധി അംഗത്വ വിതരണം സംസ്ഥാന തല ഉദ്ഘാടനം- സി കണ്ണന്‍ സ്മാരക മന്ദിരം, 11.30 ചെത്ത് തൊഴിലാളി സഹകരണ സംഘം കെട്ടിട ഉദ്ഘാടനം-പഴയങ്ങാടി.
29ന് വൈകിട്ട് നാല് മണി: പന്ന്യന്നൂര്‍ ഐടിഐ ഉദ്ഘാടനം-ചമ്പാട്, 5 മണി: കൂത്തുപറമ്പ് ഐടിഐ കെട്ടിട ഉദ്ഘാടനം.

വ്യവസായ വകുപ്പ് മന്ത്രി എ സി മൊയ്തീന്‍ ഇന്ന്(ജൂലൈ 28) ജില്ലയിലെ വിവിധ പരിപാടികളില്‍ പങ്കെടുക്കും.  രാവിലെ 10 മണി - സംസ്ഥാനതല യോഗ ചാമ്പ്യന്‍ഷിപ്പ് ഉദ്ഘാടനം - മുണ്ടയാട്,  11.30 ന് കാഞ്ഞിരോട് വീവേഴ്‌സ് സൗരോര്‍ജ്ജ പദ്ധതി ഉദ്ഘാടനം - കാഞ്ഞിരോട്, 4 മണി  പയ്യന്നൂര്‍.
 

ആരോഗ്യ വകുപ്പ് മന്ത്രി കെ കെ ശൈലജ ടീച്ചര്‍ ഇന്നും(ജൂലൈ 28) നാളെ(ജൂലൈ 29)യും ജില്ലയില്‍ വിവിധ പരിപടികളില്‍ പങ്കെടുക്കും.  28 ന് രാവിലെ 10 മണി മലബാര്‍ കാന്‍സര്‍ സെന്റര്‍ ന്യൂക്ലിക് ആസിഡ് ടെസ്റ്റിങ്ങ് ലാബ് ഉദ്ഘാടനം - കോടിയേരി, 11.30 - ശില്‍പശാല - മൊകേരി പഞ്ചായത്ത് ഹാള്‍, 3 മണി - കണ്ണൂര്‍ ജില്ലാ ആശുപത്രി, 5 മണി - ഡോക്ടര്‍മാരുടെ യോഗം - റബ്‌കോ ഹാള്‍, കണ്ണൂര്‍.

മത്സ്യത്തൊഴിലാളികള്‍ക്ക് നല്‍കിയ 43 കോടി വായ്പയുടെ പലിശയും പിഴപ്പലിശയും ഇളവു ചെയ്യുമെന്ന് മത്സ്യഫെഡ് ചെയര്‍മാന്‍ പി.പി ചിത്തിരഞ്ജന്‍. മത്സ്യബന്ധനോപകരണങ്ങള്‍ വാങ്ങാന്‍ സഹകരണ സംഘങ്ങള്‍ മുഖേനെ 2013-14 വര്‍ഷം വരെ നല്‍കിയ വായ്പകള്‍ക്കാണ് ഇളവുണ്ടാകുക. മത്സ്യത്തൊഴിലാളി വികസന സഹകരണ സംഘങ്ങളുടെ പ്രവര്‍ത്തന അവലോകന യോഗത്തിന്റെ ഉദ്ഘാടനവും മൈക്രോഫിനാന്‍സ് വായ്പാ വിതരണവും നിര്‍വ്വഹിക്കുകയായിരുന്നു അദ്ദേഹം.