തിരൂരങ്ങാടി എ.കെ.എന്‍.എം.ഗവണ്‍മെന്റ് പോളിടെക്‌നിക്  കോളേജിന്റെ അനുബന്ധ സ്ഥാപനമായ വേങ്ങരയിലെ  ഗവ.ഇന്‍സ്റ്റിറ്റ്യൂട്ട് ഓഫ് ഫാഷന്‍   ഡിസൈനിങ്ങ് സെന്ററില്‍ ഇംഗ്ലീഷ് ആന്‍ഡ് വര്‍ക്ക് പ്ലേസ് സ്‌ക്കില്‍ വിഷയത്തില്‍ ദിവസവേതനാടിസ്ഥാനത്തില്‍ ഗസ്റ്റ് ലക്ചററെ നിയമിക്കുന്നതിന് അപേക്ഷ ക്ഷണിച്ചു.  

പട്ടികജാതി വിഭാഗത്തില്‍പ്പെട്ട വിദ്യാര്‍ത്ഥികള്‍ക്ക് വിദേശ യൂണിവേഴ്‌സിറ്റികളില്‍ പഠനം നടത്തുന്നതിന് ജില്ലാ പഞ്ചായത്ത് നടപ്പാക്കുന്ന വിദേശ പഠന സ്‌കോളര്‍ഷിപ്പിന് പട്ടികജാതി വികസന വകുപ്പ് അപേക്ഷ ക്ഷണിച്ചു. അപേക്ഷ ഫോമിനും വിശദവിവരങ്ങള്‍ക്കും ജില്ലാ പട്ടികജാതി വികസന ഓഫീസുമായി ബന്ധപ്പെടുക. ഫോണ്‍: 0481 2562503 

തിരൂര്‍ കൃഷിഭവനില്‍ വിവിധയിനം ഔഷധ സസ്യതൈകള്‍ വിതരണത്തിനെത്തി. പിച്ചകം, ചെറുവഴുതിന, കൂവളം, ചെത്തി കൊടുവേലി, കരിക്കുറിഞ്ഞി, നീലമരി എന്നീ ഔഷധ സസ്യതൈകളാണ് വിതരണത്തിന് തയ്യാറായത്. ആവശ്യക്കാര്‍ കൃഷി ഭവനുമായി ബന്ധപ്പെടണമെന്ന് കൃഷി ഓഫീസര്‍ അറിയിച്ചു.

കേരള സാഹിത്യ അക്കാദമി പുരസ്‌കാരം ലഭിച്ച, യു.എ.ഖാദറിന്റെ 'അഘോരശിവം' നോവലിന്റെ നാടകീയമായ വായന ആകാശവാണി മഞ്ചേരി എഫ്.എം നിലയത്തില്‍ വെള്ളിയാഴ്ച മുതല്‍ കേള്‍ക്കാം. രാവിലെ 7.20നും രാത്രി 8.35നും പ്രക്ഷേപണം ചെയ്യുന്ന ഈ നോവല്‍  വായിക്കുന്നത് കാഷ്യല്‍ അവതാരകനായ യു.കൃഷ്ണ പ്രസാദാണ്. ഒപ്പം കഥാപാത്രങ്ങള്‍ക്ക്  അവതാരകര്‍ ശബ്ദം നല്‍കുന്നു.
 

വേങ്ങര ഗ്രാമ പഞ്ചായത്തില്‍ നിന്നും തൊഴില്‍ രഹിത വേതനം കൈപറ്റുന്നവര്‍ എംപ്ലോയ്‌മെന്റെ രജിസ്‌ട്രേഷന്‍ കാര്‍ഡ്, വേതന വിതരണകാര്‍ഡ്,  ഒരു പാസ്സ്‌പോര്‍ട്ട് സൈസ് ഫോട്ടോ, റേഷന്‍കാര്‍ഡ്, എസ്.എസ്.എല്‍.സി, തിരിച്ചറിയല്‍ കാര്‍ഡ്, ദേശസാല്‍കൃതബാങ്ക് പാസ്സ് ബുക്കിന്റെ പകര്‍പ്പ് എന്നിവ സഹിതം ജൂലൈ 20, 21  തിയതികളില്‍ ഓഫീസില്‍ നിന്നും തുക കൈപ്പറ്റണം.

ജൂലൈ 20 മുതല്‍ 30 വരെ മത്സ്യബന്ധന ലൈസന്‍സ് പുതുക്കല്‍  കാമ്പയിന്‍ അതത് മത്സ്യഭവനുകളില്‍ നടത്തുന്നു. രജിസ്‌ട്രേഷന്‍ സര്‍ട്ടിഫിക്കറ്റ് കൈവശമുളള, ലൈസന്‍സ് പുതുക്കാത്ത എല്ലാ യാന ഉടമകളും മത്സ്യഭവനുകളില്‍ ഹാജരാകണം.

മാറഞ്ചേരി സര്‍ക്കാര്‍ ട്രെയിനിംഗ് ഇന്‍സ്റ്റിറ്റ്യൂട്ടിന് പുതിയതായി നിര്‍മ്മിച്ച കെട്ടിടത്തിന്റെ ഉദ്ഘാടനം വിജയകരമായി നടത്തുന്നതിന് സംഘാടക സമിതി യോഗം ജൂലായ് 22 വൈകിട്ട് മൂന്നിന് ഇന്‍സ്റ്റിറ്റ്യൂട്ടില്‍ ചേരും.

കേന്ദ്രസര്‍ക്കാറിന്റെ സമ്പൂര്‍ണ്ണ വൈദ്യുതീകരണ പദ്ധതിയായ ദീന്‍ദയാല്‍ ഉപധ്യായ ഗ്രാമജ്യോതി യോജന (ഡി.ഡി.യു.ജി.ജെ.വൈ) പ്രകാരം സൗജന്യ വൈദ്യുതി കണക്ഷന്‍ ലഭിച്ച ജില്ലയിലെ ഉപഭോക്താക്കള്‍ പ്രധാനമന്ത്രിയുമായി സംവദിച്ചു. രാജ്യത്തെമ്പാടുമുള്ള ഡി.ഡി.യു.ജി.ജെ.വൈ ഗുണഭോക്താക്കളുമായുള്ള സംവാദത്തിന്റെ ഭാഗമായാണ് ജില്ലയിലെ ഗുണഭോക്താക്കളോടും വീഡിയോ കോണ്‍ഫ്രന്‍സിലൂടെ പ്രധാനമന്ത്രി സംവദിച്ചത്. ജില്ലയില്‍ നിന്നും  തെരഞ്ഞെടുത്ത 18 ഗുണഭോക്താക്കളാണ് സിവില്‍ സ്റ്റേഷനിലെ നാഷണല്‍ ഇന്‍ഫര്‍മാറ്റിക് സെന്ററിലിരുന്ന്  പ്രധാനമന്ത്രിയുമായി സംവദിച്ചത്. രാവിലെ 9.30 മുതല്‍ 10.30 വരെയായിരുന്നു വീഡിയോ കോണ്‍ഫ്രന്‍സ്.