തിരുവനന്തപുരം എന്‍ജിനീയറിംഗ് കോളജില്‍ 2018-19 അദ്ധ്യയന വര്‍ഷത്തേക്കുള്ള എം.ടെക് സായാഹ്ന കോഴ്‌സുകളില്‍ ഒഴിവുള്ള സീറ്റുകളിലേക്ക് സ്‌പോട്ട് അഡ്മിഷന്‍ 31ന് രാവിലെ 10 മുതല്‍ ഒരു മണിവരെ ഓഫീസില്‍ നടക്കും. 

സര്‍ക്കാര്‍ ജീവനക്കാര്‍ക്കും പെന്‍ഷന്‍കാര്‍ക്കുമായി നടപ്പാക്കുന്ന ആരോഗ്യ ഇന്‍ഷുറന്‍സ് പദ്ധതിയിലേക്ക് സംസ്ഥാന പെന്‍ഷന്‍കാരുടെ വിവരശേഖരണത്തിനുള്ള രീതിയോ സമയക്രമമോ ഇതുവരെ നിശ്ചയിച്ചിട്ടില്ലെന്ന് ധനവകുപ്പ് അറിയിച്ചു.
    നിലവില്‍ സര്‍വകലാശാലകളിലെയും തദ്ദേശസ്ഥാപനങ്ങളിലെയും ജീവനക്കാരുടെയും പെന്‍ഷന്‍കാരുടെയും വിവരശേഖരണമാണ് നടന്നുവരുന്നത്. കൂടാതെ, ധനവകുപ്പിന്റെ 62/2018 നമ്പര്‍ ഉത്തരവുപ്രകാരം സര്‍ക്കാര്‍ ജീവനക്കാരുടെ വിവരശേഖരണവും നടന്നുവരുന്നു.

തൃശൂര്‍ ഗവ. ലോ കോളേജില്‍ 31ന് എല്‍.എല്‍.എം കോഴ്‌സിന്റെ ജനറല്‍ വിഭാഗത്തിലെ ഒഴിവുള്ള ഒരു സീറ്റിലേക്ക് സ്‌പോട്ട് അഡ്മിഷന്‍ നടത്തും. എന്‍ട്രന്‍സ് കമ്മീഷണര്‍ പ്രസിദ്ധീകരിച്ച റാങ്ക് പട്ടികയില്‍ ഉള്‍പ്പെട്ട വിദ്യാര്‍ത്ഥികള്‍ക്കാണ് സ്‌പോട്ട് അഡ്മിഷന് അര്‍ഹത.  രാവിലെ 10ന് ടി.സി ഉള്‍പ്പെടെ എല്ലാ സര്‍ട്ടിഫിക്കറ്റുകളുടെയും മാര്‍ക്ക് ലിസ്റ്റുകളുടെയും അസല്‍ സഹിതം പ്രിന്‍സിപ്പാള്‍ മുമ്പാകെ രക്ഷിതാവിനോടൊപ്പം ഹാജരാകണം. തെരഞ്ഞെടുക്കപ്പെടുന്നവര്‍ ഫീസ് 9,715 രൂപ ഓഫീസില്‍ അടയ്ക്കണം.  ഫോണ്‍: 0487 2360150.
പി.എന്‍.എക്‌സ്.3179/18

സംസ്ഥാന ആര്‍ക്കൈവ്‌സ് വകുപ്പ് നടപ്പാക്കുന്ന ചരിത്രരേഖകളുടെ കണ്‍സര്‍വേഷന്‍ പദ്ധതിയിലേക്ക് മൂന്ന് പ്രോജക്ട് ട്രെയിനികളെ തിരഞ്ഞെടുക്കുന്നതിന് ജൂലൈ 28 രാവിലെ 10ന് ആര്‍ക്കൈവ്‌സ് ഡയറക്ടറേറ്റില്‍ വാക്ക് ഇന്‍ ഇന്റര്‍വ്യൂ നടത്തും. എം.എസ്‌സി കെമിസ്ട്രി/പി.ജി ഡിപ്ലോമ ഇന്‍ കണ്‍സര്‍വേഷന്‍ യോഗ്യതയും മുന്‍പരിചയവുമുള്ള ഉദേ്യാഗാര്‍ത്ഥികള്‍ക്ക് ഇന്റര്‍വ്യൂവിന് പങ്കെടുക്കാം.
പി.എന്‍.എക്‌സ്.3178/18

കാക്കനാട്:  പാസ്‌പോര്‍ട്ട് അപേക്ഷ തയ്യാറാക്കല്‍, വിള ഇന്‍ഷൂറന്‍സ്, പേള്‍ ബിസിനസ് അക്കൗണ്ട്‌സ്, നോര്‍ക്ക റൂട്ട്‌സ് എന്നിവ സംബന്ധിച്ച് ജില്ലാ അക്ഷയകേന്ദ്രത്തിന്റെ നേതൃത്വത്തില്‍ ജില്ലയിലെ അക്ഷയ സംരംഭകര്‍ക്ക് പരിശീലനം നല്‍കി.  പാസ്‌പോര്‍ട്ട് സംബന്ധിച്ച സംശയങ്ങള്‍ക്ക് റീജ്യണല്‍ പാസ്‌പോര്‍ട്ട് ഓഫീസര്‍ പ്രശാന്ത് ചന്ദ്രന്‍ മറുപടി നല്‍കി.  പ്രധാന്‍ മന്ത്രി ഫസല്‍ ബീമാ യോജന ഖാരിഫ് 2018നെക്കുറിച്ച് അഗ്രികള്‍ച്ചര്‍ ഇന്‍ഷൂറന്‍സ് കമ്പനി ഓഫ് ഇന്ത്യ പ്രതിനിധി എസ്. വരുണ്‍ ക്ലാസ്സെടുത്തു.  ജില്ലാ പ്രോജക്ട് മാനേജര്‍ എന്‍.എസ്.അജിഷ, മാത്യു സ്റ്റീഫന്‍, സീമ, അഫ്‌സി തുടങ്ങിയവര്‍ നേതൃത്വം നല്‍കി.

കാക്കനാട്:  ജില്ലാ പഞ്ചായത്തിന്റെ ആഭിമുഖ്യത്തില്‍  ഇന്ന് (ജൂലൈ 27) രാവിലെ 11ന് ജില്ലാ പഞ്ചായത്ത് കൗണ്‍സില്‍ ഹാളില്‍ ഔഷധക്കിറ്റ് വിതരണം ആയുര്‍ചര്യം 2018 നടത്തും.  ജില്ലാ പഞ്ചായത്ത് പ്രസിഡന്റ് ആശ സനില്‍ ഉദ്ഘാടനം ചെയ്യും.  സിനിമാതാരവും സംവിധായകനുമായ സോഹന്‍ സീനുലാല്‍ മുഖ്യാതിഥിയായിരിക്കും.  ജില്ലാ പഞ്ചായത്ത് വൈസ് പ്രസിഡന്റ് അഡ്വ.ബി.എ.അബ്ദുല്‍ മുത്തലിബ് അധ്യക്ഷത വഹിക്കും. നാട്ടുചികിത്സാരംഗത്ത് പ്രവര്‍ത്തിക്കുന്ന വ്യക്തികളെ ആദരിക്കും.  ഔഷധക്കഞ്ഞി വിതരണവും നടത്തും.  

കാക്കനാട്:  വനിത ശിശു വികസന വകുപ്പിനുകീഴില്‍ നടപ്പാക്കുന്ന ഔവര്‍ റെസ്‌പോണ്‍സിബിലിറ്റി റ്റു ചില്‍ഡ്രന്‍ പദ്ധതിയുടെ ജില്ലാതല ആക്ഷന്‍ ഗ്രൂപ്പ് യോഗം ജില്ലാ കളക്ടര്‍ മുഹമ്മദ് വൈ സഫീറുള്ളയുടെ നേതൃത്വത്തില്‍ കളക്ടറേറ്റില്‍ ചേര്‍ന്നു.  പദ്ധതിയില്‍ കഴിഞ്ഞ അധ്യയനവര്‍ഷം നടപ്പാക്കിയ പ്രവര്‍ത്തനങ്ങള്‍ അദ്ദേഹം വിലയിരുത്തി.  പ്രത്യേക ശ്രദ്ധയും പരിചരണവും ആവശ്യമായ കുട്ടികളില്‍ സഹരക്ഷാകര്‍തൃത്വം ആവശ്യമായ കുട്ടികള്‍ക്ക് മെന്റര്‍മാരെ കണ്ടെത്തി പിന്തുണ ഉറപ്പാക്കുന്നതിന് തെരഞ്ഞെടുത്ത സ്‌കൂളുകളില്‍ അഞ്ചു മെന്റര്‍മാരെ വീതം സ്‌കൂളിന്റെ പങ്കാളിത്തത്തോടെ കണ്ടെത്തുന്നതു സംബന്ധിച്ച് ചര്‍ച്ച നടത്തി.  ഒ.ആര്‍.സി.

മുച്ചക്രവാഹന വിതരണത്തിന് ഇ-ടെണ്ടര്‍ ക്ഷണിച്ചു

കാക്കനാട്:  എം.പി.ലാഡ്‌സില്‍ ഉള്‍പ്പെടുത്തി ജില്ലയിലെ ഭിന്നശേഷിക്കാര്‍ക്ക് മുച്ചക്രവാഹനം വിതരണം ചെയ്യുന്നതിന് ഇ- ടെണ്ടര്‍ ക്ഷണിച്ചു.  വിശദവിവരം https://etenders.kerala.gov.in ല്‍ ലഭിക്കും.  ടെണ്ടര്‍ ഐ.ഡി: 2018- എസ്.ജെ.ഡി. 219325-1 അവസാന തീയതി  ജൂലൈ 28 വൈകീട്ട് അഞ്ചു മണി.

വിമുക്തഭടന്മാരുടെ മക്കള്‍ക്ക് സ്‌കോളര്‍ഷിപ്പ്

കൊച്ചി: കൊച്ചി സഹകരണ മെഡിക്കല്‍ കോളേജിന്റെ പുതിയ സൂപ്പര്‍ സ്‌പെഷ്യാലിറ്റി ബ്ലോക്ക് നിര്‍മ്മാണത്തിനു മുന്നോടിയായുള്ള നിലമൊരുക്കല്‍ ജോലികള്‍  ഓഗസ്റ്റ് 15 നു മുന്‍പ് ആരംഭിക്കുമെന്ന് ജില്ല കളക്ടര്‍ മുഹമ്മദ് വൈ സഫീറുള്ള അറിയിച്ചു. 8.3 ലക്ഷം ചതുരശ്ര അടി വിസ്തീര്‍ണ്ണത്തില്‍ എട്ട് നിലകളിലായി നിര്‍മ്മിക്കുന്ന പുതിയ സൂപ്പര്‍ സ്‌പെഷ്യാലിറ്റി ബ്ലോക്കിന് 285.31 കോടി രൂപയാണ് കിഫ്ബി ഫണ്ടില്‍ നിന്നും അനുവദിച്ചിരിക്കുന്നത്. ടെന്‍ഡര്‍ നടപടികളും പൂര്‍ത്തീകരിച്ചിരിക്കുകയാണ്. 683 ബെഡുകളും 14 ഓപ്പറേഷന്‍ തിയേറ്ററുകളുമാണ് പുതിയ ബ്ലോക്കിലുണ്ടാകുക.

കാക്കനാട്:  ഇടമലയാര്‍ അണക്കെട്ടിലെ ജലനിരപ്പ് സംബന്ധിച്ച് ഭയക്കേണ്ട സാഹചര്യമില്ലെന്ന് ജില്ലാ കളക്ടര്‍ മുഹമ്മദ് വൈ സഫീറുള്ള അറിയിച്ചു.  ഇടുക്കി, ഇടമലയാര്‍ അണക്കെട്ടുകളിലെ ജലനിരപ്പ്,  മഴയുടെ തോത്, ജലനിരപ്പ് ഉയരുകയോ താഴുകയോ ചെയ്യുന്നതിനെടുക്കുന്ന സമയം, താഴ്ന്ന പ്രദേശങ്ങളിലെ സ്ഥിതിഗതികള്‍ തുടങ്ങിയ വിഷയങ്ങളില്‍ ബന്ധപ്പെട്ട ജില്ലാതല ഉദ്യോഗസ്ഥരുമായി നടത്തിയ ചര്‍ച്ചയെ തുടര്‍ന്നാണ് ഇക്കാര്യം അറിയിച്ചത്.  മൂന്നു മുന്നറിയിപ്പുകള്‍ നല്‍കിയതിനുശേഷമേ അണക്കെട്ടുകള്‍ തുറക്കൂ.  ഇവ രണ്ടും സംബന്ധിച്ച് ആദ്യ മുന്നറിയിപ്പു മാത്രമേ ലഭിച്ചിട്ടുള്ളൂ.  മൂന്നാം മുന്നറിയിപ്പു കഴിഞ്ഞ് 24 മണിക്കൂറിനുശേഷമേ ഷട്ടറുകള്‍ തുറ