മതനിരപേക്ഷതയ്‌ക്കും സ്‌ത്രീശാക്തീകരണത്തിനും വേണ്ടി നിലക്കൊള്ളണമെന്ന്‌ മുഖ്യമന്ത്രി പിണറായി വിജയന്‍ പറഞ്ഞു. രാമവര്‍മ്മപുരം കേരള പോലീസ്‌ അക്കാദമിയില്‍ വനിത ബറ്റാലിയന്‍ പ്രഥമ ബാച്ചിന്റെ പാസ്സിങ്ങ്‌ ഔട്ട്‌ പരേഡില്‍ സല്യൂട്ട്‌ സ്വീകരിച്ച്‌ സംസാരിക്കുകയായിരുന്നു മുഖ്യമന്ത്രി. സ്‌ത്രീ സമത്വത്തിന്‌ സര്‍ക്കാര്‍ കാര്യക്ഷമമായ പ്രവര്‍ത്തനങ്ങളാണ്‌ നടത്തുന്നത്‌. ഇത്തരം പശ്ചാത്തലത്തില്‍ ഈ മേഖലയില്‍ 25 ശതമാനം വനിതാപ്രാതിനിധ്യം ഉറപ്പാക്കാനാണ്‌ സര്‍ക്കാര്‍ ശ്രമിക്കുന്നത്‌. ഇത്‌ 15 ശതമാനം വരെ നടപ്പാക്കാനായിട്ടുണ്ടെന്നും മുഖ്യമന്ത്രി പറഞ്ഞു. 

നയി റോഷിനി പ്രോഗ്രാം

കൊച്ചി: ജന്‍ ശിക്ഷണ്‍ സംസ്ഥാന്റെ ആഭിമുഖ്യത്തില്‍ മൂന്നാമത് ന്യൂനപക്ഷ കാര്യ മന്ത്രാലയം അനുവദിക്കുന്ന വനിതകളുടെ നേതൃത്വ പരിശീലന പദ്ധതി  --നയി റോഷിനി പ്രോഗ്രാം –- (ജൂലൈ 30 മുതല്‍ ഓഗസ്റ്റ് നാലു വരെ) കോട്ടുവളളി പഞ്ചായത്തില്‍ പറവൂര്‍ ബ്ലോക്ക് പഞ്ചായത്ത് പ്രസിഡന്റ് അഡ്വ.യേശുദാസ് പറപ്പിളളി ഉദ്ഘാടനം ചെയ്തു. പഞ്ചായത്ത് പഞ്ചായത്ത് പ്രസിഡന്റ് കെ.കെ.ശാന്ത അധ്യക്ഷയായിരുന്നു. വൈസ് പ്രസിഡന്റ് പി.സി.ബാബു ആശംസ അര്‍പ്പിച്ചു. ജന്‍ ശിക്ഷണ്‍ സംസ്ഥാന്‍ ഡയറക്ടര്‍ സി.ജി.മേരി പദ്ധതി വിശദീകരണം നടത്തി. ന്യൂനപക്ഷ ക്ഷേമ ഡയറക്ടര്‍ ഡോ.എ.ബി.മൊയിദീന്‍കുട്ടി പരിശീലന കളരിയില്‍ സംബന്ധിച്ചു.

\ീതി ആയോഗ് വിഭാഗം ചെയ്തിരിക്കുന്ന സ്ത്രീകളുടെ സാമൂഹിക സാമ്പത്തിക പശ്ചാത്തല വികസനത്തിനായി മികച്ച പ്രവര്‍ത്തനം കാഴ്ചവച്ച സംരംഭകര്‍ക്ക് അവാര്‍ഡ് നല്‍കുന്നതിന് നോമിനേഷനുകള്‍ ക്ഷണിച്ചു. കൂടുതല്‍ വിവരം പത്തനംതിട്ട ഡോക്‌ടേഴ്‌സ് ലെയിനില്‍ പ്രവര്‍ത്തിക്കുന്ന ജില്ലാ ഐസിഡിഎസ് സെല്ലില്‍ ലഭിക്കും. ഫോണ്‍: 0468 2224130.         (പിഎന്‍പി 2153/18)

കനത്ത മഴയില്‍ അടൂര്‍ താലൂക്കില്‍ ഒരു വീട് ഭാഗികമായി തകര്‍ന്നു. കഴിഞ്ഞ 24 മണിക്കൂറില്‍ ജില്ലയില്‍ 6.3 സെന്റീ മീറ്റര്‍ മഴ പെയ്തു. കോഴഞ്ചേരി താലൂക്കില്‍ രണ്ടു ദുരിതാശ്വാസ ക്യാമ്പുകളിലായി 53 കുടുംബങ്ങളിലെ 231 പേര്‍ കഴിയുന്നു.

        (പിഎന്‍പി 2152/18)

എസ്ബിഐ ഗ്രാമീണ സ്വയംതൊഴില്‍ പരിശീലന കേന്ദ്രത്തിന്റെ ആഭിമുഖ്യത്തില്‍ ജില്ലയിലെ അക്ഷയ സംരംഭകര്‍ക്കായി സിസിടിവി സര്‍വീസിംഗുമായി ബന്ധപ്പെട്ട് 13 ദിവസത്തെ സൗജന്യ പരിശീലനം ആരംഭിച്ചു. ഗ്രാമീണ സ്വയംതൊഴില്‍ പരിശീലന                കേന്ദ്രത്തിന്റെ ആഭിമുഖ്യത്തില്‍ ആദ്യമായാണ് സിസിടിവി സര്‍വീസിംഗുമായി ബന്ധപ്പെട്ട് പരിശീലനം സംഘടിപ്പിക്കുന്നത്. സിസിടിവി സര്‍വീസ് രംഗത്തെ തൊഴില്‍ സാധ്യതകള്‍    മുന്നില്‍ കണ്ട് ഈ രംഗത്ത് ജില്ലയില്‍ വിദഗ്ദ്ധരുടെ അഭാവം ഒഴിവാക്കുന്നതിനാണ് ഇത്തരം പരിശീലന പരിപാടി സംഘടിപ്പിക്കുന്നത്. 

ജില്ലയില്‍ പനി ബാധിച്ച് ഇന്നലെ (31) 327 പേര്‍ വിവിധ ആശുപത്രികളില്‍ ചികിത്സ തേടിയതായി ജില്ലാ മെഡിക്കല്‍ ഓഫീസര്‍ (ആരോഗ്യം) അറിയിച്ചു. രണ്ട് പേര്‍ക്ക് ഡങ്കിപ്പനി സ്ഥിരീകരിച്ചു. ഏറത്ത് ഒരാള്‍ക്ക് ഹെപ്പറ്റൈറ്റിസ് എ സ്ഥിരീകരിച്ചു. ആറ് പേര്‍ക്ക് ചിക്കന്‍പോക്‌സും സ്ഥിരീകരിച്ചു. വയറിളക്കരോഗങ്ങള്‍ക്ക് 37 പേര്‍ ചികിത്സ തേടി. 

        (പിഎന്‍പി 2149/18)

* ജില്ലാ കളക്ടര്‍ മഴക്കെടുതി നേരിടുന്ന പ്രദേശങ്ങള്‍ സന്ദര്‍ശിച്ചു
* 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂമുകള്‍ തുറന്നു

ഹോസ്ദുര്‍ഗ് താലൂക്ക് സപ്ലൈ ഓഫീസിലെ ഇപ്പോള്‍ ഉപയോഗത്തിലില്ലാത്ത മഹീന്ദ്ര ജീപ്പ് കാസര്‍കോട് ജില്ലാ സപ്ലൈ ഓഫീസില്‍ ആഗസ്റ്റ് 17ന് രാവിലെ 11ന് ലേലം ചെയ്യും.  കൂടുതല്‍ വിവരങ്ങള്‍ ജില്ലയിലെ എല്ലാ സപ്ലൈ ഓഫീസുകളില്‍ നിന്നും അറിയാം. വാഹനം ലേലം ചെയ്യാന്‍ താല്‍പര്യമുള്ളവര്‍ക്ക് ഹോസ്ദുര്‍ഗ് താലൂക്ക് സപ്ലൈ ഓഫീസറുടെ അനുമതിയോടെ വാഹനം  പരിശോധിക്കാമെന്ന് ജില്ലാ സപ്ലൈ ഓഫീസര്‍ അറിയിച്ചു.