ജില്ലയിലെ സ്റ്റേറ്റ് ജി.എസ്.ടി വകുപ്പിലെ ജീവനക്കാരുടെ കൂട്ടായ്മയായ ടീം ടാക്‌സസ് ഒരു ലക്ഷം രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്‍കി. കലക്ടറേറ്റിലെത്തി ജില്ലാ കലക്ടര്‍ അമിത് മീണക്ക് തുക കൈമാറി.
സംഘടനയുടെ രക്ഷാധികാരിയും ഡെപ്യൂട്ടി കമ്മീഷണറുമായ കെ. സുനില്‍കുമാര്‍, ചെയര്‍മാന്‍ അസിസ്റ്റന്റ് കമ്മീഷണര്‍ കെ.അബ്ദുല്‍ ലത്തീഫ്, ജനറല്‍ കണ്‍വീനര്‍ പി.പി. സുബ്രഹ്മണ്യന്‍, ട്രഷറര്‍ മുഹമ്മദലി ടി എന്നിവരുടെ നേതൃത്വത്തിലാണ് തുക കൈമാറിയത്.

ഓഗസ്റ്റ് 29, 30, 31 തിയ്യതികളില്‍ കോഴിക്കോട് വിജിലന്‍സ് ട്രൈബ്യൂണല്‍ ഹാളില്‍ നടത്താന്‍ നിശ്ചയിച്ചിരുന്ന സിറ്റിങ് ഒക്‌ടോബര്‍ 15, 16, 17 തിയ്യകിളിലേക്ക് മാറ്റി.

അടഞ്ഞുകിടക്കുന്ന കളള്ഷാപ്പുകളിലെ തൊഴില്‍ നഷ്ടപ്പെട്ട തൊഴിലാളികള്‍ക്ക് ഓണത്തിനോടനുബന്ധിച്ച് സര്‍ക്കാര്‍ സാമ്പത്തിക സഹായം അനുവദിച്ചു. ചെത്തു തൊഴിലാളികള്‍ക്ക് 2500 രൂപ വീതവും വില്പന തൊഴിലാളികള്‍ക്ക് 2000 രൂപ വീതവും ഓഗസ്റ്റ് 23ന സിവില്‍ സ്റ്റേഷന്‍ കോമ്പൗണ്ടിലുള്ള എക്‌സൈസ് ഡിവിഷന്‍ ഓഫീസില്‍ വിതരണം ചെയ്യും. ധനസഹായം കൈപ്പറ്റാന്‍ വരുന്ന തൊഴിലാളികള്‍ അപേക്ഷ യോടൊപ്പം ടോഡി വെല്‍ഫയര്‍ ഫണ്ട് ഇന്‍സ്പക്ടര്‍ നല്‍കിയിട്ടുള്ള ഒറിജിനല്‍ തിരിച്ചറിയല്‍ കാര്‍ഡും സാക്ഷ്യപ്പെടുത്തിയ കോപ്പിയും ഹാജരാക്കണം.   ഇതുമായി ബന്ധപ്പെട്ട് കൂടുതല്‍ വിവരങ്ങള്‍ക്ക് അടുത്തുള്ള എക്‌സൈസ് സര്‍ക്കിള്‍ ഓഫീസുമായി ബന്ധപ്പെടാം.

ജില്ലാ എംപ്‌ളോയ്‌മെന്റ് എക്‌സ്‌ചേഞ്ചിന്റെ ഭാഗമായ എംപ്ലോയബിലിറ്റി സെന്ററില്‍ ആഗസ്റ്റ്30 രാവിലെ 10 ന് വിവിധ സര്‍ക്കാറിതര സ്ഥാപനങ്ങളിലേക്കുള്ള കൂടിക്കാഴ്ചയും വിശദീകരണവും നടത്തുന്നു.
കേന്ദ്രഗവണ്‍മെന്റിന്റെ ജന്‍ശിക്ഷസന്‍സ്ഥാന്‍ പദ്ധതിയുടെ വിവിധ സൗജന്യ തൊഴില്‍ പരിശീലന കോഴ്‌സുകളിലേക്കും തുടര്‍ന്നുള്ള നിയമനത്തിനും പരിഗണിക്കുന്നതിനുള്ള കൂടിക്കാഴ്ചയും രജിസ്‌ട്രേഷനും നടത്തും. പ്ലസ്ടു, ഡിഗ്രി, ഡിപ്ലൊമ (ഓട്ടോമൊബൈല്‍, മെക്കാനിക്ക്) യോഗ്യതയുള്ളവര്‍ക്ക് രജിസ്‌ട്രേഷനിലും ഇന്റര്‍വ്യൂവിലും പങ്കെടുക്കാം. ഫോണ്‍ : 04832 734 737.

    പുലാമന്തോള്‍ സബ് ട്രഷറി ഓഫീസിനു ചുറ്റും വെള്ളക്കെട്ടിനാല്‍ പ്രവര്‍ത്തിക്കാന്‍ കഴിയാത്തതിനാല്‍ ട്രഷറിയുടെ പ്രവര്‍ത്തനം താല്‍കാലികമായി പെരിന്തല്‍മണ്ണ സബ് ട്രഷറിയിലേക്ക് മാറ്റി.  പുലാമന്തോള്‍ ട്രഷറിക്ക് കീഴിലുള്ള ഇടപാടുകാര്‍ ആഗസ്റ്റ് 28 വരെ പെരിന്തല്‍മണ്ണ ട്രഷറിയില്‍ നിന്നും ഇടപാടുകള്‍ നടത്തണമെന്ന് ജില്ലാ ട്രഷറി ഓഫീസര്‍ അറിയിച്ചു.

ദുരിതാശ്വാസ ക്യാമ്പുകളില്‍ കൃഷിവകുപ്പ് പച്ചക്കറി എത്തിച്ചുതുടങ്ങി. ഹോര്‍ട്ടി കോര്‍പ്പ് മുഖേനയാണ് പച്ചക്കറി എ്തതിക്കുന്നത്. ജില്ലയിലെ ദുരിതാശ്വാസ ക്യാമ്പുകളില്‍  24 ടണ്‍ പച്ചക്കറി എത്തിച്ചുകഴിഞ്ഞു.