.

ഓഗസ്റ്റ് മാസത്തെ ജില്ലാ വികസന സമിതി യോഗം സെപ്റ്റംബര്‍ ഒന്നിന് രാവിലെ 11 നും പ്രീ.ഡി.ഡി.സി യോഗം 10.30 നും കലക്ടറേറ്റ് സമ്മേളനഹാളില്‍ ചേരും. ബന്ധപ്പെട്ടവര്‍ കൃത്യസമയത്ത് പങ്കെടുക്കണമെന്ന് ജില്ലാ കലക്ടര്‍ അറിയിച്ചു

പാലക്കാട് സ്പെഷല്‍ സബ്ജയില്‍ ലൈബ്രറിയും ജില്ലാ ലൈബ്രറി കൗണ്‍സിലും ചേര്‍ന്ന് ജയില്‍ അന്തേവാസികള്‍ക്കുവേണ്ടി നടത്തുന്ന ലഹരി വിരുദ്ധ സെമിനാര്‍ ഇന്ന് (ഓഗസ്റ്റ് ഒമ്പത്) ഉച്ചയ്ക്ക് രണ്ടിന് ജയിലില്‍ ലൈബ്രറി കൗണ്‍സില്‍ സംസ്ഥാന എക്സി. അംഗം പി.കെ. സുധാകരന്‍ ഉദ്ഘാടനം ചെയ്യും. ലൈബ്രറി കൗണ്‍സില്‍ ജില്ലാ സെക്രട്ടറി എം. കാസിം അധ്യക്ഷനാവും. ഡി.വൈ.എസ്.പി. രാധാകൃഷ്ണന്‍ വിഷയാവതരണം നടത്തും. 

വിദ്യാര്‍ഥികളുടെ ബസ് യാത്രാകണ്‍സഷന്‍, യാത്രാ ബുദ്ധിമുട്ടുകള്‍ തുടങ്ങിയ വിഷയങ്ങള്‍ വിലയിരുത്തുന്നതിനായി പാലക്കാട് സ്റ്റുഡന്‍റ്സ് ട്രാവല്‍ ഫെസിലിറ്റി കമ്മിറ്റി യോഗം ഓഗസ്റ്റ് 10  വൈകിട്ട് നാലിന് ജില്ലാ കലക്ടറുടെ ചേംബറില്‍ നടക്കും.

പാലക്കാട് ചെമ്പൈ സ്മാരക സര്‍ക്കാര്‍ സംഗീത കോളെജില്‍ 2018-19 അധ്യയന വര്‍ഷത്തിലേക്കുളള ഒന്നാം വര്‍ഷ ബി.എ വോക്കല്‍ (മ്യൂസിക്), വീണ, വയലിന്‍, മൃദംഗം എന്നീ ബിരുദ കോഴ്സുകളില്‍ മുസ്ലീം, ബി.പി.എല്‍ വിഭാഗത്തില്‍ സീറ്റുകള്‍ ഒഴിവുണ്ട്.  അതത് വിഷയത്തില്‍ കാലിക്കറ്റ് യൂനിവേഴ്സിറ്റി ഓണ്‍ലൈന്‍ വഴി രജിസ്ട്രേഷന്‍ ചെയ്തവര്‍ ഓഗസ്റ്റ് 10 ന് രാവിലെ 10.30 ന് എല്ലാ സര്‍ട്ടിഫിക്കറ്റുകളും സഹിതം കോളെജില്‍ എത്തണമെന്ന് പ്രിന്‍സിപ്പല്‍ അറിയിച്ചു.  ഫോണ്‍- 0491 2527437.

    ജില്ലാ പഞ്ചായത്തിലെ ഔദ്യോഗിക ആവശ്യത്തിന്  ഉപയോഗിക്കുന്നതിന് നല്ല കണ്ടിഷനിലുളള ടാക്സി കാര്‍ ( എസിയുളള 3+1 സീറ്റര്‍) വാടകയ്ക്ക് നല്‍കുന്നതിന് തയ്യാറുളളവരില്‍ നിന്നും ക്വട്ടേഷന്‍ ക്ഷണിച്ചു.  ഓഗസ്റ്റ് 13 രാവിലെ 11 വരെ ക്വട്ടേഷന്‍ സ്വീകരിക്കും. അന്നേ ദിവസം ഉച്ച കഴിഞ്ഞ് 2.30 ന്  ക്വട്ടേഷന്‍ തുറക്കുന്നതാണ്. കൂടുതല്‍ വിവരങ്ങള്‍ക്ക് ഓഫീസുമായി ബന്ധപ്പെടണം.

    ഗവ.മോയന്‍ മോഡല്‍ ഹൈസ്കൂളില്‍ യു.പി.വിഭാഗത്തില്‍ ജൂനിയര്‍ ലാംഗ്വേജ് സംസ്കൃതം അധ്യാപക ഒഴിവിലേക്ക് അപേക്ഷിക്കാം. ദിവസവേതനാടിസ്ഥാനത്തിലായിരിക്കും നിയമനം. ഉദ്യോഗാര്‍ഥികള്‍ നാളെ (ഓഗസ്റ്റ് 10) രാവിലെ 11ന് സ്കൂള്‍ ഓഫീസില്‍ നടത്തുന്ന കൂടിക്കാഴ്ച്ചയില്‍ പങ്കെടുക്കണമെന്ന് ഹെഡ്മാസ്റ്റര്‍ അറിയിച്ചു.