എംപ്ലോയബിലിറ്റി സെന്‍റര്‍ മുഖേന വിവിധ സ്വകാര്യസ്ഥാപനങ്ങളിലേക്ക്  ജോബ് ഫെയറുകള്‍, സെന്‍റര്‍ ഡ്രൈവുകള്‍ നടത്തിവരുന്നു.  പ്ലസ്ടു പാസ്സായ 35 വയസ്സില്‍ താഴെയുളള ഉദ്യോഗാര്‍ത്ഥികള്‍ ആധാര്‍ കാര്‍ഡിന്‍റെ കോപ്പിയും, രജിസ്ട്രേഷന്‍ ഫീസായി 250 രൂപയൂം സഹിതം ജൂലൈ 23, 24, 25 തീയതികളില്‍  ജില്ലാ എംപ്ലോയ്മെന്‍റ് എക്സ്ചേഞ്ചില്‍ രാവിലെ 10.30ന് എത്തണം. കൂടുതല്‍ വിവരങ്ങള്‍ക്ക്  ഫോണ്‍-04912505435

    പാലക്കാട് താലൂക്ക് വികസന സമിതി യോഗം ഓഗസ്റ്റ് നാലിന് രാവിലെ 10.30 ന് താലൂക്കാഫീസ് സമ്മേളന ഹാളില്‍ ചേരുമെന്ന് കണ്‍വീനര്‍ കൂടിയായ തഹസില്‍ദാര്‍ അറിയിച്ചു.  യോഗത്തില്‍ ബന്ധപ്പെട്ട ജനപ്രതിനിധികളും ഉദ്യോഗസ്ഥരും പങ്കെടുക്കും.
 

    ജില്ലാ കലക്ടറുടെ നേതൃത്വത്തില്‍ ഇന്ന് (ജൂലൈ 21 ന് )രാവിലെ 10 ന് പാലക്കാട് ടൗണ്‍ഹാളില്‍ പരാതിപരിഹാര അദാലത്ത് നടക്കും.  മുഖ്യമന്ത്രിയുടെ ദുരിതാശ്വാസ നിധിയില്‍ നിന്നുളള ചികിത്സാ ധനസഹായം, ലാന്‍ഡ് റെക്കാര്‍ഡ് മെയിന്‍റനന്‍സ് കേസുകള്‍, സ്റ്റാറ്റൂട്ടറിയായി ലഭിക്കേണ്ട പരിഹാരം, റേഷന്‍ കാര്‍ഡുമായി ബന്ധപ്പെട്ടത്  ഒഴികെയുളള വിഷയങ്ങളാണ് അദാലത്തില്‍ പരിഗണിക്കുക. ജില്ലാ കലക്ടറുടെ  കാര്യാലയം, താലൂക്ക് ഓഫീസ്, വില്ലേജ് ഓഫീസ് എന്നിവിടങ്ങളിലും, ഓണ്‍ലൈന്‍ മുഖാന്തിരവും, പരാതി പരിഹാര അദാലത്ത് ദിവസവും പൊതുജനങ്ങള്‍ക്ക് പരാതി നല്‍കാവുന്നതാണ്. 

    സുല്‍ത്താന്‍ ബത്തേരി താലൂക്കിലെ ശ്രീ മാനികാവ് ദേവസ്വത്തില്‍ പാരമ്പര്യേതര ട്രസ്റ്റിമാരെ നിയമിക്കുന്നു. യോഗ്യരായവര്‍ ജൂലൈ 31നകം കോഴിക്കോട് സിവില്‍ സ്റ്റേഷനിലെ മലബാര്‍ ദേവസ്വം ബോര്‍ഡ് അസി. കമ്മീഷണര്‍ ഓഫീസില്‍ നേരിട്ടോ തപാലിലോ അപേക്ഷ സമര്‍പ്പിക്കണം. അപേക്ഷാ ഫോറം അസി. കമ്മീഷണര്‍ ഓഫീസില്‍ ലഭിക്കും. ഫോണ്‍ 0495 2374547.
 

    വയനാട് ആസ്പിരേഷണല്‍ ജില്ലാ പദ്ധതിയുടെ പ്രവര്‍ത്തന പുരോഗതി കേന്ദ്ര ഇക്‌ട്രോണിക്‌സ് ആന്റ് ഐറ്റി സെക്രട്ടറി ഒ. ആനന്ദന്റെ അദ്ധ്യക്ഷതയില്‍ എപിജെ ഹാളില്‍ നിര്‍വ്വഹണോദ്യഗസ്ഥരുടെ യോഗത്തില്‍ വിലയിരുത്തി. കേന്ദ്ര പദ്ധതികളായ മുദ്ര ധന സഹായം, പ്രധാനമന്ത്രി ജീവന്‍ ജ്യോതി യോജന, പ്രധാനമന്ത്രി സുരക്ഷാ ഭീമ യോജന, അടല്‍ പെന്‍ഷന്‍ യോജന, പ്രധാനമന്ത്രി ജന്‍ ധന്‍ യോജന എന്നിങ്ങനെ അടിസ്ഥാന സൗകര്യ വികസനത്തിന്റെയും പൊതുജനാരോഗ്യ സംരക്ഷണത്തിന്റെയും 31 മേഖലകളിലെ പ്രവര്‍ത്തന പുരോഗതി യോഗം വിലയിരുത്തി. ജില്ലാ പ്ലാനിങ് ഓഫീസര്‍ കെ.എം.സുരേഷ്, എപിഒ സുഭദ്രാ നായര്‍ എന്നിവര്‍ നേതൃത്വം നല്‍കി. 
 

വായനാ വാരാചരണത്തോടനുബന്ധിച്ച് ജില്ലാ ഇന്‍ഫര്‍മേഷന്‍ ഓഫീസ് സംഘടിപ്പിച്ച ജില്ലാതല രചനാ മത്സരങ്ങളിലെ വിജയികള്‍ക്കുള്ള സര്‍ട്ടിഫിക്കറ്റ് ജില്ലാ കളക്ടര്‍ എ.ആര്‍.അജയകുമാര്‍ വിതരണം ചെയ്തു. ഉപന്യാസ മത്സരം: ഒന്നാം സ്ഥാനം നീലിമ വാസന്‍ (അമ്പലവയല്‍ ജി.വി.എച്ച്.എസ്), രണ്ടാം സ്ഥാനം ഹൃദ്യ എസ് ബിജു കല്‍പ്പറ്റ എസ്.കെ.എം.ജെ. സ്‌കൂള്‍), മൂന്നാം സ്ഥാനം അജയ്ദാസ് (കാക്കവയല്‍ ഗവ.ജി.എച്ച്.എസ്.എസ്)കരസ്ഥമാക്കി. കവിത രചന ഃ ഒന്നാം സ്ഥാനം എസ് ഗൗതമി (പടിഞ്ഞാറത്തറ ജി.എച്ച്.എസ്.എസ്), രണ്ടാംസ്ഥാനം അന്‍ജിത റോഷ് (തലപ്പുഴ ജി.എച്ച്.എസ്.എസ്) മൂന്നാം സ്ഥാനം എസ്.അനന്തിക (പിണങ്ങോട് ഡബ്ല്യു. ജി.എച്ച്.എസ്.എസ്).

പ്രതിരോധത്തിന്റെയും ചെറുത്തുനില്‍പ്പിന്‍േറയും ശക്തമായ നിരയാണ്  ഡോക്യുമെന്ററികളും ഹ്രസ്വചിത്രങ്ങളും ഒരുക്കുന്നതെന്ന് മുഖ്യമന്ത്രി പിണറായി വിജയന്‍ പറഞ്ഞു. സാംസ്‌കാരികം മുതല്‍ സാമ്രാജ്യത്വ അധിനിവേശരംഗത്തുവരെ ഈ ചെറുത്തുനില്‍പ്പ് ദൃശ്യമാണ്. പതിനൊന്നാമത് രാജ്യാന്തര ഹ്രസ്വചിത്രമേളയുടെ ഉദ്ഘാടനം നിര്‍വഹിച്ച് സംസാരിക്കുകയായിരുന്നു അദ്ദേഹം.
    സമൂഹത്തിന്റെ ചിന്താഗതിയെ വലിയതോതില്‍ സ്വാധീനിക്കുന്ന സാന്നിധ്യമായി ഹ്രസ്വചിത്രങ്ങള്‍ മാറിയിട്ടുണ്ട്. ഐ.ഡി.എസ്.എഫ്.എഫ്.കെയുടെ ശ്രദ്ധേയഘടകം അതിന്റെ രാഷ്ട്രീയമായ ഉള്ളടക്കമാണ്.

 2018 - 2019 അദ്ധ്യയന വര്‍ഷത്തേക്കുളള ബി.ടെക് സായാഹ്ന കോഴ്‌സുകളില്‍ ഒഴിവുളള സീറ്റുകളിലേക്ക് സ്‌പോട്ട് അഡ്മിഷന്‍ രാവിലെ 10 മുതല്‍ 1 വരെ കോളേജ് ഓഫ് എഞ്ചിനീയറിംഗ് തിരുവനന്തപുരം, സായാഹ്ന കോഴ്‌സ് ഓഫീസില്‍ നടക്കും.