അനധികൃതമായി ജോലിയില്‍ ഹാജരാവാത്തതിനാല്‍ സ്റ്റാറ്റിസ്റ്റിക്കല്‍ ഇന്‍വെസ്റ്റിഗേറ്റര്‍ ഗ്രേഡ് 2 ഉദ്യോഗസ്ഥന്‍ എസ്. സിദ്ദിഖിനെതിരേ അച്ചടക്ക നടപടി സ്വീകരിച്ചതായി സാമ്പത്തിക സ്ഥിതി വിവര കണക്ക് ഡെപ്യൂട്ടി ഡയറക്ടര്‍ അറിയിച്ചു. 2014 സെപ്റ്റംബര്‍ 27 മുതലാണ് ഉദ്യോഗസ്ഥന്‍ ജോലിക്ക് എത്താതിരുന്നത്. വിശദീകരണം 15 ദിവസത്തിനകം സമര്‍പ്പിക്കാനാണ് നിര്‍ദ്ദേശം. വിശദവിവരങ്ങള്‍ ംംം.ലരീമെേേ.സലൃമഹമ.ഴീ്.ശി ല്‍ ലഭിക്കും.

    ജില്ലാ സ്പോട്സ് കൗണ്‍സിലിന്‍റെ വാര്‍ഷിക ജനറല്‍ബോഡി യോഗം ഇന്ന് ജൂലൈ 27 ന് വൈകിട്ട് മൂന്നിന് കലക്ട്രേറ്റ് സമ്മേളന ഹാളില്‍ ചേരുമെന്ന് ജില്ലാ സ്പോര്‍ട്സ് കൗണ്‍സില്‍ സെക്രട്ടറി അറിയിച്ചു

    സംസ്ഥാന കര്‍ഷക കടാശ്വാസ കമ്മീഷന്‍ ജില്ലയിലെ വിവിധ പ്രാഥമിക സേവന സഹകരണ ബാങ്കുകളില്‍ നിന്നും കടമെടുത്ത 13 കര്‍ഷകര്‍ക്ക് 4,48,500 രൂപയും ആലത്തൂര്‍ പ്രാഥമിക സഹകരണ കാര്‍ഷിക ഗ്രാമ വികസന ബാങ്കില്‍ നിന്നും വായ്പയെടുത്ത ഒരു കര്‍ഷകന് 37,500 രൂപയും ചേര്‍ത്ത് മൊത്തം 4,86,000/- രൂപയുടെ കടാശ്വാസം അനുവദിച്ചതായി  പാലക്കാട് സഹകരണസംഘം  ജോയിന്‍റ് രജിസ്ട്രാര്‍ അറിയിച്ചു. കടാശ്വാസം ലഭിച്ച കര്‍ഷകരുടെ പേരും തുകയും ബന്ധപ്പെട്ട ബാങ്കുകളുടെ ഹെഡ് ഓഫീസിന്‍റേയും  ശാഖകളുടേയും നോട്ടീസ് ബോര്‍ഡില്‍ പരിശോധനയ്ക്കായി പ്രദര്‍ശിപ്പിക്കുന്നതാണ്.

    വനിതകള്‍ ഗൃഹനാഥരായ കുടുംബത്തിലെ മക്കള്‍ക്ക് വിദ്യാഭ്യാസ ധനസഹായത്തിന് അപേക്ഷിക്കാം.  വിവാഹമോചിതര്‍, ഭര്‍ത്താവ് ഉപേക്ഷിച്ചവര്‍, ബി.പി.എല്‍(മുന്‍ഗണന വിഭാഗം) വിഭാഗക്കാര്‍ എന്നിവര്‍ക്കും അപേക്ഷിക്കാം. അപേക്ഷകള്‍ ഓഗസ്റ്റ് 15 ന് അതത് ശിശുവികസന ഓഫീസുകളില്‍ നല്‍കണം. കൂടുതല്‍ വിവരങ്ങള്‍ ഐ.സി.ഡി.എസ് ഓഫീസില്‍ ലഭ്യമാണ്.

    ചിറ്റൂര്‍ ടെക്നിക്കല്‍ ഹൈസ്കൂളില്‍  ഓട്ടോമൊബൈല്‍, കാര്‍പെന്‍ററി ട്രേഡ്മാന്‍ ഒഴിവുകളിലേക്ക് ഐ.ടി.ഐ/ ടി.എച്ച്.എസ്.എല്‍.സി യോഗ്യതയുളള ഉദ്യോഗാര്‍ഥികള്‍  അസല്‍ സര്‍ട്ടിഫിക്കറ്റുകളുമായി ജൂലൈ 30 ന് രാവിലെ 10 ന് അഭിമുഖത്തിനെത്തണമെന്ന് സുപ്രണ്ട് അറിയിച്ചു.

ജില്ലയിലെ സര്‍ക്കാര്‍-എയ്ഡഡ് സ്ക്കൂളുകളിലെ ഒന്നു മുതല്‍ പത്ത് വരെയുളള ക്ലാസ്സുകളിലുളള ഒ.ഇ.സി ലപ്സം ഗ്രാന്‍റ്ിന് അര്‍ഹരായ വിദ്യാര്‍ത്ഥികള്‍ക്ക് വിതരണത്തിന് ആവശ്യമായ തുക സ്ക്കൂളുകളുടെ ഔദ്യോഗിക ബാങ്ക് അക്കൗണ്ടിലേക്ക് ട്രാന്‍സ്ഫര്‍ ചെയ്തിട്ടുണ്ട്. പ്രധാന അധ്യാപകര്‍ തുക പിന്‍വലിച്ച് സ്കോളര്‍ഷിപ്പ് പോര്‍ട്ടലില്‍ പ്രസിദ്ധീകരിച്ചിട്ടുളള ലിസ്റ്റ് പ്രകാരം അര്‍ഹരായ കുട്ടികള്‍ക്ക് വിതരണം ചെയ്യുന്നതിനുളള നടപടി സ്വീകരിക്കേണ്ടതാണെന്ന് മേഖലാ ഡെപ്യൂട്ടി ഡയറക്ടര്‍ അറിയിച്ചു. 

മലമ്പുഴ, ജവഹര്‍ നവോദയ വിദ്യാലയത്തിലെ 2018-19 ബാച്ച്, ആറാം ക്ലാസ് പ്രവേശനത്തിന് തിരഞ്ഞെടുത്ത വിദ്യാര്‍ത്ഥികളുടെ റോള്‍ നമ്പറുകളടങ്ങിയ താല്‍ക്കാലികപട്ടിക പ്രസിദ്ധീകരിച്ചതായി പ്രിന്‍സിപ്പാള്‍ അറിയിച്ചു. പട്ടികയുടെ പകര്‍പ്പ് ജില്ലാ ഇന്‍ഫര്‍മേഷന്‍ ഓഫീസിലെ നോട്ടീസ് ബോര്‍ഡിലും പ്രദര്‍ശിപ്പിച്ചിട്ടുണ്ട്. 
തിരഞ്ഞെടുക്കപ്പെട്ട വിദ്യാര്‍ഥികളുടെ രക്ഷിതാക്കള്‍ അപേക്ഷാഫോറം സ്ക്കൂളില്‍ നിന്ന് ഉടന്‍ കൈപറ്റണം. 

    
     'തൊഴില്‍ കേന്ദ്രത്തിലേക്ക്'  എന്ന സ്ത്രീ കൂട്ടായ്മയിലുണ്ടായ നാടകം ജില്ലാ പഞ്ചായത്തിന്‍റെ മേല്‍നോട്ടത്തില്‍ സിനിമയാക്കുന്നതിന്‍റെ ഭാഗമായി രൂപീകരിച്ച പവര്‍ത്തന കമ്മിറ്റി ജില്ലാ പഞ്ചായത്ത് പ്രസിഡന്‍റ്  കെ.ശാന്തകുമാരിയുടെ നേതൃത്വത്തില്‍്  ചേബറില്‍ ചേര്‍ന്നു.സിനിമയുടെ സംവിധാനം എം.ജി. ശശി നിര്‍വഹിക്കും. യോഗത്തില്‍ കമ്മിറ്റി ഭാരവാഹികള്‍ പങ്കെടുത്തു.