പ്രളയക്കെടുതിയുടെ പശ്ചാത്തലത്തില്‍ വെള്ളം ഇറങ്ങിയശേഷം ചെളിനിറഞ്ഞ് നില്‍ക്കുന്ന പ്രദേശങ്ങളില്‍ അമിതമായി ബ്ലീച്ചിംഗ് പൗഡര്‍ ഉപയോഗിക്കരുതെന്ന് ജില്ലാ മെഡിക്കല്‍ ഓഫീസര്‍ ഡോ.എ.എല്‍.ഷീജ അറിയിച്ചു. ബ്ലീച്ച് ലായനി ഉപയോഗിച്ച് വൈദ്യുതി ഉപകരണങ്ങള്‍ ഒഴികെ തറ, ഭിത്തി, സീലിംഗ്, തടി, പ്ലാസ്റ്റിക്, ഫര്‍ണിച്ചര്‍, വീട്ടുപകരണങ്ങള്‍ എന്നിവ വൃത്തിയാക്കാം. കിണറുകളും ഭൂമിക്കടിയില്‍ ഉള്‍പ്പെടെയുള്ള ജലസംഭരണികളും സൂപ്പര്‍ ക്ലോറിനേറ്റ് ചെയ്ത് മാത്രമേ ഉപയോഗിക്കാവൂ. 

സൂപ്പര്‍ ക്ലോറിനേഷന്‍  ചെയ്യേണ്ടവിധം

കക്കാട് പവര്‍ഹൗസിന്റെ അറ്റകുറ്റപ്പണികളോടനുബന്ധിച്ച് രണ്ട് ജനററേറ്ററുകളും നി ര്‍ത്തിവയ്ക്കുന്നതുമൂലം കക്കാട്ടാറില്‍ ജലനിരപ്പ് ഉയരാന്‍ സാധ്യതയുള്ളതിനാല്‍ മൂഴിയാര്‍ ഡാമിന്റെ ഷട്ടറുകള്‍ തുറന്ന് അധികജലം പുറത്തേക്ക് ഒഴുക്കും. മൂഴിയാര്‍ മുതല്‍ കക്കാട് പവര്‍ഹൗസ് വരെയുള്ള കക്കട്ടാറിന്റെ ഇരുകരകളിലും താമസിക്കുന്നവര്‍ ജാഗ്രത പാലിക്കണമെന്ന് ജില്ലാ കളക്ടര്‍ അറിയിച്ചു.                                   (പിഎന്‍പി 2337/18)

ജില്ലയില്‍ ഇരിട്ടി താലൂക്കില്‍ കൊട്ടിയൂര്‍ വില്ലേജിലെ അവശേഷിക്കുന്ന ദുരിതാശ്വാസ ക്യാമ്പ് കൊട്ടിയൂര്‍ ദേവസ്വം ഹാളിലേക്ക് മാറ്റും. നിലവില്‍ ക്യാമ്പ് പ്രവര്‍ത്തിക്കുന്നത് നീണ്ടുനോക്കി ഐജെഎംഎച്ചഎ്‌സഎസിലാണ്. ഓണാവധി കഴിഞ്ഞ് സ്‌കൂള്‍ തുറക്കാനിരിക്കുന്ന സാഹചര്യത്തിലാണ് ക്യാമ്പിന്റെ സ്ഥലം മാറ്റാന്‍ തീരുമാനിച്ചത്. പകരം സംവിധാനമാകുന്നതുവരെ ദേവസ്വം ഹാളിലേക്ക് ക്യാമ്പ് മാറ്റാനാണ് തീരുമാനിച്ചിട്ടുള്ളത്. 11 കുടുംബങ്ങളിലെ 31 പേരാണ് ക്യാമ്പില്‍ തുടരുന്നത്. പൂര്‍ണമായി വാസയോഗ്യമല്ലാതായതിനാല്‍ വീട്ടിലേക്ക് തിരിച്ചുപോകാന്‍ കഴിയാത്ത കുടുംബങ്ങളാണിത്. ഇവരെ വാടക വീടുകള്‍ കണ്ടെത്തി മാറ്റാനാണ് ആലോചിക്കുന്നത്. 

കനത്ത മഴയെത്തുടര്‍ന്നുണ്ടായ പ്രളയം കാരണം പുതിയൊരു കേരളം തന്നെ സൃഷ്ടിക്കേണ്ട അവസ്ഥയാണ് സംജാതമായിരിക്കുന്നതെന്ന് വ്യവസായ-കായിക-യുവജനക്ഷേമ വകുപ്പു മന്ത്രി ഇ പി ജയരാജന്‍. ഇതിനായി എല്ലാവരുടേയും സഹകരണം ആവശ്യമാണെന്നും മന്ത്രി പറഞ്ഞു. മട്ടന്നൂര്‍ നിയോജകമണ്ഡലത്തിലെ ക്യാന്‍സര്‍-വൃക്ക രോഗികള്‍ക്കുള്ള ഓണം-ബക്രീദ് കിറ്റ് വിതരണം ചെയ്തു സംസാരിക്കുകയായിരുന്നു അദ്ദേഹം. വെള്ളപ്പൊക്കത്തിനു ശേഷമുള്ള ഇപ്പോഴത്തെ അവസ്ഥയില്‍ മാരക രോഗങ്ങള്‍ പടരാനുള്ള സാദ്ധ്യതകള്‍ ഏറെയാണെന്നും മന്ത്രി  അറിയിച്ചു.

കാലവര്‍ഷക്കെടുതിയില്‍ ജില്ലയില്‍ ഉണ്ടായ നാശനഷ്ടങ്ങള്‍ അവലോകനം ചെയ്യുന്നതിനായി ആരോഗ്യ വകുപ്പ് മന്ത്രി കെ കെ ശൈലജ ടീച്ചറുടെ അധ്യക്ഷതയില്‍ എം എല്‍ എ മാര്‍, എം പി മാര്‍, രാഷ്ട്രീയ പാര്‍ട്ടി പ്രതിനിധികള്‍ എന്നിവരുടെ യോഗം നാളെ (ആഗസ്ത് 23) ചേരും. ജില്ലാ ആസൂത്രണ സമിതി കോംപ്ലക്‌സിന്റെ നാലാം നിലയിലെ ഹാളില്‍ പകല്‍ രണ്ട് മണിക്കാണ് യോഗം.

കേരളം ഇന്നു വരെ കണാത്ത തരത്തിലുള്ള പ്രളയത്തിനു ശേഷം സംസ്ഥാനത്തെ ദുരിതാശ്വാസ പ്രവര്‍ത്തനങ്ങള്‍ക്കായി കണ്ണൂര്‍ ജില്ലയില്‍ നിന്നുള്ള സഹായം തുടരുന്നു. കണ്ണൂര്‍ ജില്ലയില്‍ നിന്ന് ചൊവ്വ, ബുധന്‍ ദിവസങ്ങളിലായി മാത്രം തെക്കന്‍ ജില്ലകളിലേക്ക് അയച്ചത് 29 ലോഡ് ദുരിതാശ്വാസ സാധനങ്ങള്‍. ഇതുവരെ ഭക്ഷ്യ വസ്തുക്കള്‍, സാനിറ്ററി വസ്തുക്കള്‍, കുപ്പിവെള്ളം, പായ, തുടങ്ങി ആകെ 68 ലോഡ് ആയി 380 ടണ്ണിലേറെ സാധനങ്ങളാണ് ദുരിതബാധിതരെ സഹായിക്കാനായി അയച്ചത്. ഇതിനായി രാവും പകലുമായി കലക്ടറേറ്റില്‍ ജീവനക്കാരും സന്നദ്ധപ്രവര്‍ത്തകരും വിദ്യാര്‍ഥികളും കൈമെയ് മറന്ന് പ്രവര്‍ത്തിച്ചുവരികയാണ്.