കുട നിര്‍മ്മാണം, മാര്‍ബിള്‍ & ഗ്രാനൈറ്റ് ഇന്‍ഡസ്ട്രി തൊഴിലാളികളുടെ മിനിമം വേതനം പുതുക്കി നിശ്ചയിക്കുന്നതിനുള്ള ഉപസമിതിയുടെ തെളിവെടുപ്പ് യോഗം ഓഗസ്റ്റ് 8ന് യഥാക്രമം രാവിലെ 10.30 മണിക്കും 11.30 മണിയ്ക്കും കണ്ണൂര്‍ ഗവണ്‍മെന്റ് ഗസ്റ്റ് ഹൗസ് കോണ്‍ഫറന്‍സ് ഹാളില്‍ ചേരും. ഈ മേഖലയിലെ തൊഴിലാളി/തൊഴിലുടമ പ്രതിനിധികള്‍ പങ്കെടുക്കണമെന്ന് ജില്ലാ ലേബര്‍ ഓഫീസര്‍ അറിയിച്ചു.
 

മലാപ്പറമ്പിലെ വനിതാ പോളി ടെക്‌നിക് കോളേജിലെ ഒന്നാം വര്‍ഷ ഡിപ്ലോമ കോഴ്‌സുകള്‍ ഈ മാസം 30 ന് ആരംഭിക്കും.  പ്രവേശനം നേടിയിട്ടുള്ള വിദ്യാര്‍ത്ഥികള്‍ രാവിലെ 9.15 ന് കോളേജില്‍ എത്തണം. ഫോണ്‍: 0495 2370714.

ഗവ ജില്ലാ ഹോമിയോ ആശുപത്രിയില്‍ സദ്ഗമയ പ്രൊജക്ടിലേക്ക് സ്‌പെഷ്യല്‍ എഡ്യുക്കേറ്ററെ നിയമിക്കും. അംഗീകൃത സര്‍വകലാശാലയില്‍ നിന്നും ബി.എഡ് (എം.ആര്‍,എല്‍.ഡി) ബിരുദവും രണ്ട് വര്‍ഷത്തെ പ്രവൃത്തി പരിചയവും ഉള്ളവര്‍ ആഗസ്റ്റ് രണ്ടിന് രാവിലെ 10 മണിക്കകം കൂടിക്കാഴ്ചയ്ക്ക് ഹാജരാകണം. ഫോണ്‍: 0495 2460724.
 

    പൊതു വിദ്യാഭ്യാസ വകുപ്പില്‍ ഹൈസ്‌കൂള്‍ അസിസ്റ്റന്റ് (ഫിസിക്കല്‍  സയന്‍സ്-എന്‍.സി.എ - ഒ.എക്‌സ്) (കാറ്റഗറി നം. 151/16) തസ്തികയുടെ  2017 ഒക്‌ടോബര്‍ 30 ന് പ്രസിദ്ധീകരിച്ച ചുരുക്കപ്പട്ടികയില്‍ ഉള്‍പ്പെട്ട പ്രമാണ പരിശോധന പൂര്‍ത്തിയാക്കിയ ഉദ്യോഗാര്‍ത്ഥികള്‍ക്കുളള അഭിമുഖം ആഗസ്റ്റ് മൂന്നിന് കേരള പി.എസ്.സി യുടെ കോഴിക്കോട് ജില്ലാ ഓഫീസില്‍ നടക്കും. ഉദ്യോഗാര്‍ത്ഥികള്‍ക്ക് അവരുടെ പ്രൊഫൈലില്‍ അഡ്മിഷന്‍ ടിക്കറ്റ് ലഭ്യമാണ്. ഉദ്യോഗാര്‍ത്ഥികള്‍ക്ക്  വ്യക്തിഗത ഇന്റര്‍വ്യൂ മെമ്മോ അയയ്ക്കുന്നതല്ല. 
 

    സംസ്ഥാന വനിതാ കമ്മിഷന്‍ കോഴിക്കോട് കലക്ടറേറ്റ് കോണ്‍ഫറന്‍സ് ഹാളില്‍ വ്യാഴാഴ്ച നടത്തിയ മെഗാ അദാലത്തില്‍ 80 കേസുകള്‍ പരിഗണിച്ചു. 23 കേസുകള്‍ തീര്‍പ്പാക്കി. ആറ് കേസുകളില്‍ റിപ്പോര്‍ട്ട് ആവശ്യപ്പെട്ടു. 23 കേസുകള്‍ അടുത്ത അദാലത്തിലേക്ക് മാറ്റി. ഇരുകൂട്ടരും ഹാജരാകാത്ത 28 കേസുകള്‍ മാറ്റിവെച്ചു. മുന്‍കൂട്ടി വിവരം നല്‍കാത്ത പരാതിക്കാര്‍ ഹാജരാകാത്ത കേസുകള്‍ കൂടുന്നത് കമ്മിഷന്‍ ഗൗരവമായി കാണും. കുടുംബ ശൈഥില്യം വര്‍ധിക്കുന്നതായാണ് കമ്മീഷന് ലഭിക്കുന്ന പരാതികളില്‍ വ്യക്തമാകുന്നതെന്ന് കമ്മീഷന്‍ ചെയര്‍പേഴ്‌സണ്‍ എം.സി ജോസഫൈന്‍ പറഞ്ഞു. 

ലോറിസമരം തുടരുന്നതിനിടെ ജില്ലയില്‍ ഇന്ന് (ജൂലായ് 27)ഒരു ദിവസത്തേക്ക് റേഷന്‍ കടകളില്‍ സ്റ്റോക്ക് എത്തിക്കുന്നതിനായി ലോറികള്‍ സര്‍വ്വീസ് നടത്താന്‍ തീരുമാനം. കാലാവസ്ഥയും പൊതു വിതരണ കേന്ദ്രങ്ങളിലെ അരിക്ഷാമവും കണക്കിലെടുത്താണ്  തീരുമാനം. കലക്ടറുടെ ചേമ്പറില്‍ ജില്ലാ കലക്ടര്‍ യു.വി ജോസ്, ജില്ലാ സപ്ലൈ ഓഫീസര്‍ കെ. മനോജ് കുമാര്‍, ആര്‍.ടി.ഒ സി.ജെ പോള്‍സണ്‍ എന്നിവരുടെ സാന്നിധ്യത്തില്‍ ലോറി ഉടമസ്ഥരുമായി നടത്തിയ ചര്‍ച്ചയെ തുടര്‍ന്നാണ് തീരുമാനമായത്. 
 

    കോഴിക്കോട് മിഠായിതെരുവിലുളള ദക്ഷിണേന്ത്യയിലെ ഏറ്റവും വലിയ ഖാദി ഗ്രാമോദ്യോഗ് എമ്പോറിയത്തില്‍ ഓണം - ബക്രീദ് ഖാദിമേള ആഗസ്റ്റ് ഒന്ന് മുതല്‍ 24 വരെ നടക്കും. ഒന്നിന് വൈകീട്ട് 3.30 ന് മേയര്‍ തോട്ടത്തില്‍ രവീന്ദ്രന്‍ ഉദ്ഘാടനം ചെയ്യും. ജില്ലാ പഞ്ചായത്ത് വൈസ് പ്രസിഡണ്ട് റീന മുണ്ടങ്ങാട്ട് അധ്യക്ഷത വഹിക്കും.
 

    ഒ.ബി.സി,മതന്യൂനക്ഷ വിഭാഗത്തില്‍പ്പെട്ടവരും ചുരുങ്ങിയത് 2 വര്‍ഷമെങ്കിലും വിദേശത്ത് ജോലി ചെയ്തതിനുശേഷം മടങ്ങിയയെത്തിയവരുമായ പ്രവാസികളില്‍ നിന്നും കേരള സംസ്ഥാന പിന്നാക്ക വിഭാഗ വികസന കോര്‍പ്പറേഷന്‍ റീ-ടേണ്‍ പദ്ധതി പ്രകാരം വായ്പാ അപേക്ഷ ക്ഷണിച്ചു.

      2018-19 അധ്യയന വര്‍ഷത്തില്‍ പ്രഫഷണല്‍ കോഴ്‌സുകളില്‍     ഒന്നാം വര്‍ഷം ചേര്‍ന്ന വിമുക്തഭടന്മാരുടെ മക്കള്‍ക്കുള്ള പ്രധാനമന്ത്രിയുടെ മെറിറ്റ് സ്‌കോളര്‍ഷിപ്പിന് അപേക്ഷ ക്ഷണിച്ചു. അപേക്ഷയും അനുബന്ധ രേഖകളും www.ksb.gov.in വെബ് സൈറ്റില്‍ ലഭിക്കും.  സമര്‍പ്പിച്ച അപേക്ഷയുടെ പ്രിന്റ് ഔട്ട് അഞ്ച് ദിവസത്തിനകം ജില്ലാ സൈനിക ക്ഷേമ ഓഫീസില്‍ ലഭിക്കണം.  ഫോണ്‍ 04936 202668.