ആലപ്പുഴ: വെള്ളപ്പൊക്കത്തെ തുടർന്ന് ദുരിതമനുഭവിക്കുന്ന കുട്ടനാട്ടിൽ സഹായവുമായി മിൽമയും. കേരള ക്ഷീര സഹകരണ വിപണന സംഘവും തിരുവനന്തപുരം മേഖലാ ക്ഷീരോൽപ്പാദന യൂണിയനും ചേർന്നാണ് സഹായം നൽകുന്നത്. ഭക്ഷ്യ വസ്തുക്കളും കാലിത്തീറ്റയുമുൾപ്പെടെ അഞ്ച് ലക്ഷം രൂപയുടെ അവശ്യവസ്തുക്കൾ ജില്ല ഭരണകൂടത്തിന് കൈമാറി. കളക്ടറേറ്റിൽ നടന്ന ചടങ്ങിൽ തിരുവനന്തപുരം യൂണിയൻ മേഖലാ  ചെയർമാൻ കല്ലട രമേശ് കളക്ടർ എസ്.സുഹാസിന് മിൽമയുടെ സഹായം കൈമാറി.

ആലപ്പുഴ: ഹൈസ്‌കൂൾ ഹിന്ദി അധ്യാപക ട്രെയിനിങിന് യോഗ്യതയായ ഡിപ്ലോമ ഇൻ ലാംഗ്വേജ് എഡ്യൂക്കേഷൻ കോഴ്‌സ് ഒഴിവുള്ള സീറ്റിലേക്ക് അപേക്ഷിക്കാം. ഹിന്ദിയിലുള്ള ബിരുദം, ബിരുദാനന്തരബിരുദം, പ്രവീൺസാഹിത്യാചാര്യ ഇവയിലൊന്ന് ജയിച്ചവർക്ക് ചേരാം. അവസാന തീയതി ജൂലൈ 31.  വിലാസം: പ്രിൻസിപ്പൽ, ഇൻസ്റ്റിറ്റ്യൂട്ട് ഓഫ് ലാംഗ്വേജ് എഡ്യൂക്കേഷൻ, അടൂർ, പത്തനംതിട്ട. ഫോൺ: 04734226028, 8547126028.

(പി.എൻ.എ. 2015/2018)

ആലപ്പുഴ: ജില്ല എംപ്ലോയ്‌മെന്റ്  എക്‌സ്‌ചേഞ്ചിന് കീഴിലുള്ള എംപ്ലോയബിലിറ്റി സെന്റർ ബിടെക് ബിരുദധാരികൾക്ക് മാത്രമായി നടത്തുന്ന തൊഴിൽ മേള ' ദിശ ടെക് ജോബ് ഫെയർ   ഓഗസ്റ്റ്  നാലിന്് പുന്നപ്ര കോളേജ് ഓഫ് എൻജിനീയറിങ് ആൻഡ് മാനേജ്‌മെന്റിൽ നടക്കും. ആയിരത്തിൽ അധികം അവസരങ്ങളാണ് തൊഴിൽ മേളയിൽ ഉള്ളത്. ആലപ്പുഴ ജില്ലാ എംപ്ലോയ്‌മെന്റ് എക്‌സ്‌ചേഞ്ചും പുന്നപ്ര സഹകരണ എൻജിനീയറിങ് കോളജും സംയുക്തമായി നടത്തുന്ന തൊഴിൽ മേളയിൽ ഇരുപതോളം സ്വകാര്യ സ്ഥാപനങ്ങൾ പങ്കെടുക്കും. ബിടെക് ഉദ്യോഗാർത്ഥികൾക്ക് അവരുടെ ട്രേഡുകളിലേക്ക് തന്നെ അവസരങ്ങളുടെ വാതിൽ തുറന്നു കൊടുക്കുകയാണ് മേളയുടെ ലക്ഷ്യം.

ആലപ്പുഴ:  പട്ടികജാതി വിഭാഗത്തിൽപ്പെട്ട വൈക്കം സ്വദേശി എസ്. എസ് സുജിത്തിന്റൈ പൈലറ്റ് ആകാനുള്ള മോഹങ്ങൾക്ക് കൈത്താങ്ങായി പട്ടികജാതി- പട്ടികവർഗ ക്ഷേമത്തിനായുള്ള  നിയമസഭ സമിതി. സുജിത്ത് ഒറീസ്സയിലെ ഏവിയേഷൻ ട്രയിനിങ്  ഇൻസ്റ്റിറ്റ്യൂട്ടിൽ പഠനത്തിന് ചേർന്നെങ്കിലും ഇന്ത്യാ ഗവ. സ്‌കോളർഷിപ്പ് ലഭ്യമാകാത്തതിനാൽ ആദ്യഘട്ടം മാത്രമേ പൂർത്തിയാക്കാനായുള്ളൂ. 30 ലക്ഷം രൂപയുടെ സ്‌കോളർഷിപ്പ് ഇന്ത്യ ഗവൺമെന്റ് നൽകേണ്ടതാണ്. ഇതിനുള്ള അപേക്ഷ സെക്രട്ടേറിയറ്റിലെ  ധനകാര്യ ചെലവ് വിഭാഗത്തിന്റെ പരിഗണനയിലാണ്്.

ആലപ്പുഴ:  ജില്ലയ്ക്ക് തനതായുള്ള കുട്ടനാട് പാക്കേജ് പോലുള്ള വികസന പദ്ധതികൾ ആവിഷ്‌കരിക്കുമ്പോൾ പട്ടികജാതി  വിഭാഗങ്ങൾക്ക് അർഹിക്കുന്ന പരിഗണന നൽകണമെന്ന് പട്ടികജാതി-പട്ടികവർഗക്ഷേമവുമായി ബന്ധപ്പെട്ട നിയമസഭ സമിതി. കളക്ടറേറ്റിൽ കോൺഫറൻസ് ഹാളിൽ നടത്തിയ സമിതിയുടെ മൊഴിയെടുപ്പിലാണ് ഇതു സംബന്ധിച്ച് നിരീക്ഷണം നടത്തിയത്. ബി.സത്യൻ എം.എൽ.എ ചെയർമാനായ സമിതി യോഗത്തിൽ എം.എൽ.എമാരായ ആർ.രാജേഷ്, യു.ആർ. പ്രദീപ്, പുരുഷൻ കടലുണ്ടി, വി.പി. സജീന്ദ്രൻ, സി.കെ. ആശ എന്നിവർ പങ്കെടുത്തു. 

ജില്ലാ പഞ്ചായത്തിന്റെ വാര്‍ഷിക പദ്ധതിയില്‍ ഉള്‍പ്പെടുത്തിയ എഡ്യുകെയര്‍ സമഗ്ര വിദ്യാഭ്യാസ പദ്ധതിയില്‍ മൊബൈല്‍ ആപ്പ് പദ്ധതി സ്‌കൂളുകളില്‍ നടപ്പാക്കുന്നതിനായി ടെണ്ടര്‍ ക്ഷണിച്ചു. അവസാന തീയതി ആഗസ്റ്റ് എട്ട്. കൂടുതല്‍ വിവരങ്ങള്‍ വിദ്യാഭ്യാസ ഉപഡയറക്‌ട്രേറ്റ് ഓഫീസിലിലും വേേു://ലലേിറലൃസലൃമഹമ.ഴീ്.ശി എന്ന സൈറ്റിലും ലഭിക്കും. 

ഹൈസ്‌കൂള്‍ ഹിന്ദി അധ്യാപക ട്രെയിനിംഗ് യോഗ്യതയായ ഡിപ്ലോമ ഇന്‍ ലാംഗ്വേജ് എഡ്യുക്കേഷന്‍ കോഴ്‌സില്‍ ഒഴിവുള്ള സീറ്റിലേക്ക് അപേക്ഷിക്കാം. ഹിന്ദിയിലുള്ള ബിരുദം,ബിരുദാനന്തര ബിരുദം, പ്രവീണ്‍, സാഹിത്യാചാര്യ എന്നിവയിലൊന്ന് ജയിച്ചവര്‍ക്ക് ഈ മാസം 31 നകം അപേക്ഷിക്കാം. ഫോണ്‍:04734-226028,8547126028.

സ്വച്ഛ് ഭാരത് ഇന്റേണ്‍ഷിപ്പ് അവാര്‍ഡിന്  നെഹ്‌റു യുവകേന്ദ്ര  അപേക്ഷ ക്ഷണിച്ചു. ഇന്റേണ്‍ഷിപ്പ് രജിസ്റ്റര്‍ ചെയ്തിട്ടുള്ള  സംഘടനകളും വ്യക്തികളും  ഈ മാസം  31  നകം  100  മണിക്കൂര്‍  സന്നദ്ധ സേവനം നടത്തി  ആഗസ്ത്  10 നകം യെശെ.ാ്യഴീ്.ശി  എന്ന സൈറ്റില്‍ അപേക്ഷ നല്‍കണം.  നല്‍കുന്ന അപേക്ഷയും  സമര്‍പ്പിക്കുന്ന രേഖകളുടെ കോപ്പിയും അവാര്‍ഡിന് പരിഗണിക്കുന്നതിനായി  ആഗസ്ത് 16 നകം  സിവില്‍സ്റ്റേഷനിലുള്ള നെഹ്‌റു യുവ കേന്ദ്ര ഓഫീസില്‍ ലഭിക്കണം.  

ക്ഷീരവികസന വകുപ്പിന്റെ ബേപ്പൂര്‍ പരിശീലന കേന്ദ്രത്തില്‍ മലപ്പുറം, കോഴിക്കോട്, വയനാട്, കണ്ണൂര്‍, കാസര്‍ഗോഡ് ജില്ലകളിലുള്ള സംരംഭകര്‍ക്കും ക്ഷീരസംഘങ്ങള്‍ക്കും ക്ഷീര കര്‍ഷകര്‍ക്കുമായി ഈ മാസം 30 മുതല്‍ ആഗസ്റ്റ് 9 വരെ പാലുത്പന്ന നിര്‍മാണ പരിശീലനം സംഘടിപ്പിക്കും. താല്‍പര്യമുളളവര്‍ 30ന്  രാവിലെ 10 മണിക്കകം ഫോട്ടോ പതിച്ച തിരിച്ചറിയല്‍ കാര്‍ഡിന്റെ പകര്‍പ്പു സഹിതം കേന്ദ്രത്തില്‍ എത്തണം. രജിസ്‌ട്രേഷന്‍ ഫീസ്  125 രൂപ. ഫോണ്‍: 0495 2414579.