കേന്ദ്രമന്ത്രി അൽഫോൺസ് കണ്ണന്താനം ചൊവ്വാഴ്ച ചെങ്ങന്നൂരിന്റെ വിവിധ ഭാഗങ്ങളിൽ സന്ദർശനത്തിനെത്തി. ചെങ്ങന്നൂർ താലൂക്ക് ഓഫീസിലെ കൺട്രോൾ റൂമിലും അദ്ദേഹം എത്തി. തുടർന്ന് അവലോകനയോഗവും നടന്നു. കൊടിക്കുന്നിൽ സുരേഷ് എം.പി., സജിചെറിയാൻ എം.എൽ.എ,  സ്‌പെഷൽ ഓഫീസർ പി.വേണുഗോപാൽ, ജില്ലാ കളക്ടർ എസ്.സുഹാസ്, ജില്ലാ പൊലീസ് മേധാവി എസ്.സുരേന്ദ്രൻ എന്നിവരും മറ്റ് ഉദ്യോഗസ്ഥരും യോഗത്തിൽ പങ്കെടുത്തു.

സജിചെറിയാൻ എം.എൽ.എയും ജില്ലാ കളക്ടർ എസ്.സുഹാസും ജില്ലാ പൊലീസ് മേധാവി എസ്.സുരേന്ദ്രനും  ചേർന്ന് ചെങ്ങന്നൂരിലെ ദുരിതാശ്വസക്യാമ്പിൽ പരിശോധന നടത്തി. ക്യാമ്പിലെ സൗകര്യങ്ങൾ വിലയിരുത്താനായിരുന്നു പരിശോധന. ഉദ്യോഗസ്ഥരുമായി ചെങ്ങന്നൂർ ഗവൺമെന്റ് ഐ.ടി.ഐയിലെ ക്യാമ്പിലെത്തിയ സംഘം അന്തേവാസികളോട് ആവശ്യങ്ങളും വേവലാതികളും കേട്ടു. ക്യാമ്പുകളിൽ പോലീസ് സംരക്ഷണം ഏർപ്പെടുത്തിയിട്ടുണ്ടെന്നും അനുവാദമില്ലാതെ ആരെയും ഉളളിൽ പ്രവേശിപ്പിക്കില്ലെന്നും എം.എൽ.എ പറഞ്ഞു.

ആലപ്പുഴ: പ്രളയക്കെടുതിയിൽ ക്യാമ്പുകളായി പ്രവർത്തിക്കുന്ന 180 സ്‌കൂളുകൾ  ക്യാമ്പ് കഴിയുമ്പോൾ പഴയതുപോലെ തന്നെ വൃത്തിയാക്കി നൽകണമെന്ന് സ്പെഷ്യൽ ഓഫീസർ എൻ.പദ്മകുമാർ നിർദേശിച്ചു. വിവിധ വകുപ്പുകളുടെ ഉദ്യോഗസ്ഥരുമായി നടത്തിയ ആരോഗ്യ ജാഗ്രത യോഗത്തിൽ സംസാരിക്കുകയായിരുന്നു അദ്ദേഹം.  

ആലപ്പുഴ: ചെങ്ങന്നൂർ ക്രിസ്ത്യൻ കോളേജിലെത്തുന്ന ഹെലികോപ്റ്ററുകളുടെ ലാൻഡിങ്ങ് ഉൾപ്പെടെയുള്ള പ്രവർത്തനങ്ങൾ നിയന്ത്രിക്കുന്നത് ചെങ്ങന്നൂർ ഐ.എച്.ആർ.ഡി. കോളേജിലെ പൂർവ്വ വിദ്യാർത്ഥിയും എയർഫോഴ്സ് സ്‌ക്വാഡ്രൺ ലീഡറുമായ അൻഷ വി. തോമസ്.  കോയമ്പത്തൂരിലെ എയർഫോഴ്സ് സ്പേസിൽ നിന്നുള്ള സുലൂർ 40-ാം വിങ്ങിലെ സ്‌ക്വാഡ്രൺ ലീഡറാണ് അൻഷാ. ഇടുക്കി കഞ്ഞിക്കുഴി പഴയരിക്കണ്ടം വീട്ടിൽ നിന്നുള്ള അൻഷാ ചെങ്ങന്നൂർ ഐ.എച്.ആർ.ഡി. കോളേജിലെ ഇലക്ട്രോണിക്സ് ആൻഡ് കമ്മ്യൂണിക്കേഷൻ എൻജിനീയറിങ്ങിലെ വിദ്യാർത്ഥി ആയിരുന്നു. 

ആലപ്പുഴ: ജില്ലയിലെ പ്രളയബാധിത പ്രദേശങ്ങളിലെ അടിയന്തര സാഹചര്യം കണക്കിലെടുത്ത് ഭാരതീയ ചികിത്സ വകുപ്പിന്റെ ജില്ല ആസ്ഥാനത്ത് ജില്ല മെഡിക്കൽ ഓഫീസർ ഡോ.റ്റി.എസ്.ജയന്റെ നേതൃത്വത്തിൽ ചേർന്ന ടാസ്‌ക്‌ഫോഴ്‌സ് കമ്മിറ്റിയിൽ രാമങ്കരി ഗവ. ആയുർവേദ ഡിസ്‌പെൻസറിയിലെ ചീഫ് മെഡിക്കൽ ഓഫീസർ ഡോ.എം.ചിന്നതുരെയെ 24 മണിക്കൂറും ജില്ല മെഡിക്കൽ ഓഫീസിൽ പ്രവർത്തിക്കുന്ന കൺട്രോൾ സെൽ യൂണിറ്റിന്റെ കൺവീനറായി നിയമിച്ചു. ഫോൺ: 9400736563.

(പി.എൻ.എ 2386/2018)

ആലപ്പുഴ : പുളിങ്കു് സബ് രജിസ്ട്രാർ ഓഫീസിന്റെ  പ്രവർത്തനം കനത്ത വെള്ളപ്പൊക്കം മൂലം ഓഫീസിന്റെ പ്രവർത്തനം താൽക്കാലികമായി ഇരുമ്പുപാലത്തിന് സമീപമുള്ള ജില്ല രജിസ്‌ട്രേഷൻ കോംപ്ലക്‌സിലേക്ക് മാറ്റിയതായി ജില്ല രജിസ്ട്രാർ (ജനറൽ) അറിയിച്ചു.

(പി.എൻ.എ 2385/2018)

ഭാരതീയ ചികിത്സ വകുപ്പിൽ

ലപ്പുഴ: ചെങ്ങന്നൂരിൽ ദിവസങ്ങളായി നടന്നുവന്ന രക്ഷാപ്രവർത്തനം സമാപ്തിയിലെത്തിയതായി സജി ചെറിയാൻ എം.എൽ.എ പത്രസമ്മേളനത്തിൽ പറഞ്ഞു. രക്ഷാപ്രവർത്തനത്തിന്റെ ആദ്യഘട്ടം പൂർത്തിയായി. ഇനി എവിടെയെങ്കിലും തുരുത്തിൽ ഒറ്റപ്പെട്ട ആരെങ്കിലും അവശേഷിക്കുന്നുണ്ടോയെന്ന പരിശോധന തുടരും. പ്രവർത്തനങ്ങളുടെ വിശദാംശം സംബന്ധിച്ച് എ.എം. ആരിഫ് എം.എൽ.എ, ജില്ല കളക്ടർ എസ്. സുഹാസ്,  ജില്ല പൊലീസ് മേധാവി എസ്. സുരേന്ദ്രൻ എന്നിവർക്കൊപ്പമാണ്  എം.എൽ.എ മാധ്യമങ്ങളെ കണ്ടത്. ആർമിയുടെ നേതൃത്വം നൽകുന്ന ഹേമന്ത് രാജ്, വ്യോമസേനയുടെ നേതൃത്വം വഹിച്ചവരും   പത്രസമ്മേളനത്തിൽ സന്നിഹിതരായി.