താമരശ്ശേരിചുരം റോഡില്‍ 19 കേന്ദ്രങ്ങളില്‍ ജില്ലാ പഞ്ചായത്ത് സോളാര്‍ ലൈറ്റ് സ്ഥാപിക്കും. അപകടങ്ങള്‍ കുറയ്ക്കുന്നതിനും അപായരഹിതമായ യാത്രയ്ക്കും സിഗ്നല്‍ ലൈറ്റുകള്‍, സോളാര്‍ ലൈറ്റ് എന്നിവ  സ്ഥാപിക്കുമെന്ന് ജില്ലാ പഞ്ചായത്ത് പ്രസിഡണ്ട് ബാബു പറശ്ശേരി പറഞ്ഞു. ജില്ലാ പഞ്ചായത്ത് യോഗത്തില്‍ അധ്യക്ഷത വഹിക്കുകയായിരുന്നു അദ്ദേഹം. പ്രവൃത്തി കെല്‍ട്രോണ്‍ മുഖേന നിര്‍വ്വഹണം നടത്തുന്നതിന് സര്‍ക്കാറിന്റെ അനുമതി തേടും. ചുരത്തില്‍ വനം വകുപ്പിന്റെ ചെക്ക് പോസ്റ്റ് പുനഃസ്ഥാപിക്കണമെന്നും ജില്ലാ പഞ്ചായത്ത് യോഗം ആവശ്യപ്പെട്ടു. 

        പി.കെ. കാളന്‍ മെമ്മോറിയല്‍ കോളേജില്‍ ബി.എസ്.സി ഇലക്‌ട്രോണിക്‌സ്, ബി.എസ്.സി കമ്പ്യുട്ടര്‍ സയന്‍സ്, എം.എസ്.സി. ഇലക്‌ട്രോണിക്‌സ്  വിഷയങ്ങളില്‍ ഒഴിവുള്ള സീറ്റുകളിലേക്ക് പ്രവേശനത്തിന് യോഗ്യരായവര്‍ അസ്സല്‍ സര്‍ട്ടിഫിക്കറ്റുമായി ജൂലൈ 30ന് രാവിലെ 10ന് കോളേജ് ഓഫീസില്‍  ഹാജരാകണമെന്ന് പ്രിന്‍സിപ്പാള്‍ അറിയിച്ചു. ഫോണ്‍ 04935245484, 8547005060.
 

ഗ്രാമ വികസന കമ്മീഷണറായ എന്‍. പത്മകുമാറിന് ഏകീകൃത തദ്ദേശസ്വയംഭരണ വകുപ്പിന്റെ പ്രിന്‍സിപ്പല്‍ ഡയറക്ടറുടെ അധിക ചുമതല നല്‍കി ഉത്തരവായി.
പി.എന്‍.എക്‌സ്.3196/18

വെളളപ്പൊക്ക ദുരിതം റിപ്പോര്‍ട്ട് ചെയ്യുന്നതിനിടെ മുങ്ങിമരിച്ച  മാധ്യമപവര്‍ത്തകരായ കടുത്തുരുത്തി പൂഴിക്കോല്‍ പട്ടശ്ശേരില്‍ കെ.കെ.സജി, ബിപിന്‍ ബാബു എന്നിവരുടെ കുടുംബങ്ങള്‍ക്ക് ഒരു ലക്ഷം രൂപ വീതം ധനസഹായം നല്‍കാന്‍ കേരള മീഡിയ അക്കാദമി എക്‌സിക്യൂട്ടീവ് യോഗം തീരുമാനിച്ചു. തിരുവനന്തപുരത്ത് നടന്ന യോഗത്തില്‍ അക്കാദമി ചെയര്‍മാന്‍ ആര്‍.എസ്.ബാബു അധ്യക്ഷത വഹിച്ചു.  ഐ&പി.ആര്‍.ഡി ഡയറക്ടര്‍ സുഭാഷ് ടി.വി., അക്കാദമി സെക്രട്ടറി കെ.ജി.സന്തോഷ്, കമ്മറ്റിയംഗങ്ങള്‍ തുടങ്ങിയവര്‍ പങ്കെടുത്തു.
പി.എന്‍.എക്‌സ്.3196/18

 കലാകാരന്‍മാര്‍ക്ക് സ്വതന്ത്രമായി അഭിപ്രായം പറയാനും രചനയില്‍ ഏര്‍പ്പെടാനും കഴിയാത്ത സ്ഥിതിയുണ്ടെന്ന് മുഖ്യമന്ത്രി പിണറായി വിജയന്‍ പറഞ്ഞു. കേരള ലളിതകലാ അക്കാഡമിയുടെ വിവിധ പുരസ്‌കാരങ്ങള്‍ വി.ജെ.ടി ഹാളില്‍ വിതരണം ചെയ്ത് സംസാരിക്കുകയായിരുന്നു അദ്ദേഹം.

 അട്ടപ്പാടിയുടെ സമഗ്ര വികസനം ലക്ഷ്യമിട്ടുകൊണ്ടുള്ള വിവിധ പദ്ധതികളുടെ ഉദ്ഘാടനം 28ന് അട്ടപ്പാടിയില്‍ പട്ടികജാതി പട്ടികവര്‍ഗ ക്ഷേമ വകുപ്പ് മന്ത്രി എ.കെ. ബാലന്‍ നിര്‍വഹിക്കും.  പട്ടികവര്‍ഗ വനിതകള്‍ നൈപുണ്യ വികസനത്തിലൂടെ തൊഴില്‍ കണ്ടെത്തുന്നതിനുള്ള അപ്പാരല്‍ പാര്‍ക്ക് പദ്ധതി, അട്ടപ്പാടി ഗോത്ര മേഖലയിലെ പരമ്പരാഗത കൃഷി പ്രോത്സാഹിപ്പിച്ച് ഭക്ഷ്യ സുരക്ഷ ഉറപ്പുവരുത്തുന്നതിനുള്ള മില്ലറ്റ് വില്ലേജ് പദ്ധതി, അട്ടപ്പാടി മോഡല്‍ റസിഡന്‍ഷ്യല്‍ സ്‌കൂളില്‍ പുതിയതായി അനുവദിച്ച ഹയര്‍ സെക്കന്ററി പ്ലസ് വണ്‍ ബാച്ചുകളുടെ ഉദ്ഘാടനം എന്നിവയാണ് നടക്കുന്നത്.

ന്യൂപക്ഷ വിദ്യാഭ്യാസ സ്ഥാപനങ്ങള്‍ക്ക് അടിസ്ഥാന സൗകര്യ വികസനത്തിനുള്ള ഗ്രാന്റ് വിതരണത്തിന്റെ ഉദ്ഘാടനം ന്യൂനപക്ഷകാര്യ വകുപ്പ് മന്ത്രി കെ.ടി. ജലീല്‍ നിര്‍വഹിച്ചു.
      കേന്ദ്ര സര്‍ക്കാരിന്റെ ഐ.ഡി.എം.ഐ പദ്ധതിയില്‍ സംസ്ഥാനത്തെ 131 ന്യൂനപക്ഷ വിദ്യാഭ്യാസ സ്ഥാപനങ്ങള്‍ക്ക് അനുവദിച്ച 28.04 കോടി രൂപയാണ് വിതരണം ചെയ്യുന്നത്. നാലു വര്‍ഷമായി ലഭിക്കാതിരുന്ന രണ്ടാം ഗഡു സംസ്ഥാന സര്‍ക്കാരിന്റെ ശ്രമഫലമായാണ് ഇപ്പോള്‍ ലഭ്യമായത്.

ഒ.ബി.സി./മതന്യൂനപക്ഷ വിഭാഗത്തില്‍പ്പെട്ടവരും ചുരുങ്ങിയത് രണ്ട് വര്‍ഷമെങ്കിലും വിദേശത്ത് ജോലി ചെയ്തതിനുശേഷം മടങ്ങിയെത്തിയവരുമായ പ്രവാസികളില്‍ നിന്നും കേരള സംസ്ഥാന പിന്നാക്ക വിഭാഗ വികസന കോര്‍പ്പറേഷന്‍ റീ-ടേണ്‍ പദ്ധതി പ്രകാരം വായ്പാ അപേക്ഷ ക്ഷണിച്ചു. 
    ആറ് മുതല്‍ ഏഴ് ശതമാനം വരെ പലിശ നിരക്കില്‍ പരമാവധി 20 ലക്ഷം രൂപ വരെ ഈ പദ്ധതി പ്രകാരം വായ്പയായി അനുവദിക്കും.  തിരിച്ചടവ് കാലാവധി 84 മാസം വരെ.  പ്രായപരിധി 65 വയസ്.  പദ്ധതി അടങ്കലിന്റെ 95 ശതമാനം വരെ വായ്പയായി അനുവദിക്കും.  ബാക്കി തുക ഗുണഭോക്താവ് കണ്ടെത്തണം.  വായ്പ അനുവദിക്കുന്നതിന് മതിയായ ജാമ്യം ഹാജരാക്കണം.