കോട്ടയ്ക്കല്‍ നഗരസഭയ്ക്കു കീഴില്‍ പ്രവര്‍ത്തിക്കുന്ന ജെന്‍ഡര്‍ റിസോഴ്‌സ് സെന്ററില്‍ വനിതാ ജാഗ്രതാ സമിതി കോഓര്‍ഡിനേറ്റര്‍ തസ്തികയില്‍ നിയമിക്കുന്നതിന് യോഗ്യതയുള്ളവരില്‍ നിന്നും അപേക്ഷ ക്ഷണിച്ചു. ഒരു വര്‍ഷത്തേക്ക് താല്‍ക്കാലികാടിസ്ഥാനത്തിലാണ് നിയമനം. എം.എസ്.ഡബ്യു- മെഡിക്കല്‍ & സൈക്യാട്രി സ്‌പെഷ്യലൈസേഷന്‍/ എം.എ സൈക്കോളജിയാണ് യോഗ്യത. ബന്ധപ്പെട്ട മേഖലയില്‍ രണ്ടു വര്‍ഷത്തെ പ്രവൃത്തിപരിചയമുള്ളവര്‍ക്ക് മുന്‍ഗണന ലഭിക്കും. താല്‍പര്യമുള്ളവര്‍ ജൂലൈ 24 ന് രാവിലെ 11 മണിക്ക് നഗരസഭാ ഓഫീസില്‍ നടക്കുന്ന കൂടിക്കാഴ്ചക്ക് ഹാജരാകണം.

 
കോട്ടയ്ക്കല്‍ നഗരസഭയുടെ ആഭിമുഖ്യത്തില്‍ ജനപ്രതിനിധികള്‍ക്ക് കമ്പ്യൂട്ടര്‍ പരിശീലനം നല്‍കി. ഇ ഗവേണ്‍സിന്റെയും എം ഗവേണ്‍സിന്റെയും സാദ്ധ്യതകള്‍ ഉപയോഗപ്പെടുത്തുന്നതിലും കമ്പ്യൂട്ടര്‍ പ്രാവീണ്യം വര്‍ദ്ധിപ്പിക്കുന്നതിനുമായിരുന്നു പരിശീലനം. ജി.ടെക് കമ്പ്യൂട്ടര്‍ എജ്യുക്കേഷന്റെ സഹായത്തോടെ നടത്തിയ പരിശീലനത്തില്‍ ജി.ടെക് മാര്‍ക്കറ്റിംഗ് മാനേജര്‍ അന്‍വര്‍സാദത്ത് ക്ലാസെടുത്തു. നഗരസഭാ വൈസ് ചെയര്‍പേഴ്‌സണ്‍ ബുഷറ ഷബീര്‍, അനൂജ്, അനസ് ഇബ്രാഹിം തുടങ്ങിയവര്‍ നേതൃത്വം നല്‍കി.

ആലപ്പുഴ: കേരള നിയമസഭയുടെ പട്ടികജാതി/പട്ടികവർഗ ക്ഷേമ സമിതി ജൂലൈ 26ന് വ്യാഴാഴ്ച രാവിലെ 10.30ന് കളക്ടറേറ്റ് കോൺഫറൻസ് ഹാളിൽ യോഗം ചേരും. ജില്ലയിൽ നിന്ന് സമതിക്ക് ലഭിച്ച ഹർജികളിന്മേൽ ബന്ധപ്പെട്ട ജില്ലാതല ഉദ്യോഗസ്ഥരിൽ നിന്നും തെളിവെടുക്കും. പട്ടികജാതി-വർഗ വിഭാഗങ്ങൾ, അവരുടെ സംഘടനാ പ്രതിനിധികൾ എന്നിവരിൽ നിന്നും പരാതികൾ സ്വീകരിക്കും. എല്ലാ ജില്ലാതല ഓഫീസർമാരും പങ്കെടുക്കണം.

(പി.എൻ.എ. 1885/2018)

    പാലക്കാട് ചെമ്പൈ സ്മാരക സര്‍ക്കാര്‍ സംഗീത കോളെജില്‍ ഒന്നാം വര്‍ഷ ബി.എ വോക്കല്‍ (മ്യുസിക്), വീണ, വയലിന്‍, മൃദംഗം ബിരുദ കോഴ്സുകളില്‍ സീറ്റ് ഒഴിവുണ്ട്.  അതത് വിഷയത്തില്‍ കാലിക്കറ്റ് യൂനിവേഴ്സിറ്റിയുടെ സി.യു.ഓണ്‍ലൈന്‍ വഴി രജിസ്ട്രേഷന് ചെയ്തവര്‍ ജൂലൈ 23 ന് രാവിലെ 10.30 ന് എല്ലാ സര്‍ട്ടിഫിക്കറ്റുകളും സഹിതം എത്തണമെന്ന് പ്രിന്‍സിപ്പല്‍ അറിയിച്ചു. കൂടുതല്‍ വിവരങ്ങള്‍ക്ക് ഫോണ്‍ -0491 2527437

ഗൃഹചൈതന്യം പദ്ധതി; ശിൽപ്പശാല സംഘടിപ്പിച്ചു

ആലപ്പുഴ: ജില്ലയിൽ അപ്രതീക്ഷിതമായ പ്രകൃതിക്ഷോഭം മൂലം വൈദ്യുതി ലൈനുകൾ വലിയ തോതിൽ തകരാറിൽ ആയിരിക്കുകയാണ്. വൈദ്യുതി ബന്ധം പുനസ്ഥാപിക്കാൻ കാലതാമസം നേരിടുന്നതാണ്. സുരക്ഷിതത്വം മുൻനിർത്തി പല  ലൈനുകളുടെയും വൈദ്യുതി ബന്ധം വിച്ഛേദിക്കേണ്ട സാഹചര്യം നിലവിൽ ഉണ്ട്. പൊതുജനങ്ങൾ ദയവായി വൈദ്യുതി വകുപ്പിന്റെ പ്രവർത്തനങ്ങളുമായി സഹകരിക്കണമെന്ന് ജില്ല ഹെഡ് ക്വാർട്ടർ എക്‌സിക്യൂട്ടീവ് എൻജിനീയർ അഭ്യർഥിച്ചു.

(പി.എൻ.എ. 1883/2018)