എം.എല്‍.എ യുടെ ആസ്ഥി വികസന ഫണ്ടില്‍ നിന്നു 79.2 ലക്ഷം രൂപ ചിലവില്‍ മുതുവല്ലൂര്‍ ചുള്ളിക്കോട് ഗവ. ഹയര്‍ സെക്കണ്ടറി സ്‌കൂളില്‍ നിര്‍മ്മിക്കുന്ന കെട്ടിടത്തിന്റെ ശിലാസ്ഥാപനം ടി.വി. ഇബ്രാഹീം എം.എല്‍.എ നിര്‍വ്വഹിച്ചു. ഹൈസ്‌കൂള്‍ ഹൈടെക് ക്ലാസ് മുറികളുടെ ഉദ്ഘാടനവും എം.എല്‍.എ നിര്‍വ്വഹിച്ചു.

മലപ്പുറം ആര്‍.ആര്‍.ആര്‍.എഫിന്റെ ഉടമസ്ഥതയിലുള്ള വിവിധ വാഹനങ്ങള്‍ ആഗസ്റ്റ് എട്ടിന് പരസ്യമായി ലേലം ചെയ്ത് വില്‍ക്കുമെന്ന് കമാന്‍ഡന്റ് അറിയിച്ചു. ഏഴ് ബസുകള്‍, നാല്  ഇരുചക്രവാഹനങ്ങള്‍, രണ്ട് ജീപ്പുകള്‍ എന്നിവയാണ് ലേലത്തിന് വെയ്ക്കുന്നത്. താല്പര്യമുള്ളവര്‍ക്ക് നിരത ദ്രവ്യം കെട്ടിവെച്ച് ലേലത്തില്‍ പങ്കെടുക്കാം. കൂടുതല്‍ വിവരങ്ങള്‍ക്ക് 0483 2783396 എന്ന നമ്പറില്‍ വിളിക്കാം.

    സിഡിറ്റിന്‍റെ ആഭിമുഖ്യത്തില്‍ ഓഗസ്റ്റില്‍ ആരംഭിക്കുന്ന പി.ജി.ഡി.സി.എ, ഡി.സി.എ, സി.സി.എ, ഡിപ്ലോമ ഇന്‍ കംപൂട്ടറൈസ്ഡ്  ഫിനാന്‍ഷല്‍ മാനേജ്മെന്‍റ്, ഡിപ്ലോമ ഇന്‍ കംപൂട്ടര്‍ ഹാര്‍ഡ്വെയര്‍ ആന്‍ഡ് നെറ്റ് വര്‍ക്കിങ്, ഡാറ്റാ എന്‍ട്രി ഓപ്പറേറ്റര്‍, ഓഫീസ് ഓട്ടോമേഷന്‍ കോഴ്സുകളില്‍ അപേക്ഷിക്കാം. എസ്.സി എസ്.ടിബി.പി.എല്‍ വിഭാഗകാര്‍ക്ക് ഫീസ് ആനുകൂല്യം ലഭിക്കും. കൂടുതല്‍ വിവരങ്ങള്‍ക്ക് 04912520823, 9946789777

സ്വാതന്ത്ര്യസമര സേനാനി കെ.ഇ മാമന്റെ ഒന്നാം ചരമ ദിനത്തിന്റെ ഭാഗമായി കലക്ടറേറ്റില്‍ ഫവലൃക്ഷത്തൈകള്‍ നട്ടു.  അനാഥരില്ലാത്ത ഭാരതം എന്ന പ്രസ്ഥാനത്തിന്റെ നേതൃത്വത്തിലാണ് പരിപാടി സംഘടിപ്പിച്ചത്. മലപ്പുറം കലക്ടറേറ്റില്‍ എഡിഎം വി.രാമചന്ദ്രന്‍ വൃക്ഷത്തൈ നട്ടു. ഗാന്ധി ദര്‍ശന്‍ സമിതി ജനറല്‍ കണ്‍വീനര്‍ പി.കെ നാരായണന്‍ വിവിധ വകുപ്പുകളിലെ ഉദ്യോഗസ്ഥര്‍ എന്നിവര്‍ ചടങ്ങില്‍ പങ്കെടുത്തു.

വേങ്ങര ഐ.സി.ഡി.എസ് പ്രോജക്ട് ഓഫീസിലുള്ള കേടായ ഇലക്‌ട്രോണിക് ഉപകരണങ്ങള്‍ ആഗസ്റ്റ് ഒന്നിന് ഉച്ചക്ക് രണ്ടിന് വേങ്ങര ബ്ലോക്ക് ഓഫീസ് കോമ്പൗണ്ടില്‍ ലേലം ചെയ്യും.