സൗദി അറേബ്യയിലെ അല്‍-മൗവ്വാസാത്ത് ഹെല്‍ത്ത് ഗ്രൂപ്പിലേക്ക് ബി.എസ്.സി/ഡിപ്ലോമ നഴ്‌സുമാരെയും (സ്ത്രീകള്‍ മാത്രം), പാരാമെഡിക്കല്‍ സ്റ്റാഫിനെയും നിയമിക്കുന്നതിനായി ഒ.ഡി.ഇ.പി.സി വഴുതയ്ക്കാട് ഓഫീസില്‍ ജൂലൈ 30,31 തീയതികളില്‍ വാക്ക് ഇന്‍ ഇന്റര്‍വ്യൂ ചെയ്യും.  താത്പര്യമുള്ളവര്‍ ഓഫീസില്‍ അന്നേ ദിവസം ഉച്ചയ്ക്ക് രണ്ടിന് രേഖകള്‍ സഹിതം നേരിട്ട് ഹാജരാകണം.  വിശദവിവരങ്ങള്‍ക്ക് : www.odepc.kerala.gov.in ഫോണ്‍ : 0471 2329440/41/42/43/45.
പി.എന്‍.എക്‌സ്.3189/18

ശ്രീ സ്വാതി തിരുനാള്‍ സംഗീത കോളേജിലെ ഡാന്‍സ് വിഭാഗത്തില്‍ ഒഴിവുള്ള മൃദംഗം പ്ലയര്‍ (ഒന്ന്), ലക്ചറര്‍ ഇന്‍ ഡാന്‍സ് (കേരളനടനം രണ്ട്) തസ്തികകളിലേക്ക് ദിവസവേതനാടിസ്ഥാനത്തില്‍ നിലവിലെ സര്‍ക്കാര്‍ ഉത്തരവുകള്‍ക്ക് വിധേയമായി താത്കാലികമായി നിയമിക്കുന്നതിന് നിശ്ചിത യോഗ്യതയുള്ള ഉദേ്യാഗാര്‍ത്ഥികള്‍ക്ക് ആഗസ്റ്റ് ഒന്നിന് രാവിലെ 10ന് കോളേജില്‍ നടക്കുന്ന അഭിമുഖത്തില്‍ നേരിട്ട് പങ്കെടുക്കാം.  വിദ്യാഭ്യാസ യോഗ്യതകള്‍, മാര്‍ക്ക് ലിസ്റ്റുകള്‍, പ്രവൃത്തി പരിചയ സര്‍ട്ടിഫിക്കറ്റുകള്‍, പാനല്‍ രജിസ്‌ട്രേഷന്‍ സര്‍ട്ടിഫിക്കറ്റ് മുതലായവയുടെ അസലും പകര്‍പ്പുകളും അഭിമുഖ സമയത്ത് ഹാജരാക്കണം. 
പി.എന്‍.എക്‌സ്.3188/18

കെ.ഇ. മാമ്മന്‍ ഓര്‍മ്മ വൃക്ഷം നടീലിന്റെ സംസ്ഥാനതല ഉദ്ഘാടനം സെക്രട്ടേറിയറ്റ് അനക്‌സിന്റെ (രണ്ട്) മുറ്റത്ത് മുഖ്യമന്ത്രി പിണറായി വിജയന്‍ തേന്‍വരിക്ക പ്ലാവ് നട്ടുകൊണ്ട് നിര്‍വഹിച്ചു. 
    കര്‍ദ്ദിനാള്‍ മോറോന്‍ മോര്‍ ബസേലിയോസ് ക്ലിമീസ് കാതോലിക്ക ബാവ, പാളയം ഇമാം പി.വി. സുഹൈബ് മൗലവി, സ്വാമി ഗുരുരത്‌നം ജ്ഞാനതപസ്വി, ഡോ. ഡി. ബാബുപോള്‍ എന്നിവര്‍ സന്നിഹിതരായിരുന്നു.  ഒരു വര്‍ഷം കൊണ്ട് ഒരു ലക്ഷം ഫലവൃക്ഷ തൈകളാണ് നട്ടുവളര്‍ത്താന്‍ സംഘാടകര്‍ തീരുമാനിച്ചിരിക്കുന്നത്. 
പി.എന്‍.എക്‌സ്.3187/18

പോളിടെക്‌നിക് പ്രവേശനത്തിന്റെ നാലാം അലോട്ട്‌മെന്റില്‍ പ്രവേശനം ലഭിച്ചവരും മുന്‍ അലോട്ട്‌മെന്റുകളില്‍ അലോട്ട്‌മെന്റ് ലഭിച്ച് പ്രവേശനം നേടാതെ സര്‍ട്ടിഫിക്കറ്റ് സമര്‍പ്പിച്ച് രജിസ്റ്റര്‍ ചെയ്ത് അലോട്ട്‌മെന്റ് നിലനിര്‍ത്തി ഉയര്‍ന്ന ഓപ്ഷന്‍ ലഭിക്കുന്നതിനായി കാത്തിരുന്നവരും അവര്‍ക്ക് നാലാമത്തെ അലോട്ട്‌മെന്റില്‍ ഏത് സ്ഥാപനത്തിലാണോ അലോട്ട്‌മെന്റ് നിലനില്‍ക്കുന്നത് ആ സ്ഥാപനത്തില്‍ നിര്‍ബന്ധമായും നാളെ (28) വൈകിട്ട് നാലിനുള്ളില്‍ പ്രവേശനം നേടണം.  നിശ്ചിത തീയതിക്കുള്ളില്‍ പ്രവേശനം നേടാത്തവരുടെ പ്രവേശനം റദ്ദാകും. 

അഖിലേന്ത്യാലോറിസമരം മൂലം സംസ്ഥാനത്ത് അനുഭവപ്പെടുന്ന വിലക്കയറ്റവും അവശ്യസാധനങ്ങളുടെ ക്ഷാമവും ശ്രദ്ധയില്‍പ്പെടുത്തിയും സമരം അടിയന്തരമായി ഒത്തുതീര്‍പ്പാക്കുന്നതിന് ആവശ്യമായ ഇടപെടല്‍ നടത്തണമെന്ന് ആവശ്യപ്പെട്ടും കേന്ദ്രമന്ത്രി അല്‍ഫോണ്‍സ് കണ്ണന്താനത്തിനും കേരളത്തില്‍ നിന്നുള്ള എല്ലാ എം.പി.മാര്‍ക്കും കേരളത്തിനു പുറത്തുനിന്നുള്ള മലയാളികളായ എം.പി.മാര്‍ക്കും ഗതാഗത വകുപ്പ് മന്ത്രി എ.കെ. ശശീന്ദ്രന്‍ കത്തയച്ചു. 

ഡിപ്ലോമാ ഇന്‍ ലാംഗേ്വജ് എഡ്യൂക്കേഷന്‍ (ഡി.എല്‍.ഇ.ഡി) (അറബിക്/ഉറുദു) കോഴ്‌സിന് കൊല്ലം, മലപ്പുറം, കോഴിക്കോട് ഗവ.

2018 ഏപ്രില്‍ മാസം നടന്ന ഡി.എഡ് രണ്ടും നാലും സെമസ്റ്റര്‍ പരീക്ഷകളുടെയും 2017 നവംബര്‍ മാസം നടന്ന ഒന്ന്, മൂന്ന് സെമസ്റ്റര്‍ പരീക്ഷകളുടെയും മാര്‍ക്ക് ലിസ്റ്റ്, സര്‍ട്ടിഫിക്കറ്റ് എന്നിവ എല്ലാ ജില്ലാ വിദ്യാഭ്യാസ ഓഫീസുകളിലും വിതരണം നടത്തിയതായി പരീക്ഷാഭവന്‍ സെക്രട്ടറി അറിയിച്ചു.  ജൂലൈ 30ന് മുമ്പ് ഐ.ടി.ഇ പ്രിന്‍സിപ്പല്‍മാര്‍ ബന്ധപ്പെട്ട ജില്ലാ വിദ്യാഭ്യാസ ഓഫീസിലെത്തി സര്‍ട്ടിഫിക്കറ്റ് കൈപ്പറ്റി വിതരണം നടത്തണം. 
പി.എന്‍.എക്‌സ്.3183/18

2008 -09 കാലയളവിലെ എം.സി.എം സ്‌കോളര്‍ഷിപ്പ് ആദ്യവര്‍ഷം അനുവദിച്ച് നല്‍കുകയും തുടര്‍ന്ന് (2012 വരെ) ലഭിക്കുകയും ചെയ്യാത്ത വിദ്യാര്‍ത്ഥികള്‍ 30 ദിവസത്തിനകം കോളേജ് വിദ്യാഭ്യാസ വകുപ്പ് സ്‌കോളര്‍ഷിപ്പ് വിഭാഗവുമായി ടെലിഫോണ്‍ മുഖേന (9446096580, 9446780308) ബന്ധപ്പെട്ട് ആവശ്യമായ രേഖകള്‍ സമര്‍പ്പിച്ച് സ്‌കോളര്‍ഷിപ്പ് തുക കൈപ്പറ്റണം. വെബ്‌സൈറ്റ്: dcescholarship@gmail.com ഫോണ്‍: 0471 2306580, 9446780308, 9446096580
പി.എന്‍.എക്‌സ്.3182/18

തിരുവനന്തപുരം എന്‍ജിനീയറിംഗ് കോളജില്‍ 2018-19 അദ്ധ്യയന വര്‍ഷത്തേക്കുള്ള എം.ടെക് സായാഹ്ന കോഴ്‌സുകളില്‍ ഒഴിവുള്ള സീറ്റുകളിലേക്ക് സ്‌പോട്ട് അഡ്മിഷന്‍ 31ന് രാവിലെ 10 മുതല്‍ ഒരു മണിവരെ ഓഫീസില്‍ നടക്കും. 

സര്‍ക്കാര്‍ ജീവനക്കാര്‍ക്കും പെന്‍ഷന്‍കാര്‍ക്കുമായി നടപ്പാക്കുന്ന ആരോഗ്യ ഇന്‍ഷുറന്‍സ് പദ്ധതിയിലേക്ക് സംസ്ഥാന പെന്‍ഷന്‍കാരുടെ വിവരശേഖരണത്തിനുള്ള രീതിയോ സമയക്രമമോ ഇതുവരെ നിശ്ചയിച്ചിട്ടില്ലെന്ന് ധനവകുപ്പ് അറിയിച്ചു.
    നിലവില്‍ സര്‍വകലാശാലകളിലെയും തദ്ദേശസ്ഥാപനങ്ങളിലെയും ജീവനക്കാരുടെയും പെന്‍ഷന്‍കാരുടെയും വിവരശേഖരണമാണ് നടന്നുവരുന്നത്. കൂടാതെ, ധനവകുപ്പിന്റെ 62/2018 നമ്പര്‍ ഉത്തരവുപ്രകാരം സര്‍ക്കാര്‍ ജീവനക്കാരുടെ വിവരശേഖരണവും നടന്നുവരുന്നു.