തിരൂര്‍ സീതിസാഹിബ് മെമ്മോറിയല്‍ പോളിടെക്‌നിക് കോളേജില്‍ കംപ്യൂട്ടര്‍ തസ്തികയില്‍ ഗസ്റ്റ് ലെക്ചറര്‍ ഒഴിവിലേക്ക് അപേക്ഷ ക്ഷണിച്ചു.  യോഗ്യതയും താല്‍പര്യവും ഉള്ളവര്‍ അസ്സല്‍ രേഖകളും പകര്‍പ്പും സഹിതം ജൂലൈ 30ന് രാവിലെ 10ന് കൂടിക്കാഴ്ചക്കായി കോളേജില്‍ എത്തണം.  ഫോണ്‍ 0494 2422234.

ജില്ലാ കലക്ടറുടെ നേതൃത്വത്തില്‍ നടക്കുന്ന പൊതുജന പരാതി പരിഹാര അദാലത്ത് കൊണ്ടോട്ടി താലൂക്കില്‍ ഓഗസ്റ്റ് 18 ന് ശനിയാഴ്ച നടക്കും. രാവിലെ ഒന്‍പത് മുതല്‍ കൊണ്ടോട്ടി മോയിന്‍കുട്ടി വൈദ്യര്‍ സ്മാരക ഹാളിലാണ് അദാലത്ത്. അദാലത്തിലേക്കുള്ള അപേക്ഷകള്‍ ജൂലൈ 28 മുതല്‍ ഓഗസ്റ്റ് ആറ് വരെ അക്ഷയ കേന്ദ്രങ്ങള്‍ മുഖേനെ സ്വീകരിക്കുന്നതാണ്.
 മുഖ്യമന്ത്രിയുടെ ദുരിതാശ്വാസ നിധിയില്‍ നിന്നുള്ള ധനസഹായം, ലാന്റ് റവന്യൂ പരാതികള്‍, റേഷന്‍ കാര്‍ഡ് സംബന്ധിച്ച പരാതികള്‍, സ്റ്റാറ്റിയൂട്ടറിയായി പരിഹാരം കാണേണ്ട പ്രശ്‌നങ്ങള്‍ എന്നിവ ഒഴികെയുള്ള എല്ലാ വിഷയങ്ങളും അദാലത്തില്‍ പരിഗണിക്കും.

ജില്ലയിൽ പ്രവർത്തിച്ചു വരുന്ന ദുരിതാശ്വാസ ക്യാമ്പുകളിൽ ഭക്ഷണസാധനങ്ങൾ ജില്ലാ  ഭരണകൂടത്തിൻറെ അനുമതി കൂടാതെ സന്നദ്ധസംഘടനകൾ, സ്വകാര്യ വ്യക്തികൾ എന്നിവർ മുഖാന്തരം വിതരണം ചെയ്യാൻ പാടില്ല എന്ന് നേരത്തെ ജില്ലാകളക്ടർ  നിർദ്ദേശിച്ചിരുന്നു. എന്നാൽ ഇപ്പോഴും ജില്ലാഭരണകൂടത്തിന്റെ  അനുമതിയില്ലാതെ പാകം ചെയ്ത ഭക്ഷണ സാധനങ്ങൾ വിതരണം ചെയ്യുന്നതായി ശ്രദ്ധയിൽപ്പെട്ടിട്ടുണ്ട്.

പമ്പ, കള്ളാർ,ഗവി, മീനാർ എന്നീ ഡാമുകളിലെ ജലനിരപ്പ് ക്രമാതീതമായി വർദ്ധിച്ചിരിക്കുന്നതിനാൽ  ഡാം തുറന്നു വിടാൻ സാധ്യതയുള്ളതായി കെഎസ്ഇബി കക്കാട് ഡാം സേഫ്റ്റി ഡിവിഷൻ  അറിയിച്ചിട്ടുണ്ട്.

ആലപ്പുഴ: സാഗര ആശുപത്രിയിൽ ജൂനിയർ ഡോക്ടർമാരുടെ ഒഴിവുകളിലേക്ക് വാക്ക്-ഇൻ-ഇന്റർവ്യൂ നടത്തും. താൽപര്യമുള്ളവർ ജൂലൈ 31ന് പകൽ 11ന് ബയോഡേറ്റ സഹിതം ഓഫീസിൽ ഹാജരാകണം. വിശദവിവരത്തിന് ഫോൺ: 0477 2269976, 94477104033 

                                         (പി.എൻ.എ. 2020/2018)

ആലപ്പുഴ: ജില്ലയിലെ ഭൂരിഭാഗം ഉദ്യോഗസ്ഥരും കുട്ടനാട്ടിലെ വെള്ളപ്പൊക്ക ദുരിതാശ്വാസ പ്രവർത്തനങ്ങളുമായി ബന്ധപ്പെട്ട് പ്രവർത്തിച്ചു വരുന്നതിനാൽ ഈ മാസത്തെ  ജില്ല വികസന സമതി യോഗം മാറ്റിയതായി ജില്ലാ കളക്ടർ എസ്. സുഹാസ് അറിയിച്ചു.

                                          (പി.എൻ.എ. 2019/2018)

ആലപ്പുഴ: അനധികൃതമായി  കായൽ മണൽ കടത്തിയതിന് മുഹമ്മ പൊലീസ് കസ്റ്റഡിയിലെടുത്ത കെ.എൽ-05-സി.3472 നമ്പർ ടെമ്പോ വാഹനം ഓഗസ്റ്റ് നാലിന് രാവിലെ 11ന് ലേലം ചെയ്യും. മുഹമ്മ പൊലീസ് സ്റ്റേഷൻ കോമ്പൗണ്ടിലാണ്  ലേലം. വിശദവിവരത്തിന് ഫോൺ: 0478 281 3103. 

(പി.എൻ.എ. 2018/2018)

ആലപ്പുഴ: 66-ാമത് നെഹ്‌റു ട്രോഫി ജലോത്സവത്തിന് വിവിധ ജോലികൾ ചെയ്യുന്ന ജീവനക്കാർക്ക് ഭക്ഷണം നൽകുന്നതിനുള്ള ദർഘാസുകൾ ക്ഷണിച്ചു. ജൂലായ് 24 വരെയായിരുന്നു ക്വട്ടേഷന് സമയം അനുവദിച്ചിരുന്നത്.  ക്വട്ടേഷൻ ജൂലൈ 31 വൈകിട്ട്  മൂന്നു വരെയാണ് നീട്ടിയിരിക്കുന്നത്. 31ന് നാലുമണിക്ക് ക്വട്ടേഷൻ തുറക്കും. 

(പി.എൻ.എ. 2017/2018)