ജില്ലാ/താലൂക്ക് ആശുപത്രികളില്‍ പട്ടികജാതി വിഭാഗത്തിലുള്ള യുവതീ/യുവാക്കളെ കരാര്‍ അടിസ്ഥാനത്തില്‍ അപ്രന്റീസ് നഴ്‌സുമാരായി നിയമിക്കുന്നതിന് ആഗസ്റ്റ് 30 ന് നടത്താന്‍ നിശ്ചയിച്ചിരുന്ന കൂടിക്കാഴ്ച മാറ്റിവച്ചതായി ജില്ലാ പട്ടികജാതി വികസന ഓഫീസര്‍ അറിയിച്ചു. പുതുക്കിയ തീയതി പിന്നീട് അറിയിക്കും.

ജില്ലയില്‍ ദുരന്ത നിവാര പ്രവര്‍ത്തനങ്ങള്‍ക്കായി സര്‍ക്കാര്‍,സ്വകാര്യ വാഹനങ്ങള്‍ വ്യാപകമായി ഉപയാഗിക്കുന്ന സാഹചര്യത്തില്‍ ഇത്തരം വാഹനങ്ങള്‍ക്ക് ഇന്ധനം നിറക്കുന്നതിന് പമ്പുകള്‍ മുന്‍ഗന നല്‍കമെന്ന് ജില്ലാ കലക്ടര്‍ അറിയിച്ചു.  കരുതലായി  പെട്രോളും, ഡീസലും ഉണ്ടാവണമെന്നും  എല്ലാ പമ്പ്  ഉടമകള്‍ക്കും നിര്‍ദ്ദേശം നല്‍കിയിട്ടുണ്ട്.   നിര്‍ദ്ദേശം പാലിക്കാത്തപക്ഷം ദുരന്ത നിവാര നിയമം സെക്ഷന്‍ 56 പ്രകാരം ഒരു വര്‍ഷത്തെ തടവ് അടക്കമുള്ള ശിക്ഷ ലഭിക്കുമെന്ന് ജില്ലാ കലക്ടര്‍ അറിയിച്ചു.

ജില്ലയില്‍ ദുരന്ത നിവാരണ പ്രശ്‌നങ്ങളില്‍ ആവശ്യമായ മേല്‍ നോട്ടം നിര്‍വഹിക്കുന്നതിന് സര്‍ക്കാര്‍ ചുമതല പ്പെടുത്തിയ നോഡല്‍ ഓഫിസര്‍ സര്‍വെ ഡയരക്ടര്‍ പാട്ടീല്‍ അജിത് ഭഗവത് റാവു ഇന്ന് (19.8.18) ജില്ലയിലെത്തും. തുടര്‍ന്ന് വൈകിട്ട് കലക്ടറേറ്റില്‍ നടക്കുന്ന യോഗത്തില്‍ അദ്ദേഹം പങ്കെടുക്കും. 

ജില്ലാ പഞ്ചായത്ത് ഹാളില്‍ ആഗസ്ത് 29 ന് നടത്താനിരുന്ന ഓര്‍ഫനേജുകളിലെയും മറ്റു ധര്‍മ്മ സ്ഥാപനങ്ങളിലെയും മാനേജര്‍മാരുടെ അവലോകന യോഗം മാറ്റിയതായി  ജില്ലാ സാമൂഹ്യ നീതി ഓഫീസര്‍ അറിയിച്ചു. പുതുക്കിയ തിയ്യതി പിന്നീട്
അറിയിക്കും.

     തൃശൂരില്‍ ദുരിതം അനുഭവിക്കുന്നവര്‍ക്ക് ക്യാമ്പുകളില്‍ ഭക്ഷ്യ ധാന്യങ്ങള്‍ എത്തിക്കുന്നതിന്റെ ഭാഗമായി  ഭക്ഷ്യ ധാന്യ കിറ്റുകള്‍ മലപ്പുറം ജില്ലയില്‍ തയ്യാറാക്കി. 10 വിവിധ ആഹാര വസ്തുക്കളുള്‍പ്പെടെയുള്ള അവശ്യ വസ്തുക്കളാണ് കിറ്റില്‍ ഉണ്ടാവുക. ആകാശത്ത് നിന്ന് താഴോട്ട് നിക്ഷേപിക്കുന്ന രീതിയിലാണ് വസ്തുക്കള്‍ പാക്ക് ചെയ്യുക. കിറ്റുകള്‍ കരിപ്പൂര്‍ എയര്‍പോര്‍ട്ടിലെത്തിച്ച് ഹെലികോപ്റ്റര്‍ വഴി ത്യശൂരിലേക്ക് കൊണ്ടു പോകാനാണ് ഉദ്ദേശിക്കുന്നത്. വസ്തുക്കളുടെ പാക്കിംഗ് കലക്‌ട്രേറ്റ് കോണ്‍ഫ്രന്‍സ് ഹാളിലാണ് നടത്തിയത്.

കേരള, കര്‍ണാടക, ലക്ഷദ്വീപ് തീരങ്ങളില്‍ വടക്കുപടിഞ്ഞാറ് ദിശയില്‍നിന്ന് മണിക്കൂറില്‍ 35 മുതല്‍ 45 കിലോമീറ്റര്‍ വരെ വേഗതയിലും ചില അവസരങ്ങളില്‍ 60 കിലോമീറ്റര്‍ വേഗത്തിലും കാറ്റടിക്കാന്‍ സാധ്യതയുള്ളതിനാല്‍ അറബി കടലിന്റെ പടിഞ്ഞാറന്‍ മധ്യഭാഗത്തും തെക്കുപടിഞ്ഞാറ് ഭാഗത്തും കടല്‍ പ്രക്ഷുബ്ധമോ അതിപ്രക്ഷുബ്ധമോ ആകാന്‍ സാധ്യതയുള്ളതിനാല്‍ മത്സ്യത്തൊഴിലാളികള്‍ ഈ ഭാഗങ്ങളില്‍ മത്സ്യബന്ധനത്തിനു പോകരുതെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു.
(പി.ആര്‍.പി. 2187/2018)

** കുടിവെള്ളം ആവശ്യമുള്ളിടത്ത് ടാങ്കറില്‍ എത്തിക്കും
** ശുചീകരണ പ്രവര്‍ത്തനങ്ങള്‍ക്ക് സന്നദ്ധ പ്രവര്‍ത്തകര്‍ മുന്നോട്ടുവരണം