• ട്രാന്‍സ്‌ഫോര്‍മര്‍ 5 കെ വി  ഇന്‍സുലേഷന്‍ ടെസ്റ്റര്‍ ഉപയോഗിച്ച് അതിന്റെ ഇന്‍സുലേഷന്‍ പരിശോധിച്ച് സുരക്ഷിതമാണെന്ന് ഉറപ്പ് വരുത്തണം.

ഐ.സി.ഡി.എസ് വകുപ്പിന്റെ നേതൃത്വത്തില്‍ ആറു മാസം മുതല്‍ മൂന്ന് വയസുവരെയുള്ള കുട്ടികള്‍ക്ക് നല്‍കുന്ന അമൃതം പോഷകാഹാരപ്പൊടി വിവിധ ദുരിതാശ്വാസക്യാമ്പുകളില്‍ എത്തിക്കും. ഇന്നലെ(ആഗസ്റ്റ് 19)ന്  750 കിലോ പൊടി മരങ്ങാട്ടുപ്പള്ളി,മാഞ്ഞൂര്‍,ഏറ്റുമാനൂര്‍ പ്രദേശങ്ങളിലെ കുടുംബശ്രീ യൂണിറ്റുകളില്‍ നിന്ന് എം.ഡി.സെമിനാരിയിലെ കളക്ഷന്‍ സെന്ററില്‍ എത്തിച്ചിട്ടുണ്ട്.

കാലവര്‍ഷക്കെടുതി മൂലം ക്ഷീരമേഖലയില്‍ ഉണ്ടായിരിക്കുന്ന വ്യാപക നാശനഷ്ടം വിലയിരുത്തുന്നതിനായി കോട്ടയം ജില്ലയിലെ ക്ഷീരസംഘം പ്രതിനിധികളുടേയും മില്‍മ പ്രതിനിധികളുടേയും  യോഗം  ഇന്ന് (ആഗസ്റ്റ് 20) രാവിലെ 11ന്് കോട്ടയം ജില്ലാ പഞ്ചായത്ത് ഹാളില്‍  നടക്കും. ബന്ധപ്പെട്ട എല്ലാവരും പങ്കെടുക്കണമെന്ന് കോട്ടയം ജില്ലാ ക്ഷീര വികസന വകുപ്പ് ഡെപ്യൂട്ടി ഡയറക്ടര്‍ അറിയിച്ചു.

ദുരിതാശ്വാസ കേന്ദ്രങ്ങളിലേക്ക് കുപ്പിവെള്ളം കുടിവെള്ളമായി എത്തിക്കുന്നവര്‍ 20 ലിറ്ററിന്റെ  ജാറുകളായി എത്തിക്കണമെന്ന് ജില്ലാ കള്കടര്‍ ഡോ. ബി.എസ് തിരുമേനി അറിയിച്ചു. നിലവില്‍ ഒരു ലിറ്ററിന്റെ ബോട്ടിലുകളായിട്ടാണ് കുപ്പിവെള്ളമെത്തുന്നത്. ഇത് വിതരണത്തിന് ബുദ്ധിമുട്ട് ഉണ്ടാക്കുന്നതിനാലാണ് 20 ലിറ്റര്‍ ജാറുകളായി എത്തിക്കണമെന്ന് അറിയിച്ചത്. 

ഡെപ്യൂട്ടി കളക്ടര്‍ എല്‍.എ (8547610054)

തഹസീല്‍ദാര്‍ (9447124237)