പ്രളയത്തെത്തുടര്‍ന്ന് സംസ്ഥാനത്തെ അടിയന്തരമായി പുനര്‍നിര്‍മിക്കുന്നതിന് സ്വീകരിക്കേണ്ട നടപടികളെക്കുറിച്ച് ആലോചിക്കാന്‍ മുഖ്യമന്ത്രി പിണറായി വിജയന്റെ അധ്യക്ഷതയില്‍ മുന്‍ ചീഫ് സെക്രട്ടറിമാരുടെ യോഗം ചേര്‍ന്നു. സ്വകാര്യ മേഖലയുടെ കൂടി സഹകരണത്തോടെ പുനര്‍നിര്‍മാണ പ്രവര്‍ത്തനങ്ങള്‍ എങ്ങനെ ഫലപ്രദമായി നടപ്പാക്കാന്‍ കഴിയുമെന്നും ആവശ്യമായ ധനം എങ്ങനെ സമാഹരിക്കാമെന്നും യോഗം ചര്‍ച്ച ചെയ്തു. യോഗത്തില്‍ ഉയര്‍ന്ന നിര്‍ദേശങ്ങള്‍ ക്രോഡീകരിച്ച് പ്രൊപ്പോസല്‍ സമര്‍പ്പിക്കാന്‍ മുന്‍ ചീഫ് സെക്രട്ടറിയും കിഫ്ബി സിഇഒയുമായ കെ.എം. എബ്രഹാമിനെ മുഖ്യമന്ത്രി ചുമതലപ്പെടുത്തി. 

*കന്നുകാലികള്‍ നഷ്ടപ്പെട്ടവര്‍ക്ക് സഹായം

പ്രളയ പുനരധിവാസ പ്രവര്‍ത്തനങ്ങളുടെ ഭാഗമായി വളര്‍ത്തു മൃഗങ്ങളുടെ സംരക്ഷണത്തിന് പ്രത്യേക ക്യാമ്പുകള്‍ കൂടുതല്‍ ആരംഭിക്കുമെന്ന് വന, മൃഗസംരക്ഷണ, ക്ഷീരവികസന മന്ത്രി അഡ്വ. കെ. രാജു പറഞ്ഞു. പ്രളയബാധിത മേഖലയിലെ പൊതുസ്ഥലങ്ങളിലാണ് ക്യാമ്പുകള്‍ ആരംഭിക്കുക. മൃഗചികിത്സയ്ക്കൊപ്പം മരുന്നുകളും തീറ്റയും ക്യാമ്പില്‍ സൗജന്യമായി നല്‍കും. 

ജില്ലയില്‍ നിന്ന് രക്ഷാപ്രവര്‍ത്തനത്തിന് പോയത് 118 മല്‍സ്യത്തൊഴിലാളികള്‍

    വെള്ളത്തില്‍ മുങ്ങിക്കിടക്കുന്ന വീടുകള്‍ക്കു മുകളില്‍ നിന്ന് ഞങ്ങള്‍ രക്ഷപ്പെടുത്തിയ വൃദ്ധരും സ്ത്രീകളും കുട്ടികളുമുള്‍ക്കൊള്ളുന്ന നൂറുകണക്കിനാളുകളുടെ മുഖത്ത് നിറഞ്ഞ സന്തോഷമാണ് ഏറ്റവും വലിയ അവാര്‍ഡെന്ന് ആയിക്കരയില്‍ നിന്ന് പോയി ചാലക്കുടിയില്‍ രക്ഷാ പ്രവര്‍ത്തനം നടത്തിയ മല്‍സ്യത്തൊഴിലാളികള്‍. ഞങ്ങളെ രക്ഷിക്കണേ എന്ന ആളുകളുടെ നിലവിളി ടിവിയില്‍ കേട്ടാണ് കഴിഞ്ഞ വ്യാഴാഴ്ച പാതിരാത്രിക്കു ശേഷം തങ്ങള്‍ തൃശൂരിലേക്ക് പുറപ്പെട്ടതെന്ന് തയ്യില്‍ സ്വദേശിയായ എസ് ബിജോയ് പറഞ്ഞു. 
  

    ശക്തമായ മഴയെ തുടര്‍ന്നുണ്ടായ ഉരുള്‍പൊട്ടലിലും വെള്ളപ്പൊക്കത്തിലും ജില്ലയുടെ വിവിധ മേഖലകളിലുണ്ടായ നാശനഷ്ടങ്ങള്‍ വിലയിരുത്തി തുടര്‍നടപടികള്‍ കാര്യക്ഷമവും വേഗത്തിലുമാക്കാന്‍ പ്രത്യേക സമിതികളെ നിയോഗിക്കാന്‍ പ്രസിഡന്റ് കെ വി സുമേഷിന്റെ അധ്യക്ഷതയില്‍ ചേര്‍ന്ന ജില്ലാ പഞ്ചായത്ത് യോഗം തീരുമാനിച്ചു.

    കണ്ണൂര്‍ ഗവ.ഐ ടി ഐ യില്‍ കാര്‍പെന്റര്‍, ഇലക്ട്രീഷ്യന്‍, മെഷിനിസ്റ്റ്, മെക്കാനിക്ക് മെക്കട്രോണിക്‌സ് ട്രേഡുകളില്‍ ഗസ്റ്റ് ഇന്‍സ്ട്രക്ടര്‍മാരുടെ ഒഴിവിലേക്ക് ആഗസ്റ്റ് 31 രാവിലെ  11 മണിക്ക് ഐ ടി ഐ യില്‍ ഇന്റര്‍വ്യൂ നടത്തും.  താല്‍പര്യമുള്ളവര്‍ അസ്സല്‍ സര്‍ട്ടിഫിക്കറ്റുകളും പകര്‍പ്പും സഹിതം പ്രിന്‍സിപ്പല്‍ മുമ്പാകെ ഹാജരാകണം.  ഫോണ്‍ 0497 2835183.

 
കാലവര്‍ഷത്തെ തുടര്‍ന്ന് പുല്ലൂപ്പിക്കടവ് പാലത്തിന്റെ അനുബന്ധ റോഡില്‍ വലിയ കുഴി രൂപപ്പെട്ടതിനാല്‍ ഇന്ന് (ആഗസ്റ്റ് 22)മുതല്‍ ഇനി ഒരു അറിയിപ്പുണ്ടാകുന്നത് വരെ ഇതുവഴിയുള്ള ഗതാഗതം നിരോധിച്ചു. കണ്ണാടിപ്പറമ്പില്‍ നിന്നും കണ്ണൂര്‍ ഭാഗത്തേക്കുള്ള വാഹനങ്ങള്‍ വാരം കടവ് വഴിയും തിരിച്ചും പോകേണ്ടതാണെന്ന് എക്‌സിക്യുട്ടീവ് എഞ്ചിനീയര്‍ അറിയിച്ചു.

സംസ്ഥാന സാക്ഷരതാ മിഷന്‍ അതോറിറ്റി പൊതുവിദ്യാഭ്യാസ വകുപ്പിന്റെ സഹകരണത്തോടെ നടത്തുന്ന തുല്യത കോഴ്‌സിലേക്ക്  അപേക്ഷിക്കുന്നതിനുള്ള തീയതി  നീട്ടി. പത്താംതരം ഹയര്‍സെക്കണ്ടറി  തുല്യത കോഴ്‌സിലേക്ക് സപ്തംബര്‍ 15 വരെ പിഴയില്ലാതെയും 50 രൂപ പിഴയോടുകൂടി സപ്തംബര്‍ 29 വരെയും അപേക്ഷിക്കാം.  കൂടുതല്‍ വിവരങ്ങള്‍ വികസന വിദ്യാകേന്ദ്രങ്ങള്‍, തുടര്‍ വിദ്യാകേന്ദ്രങ്ങള്‍  എന്നിവിടങ്ങളില്‍ ലഭിക്കും. ഫോണ്‍: 0497 2707699. 

    2018-19 സാമ്പത്തിക വര്‍ഷം വിദ്യാതീരം പദ്ധതിയുമായി ബന്ധപ്പെട്ട് മത്സ്യത്താഴിലാളികളുടെ മക്കള്‍ക്ക് നല്‍കുന്ന സൗജന്യ മെഡിക്കല്‍ എന്‍ട്രന്‍സ് പരിശീലനത്തിന് തെരഞ്ഞെടുക്കപ്പെട്ട വിദ്യാര്‍ഥികളുടെ കരട് പട്ടിക ജില്ലാ ഫിഷറീസ് ഓഫീസിലെ നോട്ടീസ് ബോര്‍ഡില്‍ പതിച്ചിട്ടുണ്ട്. അപേക്ഷ നല്‍കിയ വിദ്യാര്‍ഥികള്‍ ജില്ലാ ഫിഷറീസ് ഓഫീസില്‍ കരട്‌ലിസ്റ്റ് പരിശോധിച്ച് പരാതിയുണ്ടെങ്കില്‍ 30 നകം രേഖാമൂലം സമര്‍പ്പിക്കേണ്ടതാണ്. ഫോണ്‍: 0497 2731081. 

    അടുത്ത ജില്ലാ വികസന സമിതി യോഗം സെപ്റ്റംബര്‍ 29 നായിരിക്കും ചേരുകയെന്ന് ജില്ലാ കലക്ടര്‍ അറിയിച്ചു.