മലമ്പുഴ, ജവഹര്‍ നവോദയ വിദ്യാലയത്തിലെ 2018-19 ബാച്ച്, ആറാം ക്ലാസ് പ്രവേശനത്തിന് തിരഞ്ഞെടുത്ത വിദ്യാര്‍ത്ഥികളുടെ റോള്‍ നമ്പറുകളടങ്ങിയ താല്‍ക്കാലികപട്ടിക പ്രസിദ്ധീകരിച്ചതായി പ്രിന്‍സിപ്പാള്‍ അറിയിച്ചു. പട്ടികയുടെ പകര്‍പ്പ് ജില്ലാ ഇന്‍ഫര്‍മേഷന്‍ ഓഫീസിലെ നോട്ടീസ് ബോര്‍ഡിലും പ്രദര്‍ശിപ്പിച്ചിട്ടുണ്ട്. 
തിരഞ്ഞെടുക്കപ്പെട്ട വിദ്യാര്‍ഥികളുടെ രക്ഷിതാക്കള്‍ അപേക്ഷാഫോറം സ്ക്കൂളില്‍ നിന്ന് ഉടന്‍ കൈപറ്റണം. 

    
     'തൊഴില്‍ കേന്ദ്രത്തിലേക്ക്'  എന്ന സ്ത്രീ കൂട്ടായ്മയിലുണ്ടായ നാടകം ജില്ലാ പഞ്ചായത്തിന്‍റെ മേല്‍നോട്ടത്തില്‍ സിനിമയാക്കുന്നതിന്‍റെ ഭാഗമായി രൂപീകരിച്ച പവര്‍ത്തന കമ്മിറ്റി ജില്ലാ പഞ്ചായത്ത് പ്രസിഡന്‍റ്  കെ.ശാന്തകുമാരിയുടെ നേതൃത്വത്തില്‍്  ചേബറില്‍ ചേര്‍ന്നു.സിനിമയുടെ സംവിധാനം എം.ജി. ശശി നിര്‍വഹിക്കും. യോഗത്തില്‍ കമ്മിറ്റി ഭാരവാഹികള്‍ പങ്കെടുത്തു.

താഴെക്കോട് ജി.എം.എല്‍.പി. സ്‌കൂളിലെ നവീകരിച്ച പ്രീ പ്രൈമറി കെട്ടിടത്തിന്റെ ഉദ്ഘാടനവും സ്‌പോന്‍സര്‍മാരെ അനുമോദിക്കലും മഞ്ഞളാംകുഴി അലി എം.എല്‍.എ നിര്‍വ്വഹിച്ചു. താഴെക്കോട് പഞ്ചായത്ത് പ്രസിഡന്റ് എ. കെ. നാസര്‍  അധ്യക്ഷത വഹിച്ചു. നവീകരിച്ച  പ്രീ പ്രൈമറി കെട്ടിടം, വോയ്‌സ് ഓഫ് മേലേക്കളം വാട്സ് ആപ്പ് കൂട്ടായ്മ നിര്‍മ്മിച്ച കളിമുറ്റം എന്നിവ ബ്ലോക്ക് പഞ്ചായത്ത് പ്രസിഡന്റ് റീന പെട്ടമണ്ണയും, റിയാദ് കെ.എം.സി.സി. നല്‍കിയ സിസിടിവി ഉള്‍പ്പെടെയുള്ള സുരക്ഷാ ഉപകരണങ്ങളുടെ ഉദ്ഘാടനം കൈറ്റ് ജില്ലാ കോഓഡിനേറ്റര്‍  ടി. കെ. അബ്ദുല്‍ റഷീദും നിര്‍വ്വഹിച്ചു.

എം.എല്‍.എ യുടെ ആസ്ഥി വികസന ഫണ്ടില്‍ നിന്നു 79.2 ലക്ഷം രൂപ ചിലവില്‍ മുതുവല്ലൂര്‍ ചുള്ളിക്കോട് ഗവ. ഹയര്‍ സെക്കണ്ടറി സ്‌കൂളില്‍ നിര്‍മ്മിക്കുന്ന കെട്ടിടത്തിന്റെ ശിലാസ്ഥാപനം ടി.വി. ഇബ്രാഹീം എം.എല്‍.എ നിര്‍വ്വഹിച്ചു. ഹൈസ്‌കൂള്‍ ഹൈടെക് ക്ലാസ് മുറികളുടെ ഉദ്ഘാടനവും എം.എല്‍.എ നിര്‍വ്വഹിച്ചു.