സൗദി അറേബ്യയിലെ ദമാമിലുള്ള പ്രമുഖ പോളിക്ലിനിക്കിലേക്ക് എക്‌സ്‌റേ(സ്ത്രീകള്‍) / ലബോറട്ടറി ടെക്‌നീഷ്യന്‍ എന്നീ ഒഴിവുകളിലേക്ക് നിയമിക്കുന്നതിന് ഒ.ഡി.ഇ.പി.സി വഴി ഉദ്യോഗാര്‍ത്ഥികളെ തെരഞ്ഞെടുക്കും.  രണ്ട് വര്‍ഷത്തില്‍ കൂടുതല്‍ പ്രവൃത്തിപരിചയമുള്ള ഉദ്യോഗാര്‍ത്ഥികള്‍ വിശദവിവരങ്ങള്‍ അടങ്ങിയ ബയോഡാറ്റ 31-നകം gcc@odepc.in എന്ന ഇ-മെയിലില്‍ അയക്കണം.  കൂടുതല്‍ വിവരങ്ങള്‍ www.odepc.kerala.gov.in എന്ന വെബ്‌സൈറ്റില്‍ ലഭിക്കും

പി.എന്‍.എക്‌സ്.3717/18

ആഗസ്റ്റ് 17-ന് നടത്തേണ്ടിയിരുന്ന ഒന്നാം വര്‍ഷ ഹയര്‍സെക്കന്ററി/വൊക്കേഷണല്‍ ഹയര്‍സെക്കന്ററി ഇംപ്രൂവ്‌മെന്റ്/സപ്ലിമെന്ററി പരീക്ഷ സെപ്റ്റംബര്‍ മൂന്നിന് നടത്തും.  ടൈംടേബിളില്‍ മാറ്റമില്ല.

പി.എന്‍.എക്‌സ്.3716/18

എം.ജി സര്‍വകലാശാല വൈസ് ചാന്‍സലറെ തിരഞ്ഞെടുക്കുന്നതിനുള്ള സെലക്ഷന്‍ കമ്മറ്റിയ്ക്ക് ഗവര്‍ണര്‍ പി.സദാശിവം അംഗീകാരം നല്‍കി. രാജസ്ഥാന്‍ സര്‍വകലാശാല മുന്‍ വൈസ്ചാന്‍സ്‌ലര്‍ ജഗദീഷ് പ്രസാദ് സിംഗാള്‍, കേരള സര്‍വകലാശാല മുന്‍ പ്രോവൈസ്ചാന്‍സ്‌ലര്‍ ഡോ. ജെ.പ്രഭാഷ് എന്നിവര്‍ യഥാക്രമം യു.ജി.സി, സെനറ്റ് നോമിനികളാണ്. ചീഫ് സെക്രട്ടറിയാണ് കണ്‍വീനര്‍. വൈസ് ചാന്‍സലര്‍ തിരഞ്ഞെടുപ്പിനുള്ള പാനല്‍ സംബന്ധിച്ച ശുപാര്‍ശ അഞ്ച് മാസത്തിനകം നല്‍കണം.

പി.എന്‍.എക്‌സ്.3714/18

എല്‍.ബി.എസ് സെന്റര്‍ ഫോര്‍ സയന്‍സ് ആന്റ് ടെക്‌നോളജിയുടെ തിരുവനന്തപുരം കേന്ദ്രത്തില്‍ ആഗസ്റ്റ് അവസാന വാരം ആരംഭിക്കുന്ന PGDCA, DCA, DCA (s), DE & OA, TALLY കോഴ്‌സുകളിലേക്ക് അപേക്ഷ ക്ഷണിച്ചു. രാവിലത്തെ കോഴ്‌സുകളിലേക്കും അഡ്മിഷന്‍ എടുക്കാം. ഫോണ്‍: 0471 2560332, 8547141406

പി.എന്‍.എക്‌സ്.3713/18

പ്രളയക്കെടുതി നേരിട്ട പ്രദേശങ്ങളിലേക്ക് പ്രവേശിക്കുമ്പോള്‍ പൊതുജനങ്ങള്‍ ജാഗ്രത പാലിക്കണമെന്ന് ചീഫ് ഇലക്ട്രിക്കല്‍ ഇന്‍സ്‌പെക്ടര്‍ അറിയിച്ചു.

വെള്ളപ്പൊക്ക ദുരിതാശ്വാസ പ്രവര്‍ത്തനങ്ങളെയും ദുരിതാശ്വാസ ക്യാമ്പുകളുടെ സുഗമമായ പ്രവര്‍ത്തനത്തെയും ബാധിക്കാതിരിക്കാന്‍ ഉദ്യോഗസ്ഥരുടെ സഹകരണം വകുപ്പ് മേധാവികളും ജില്ലാ കളക്ടര്‍മാരും വകുപ്പ്തല ജില്ലാ മേധാവികളും ദുരിതാശ്വാസ ക്യാമ്പിന്റെ ചുമതലയുള്ള ഉദ്യോഗസ്ഥരും ഉറപ്പു വരുത്തണമെന്ന് പൊതുഭരണ വകുപ്പ് ഉത്തരവിറക്കി. 

സെക്രട്ടേറിയറ്റില്‍ ഇതിനാവശ്യമായ ഉദ്യോഗസ്ഥരുടെ ക്രമീകരണം അതത് വകുപ്പ് സെക്രട്ടറിമാര്‍ നടത്തണം. അവധി ദിനങ്ങളില്‍ പ്രവര്‍ത്തിക്കുന്ന ഉദ്യോഗസ്ഥര്‍ക്ക് മറ്റൊരു ദിവസം കോമ്പന്‍സേഷന്‍ ഓഫ് നല്‍കണമെന്ന്  നിര്‍ദ്ദേശിച്ചിട്ടുണ്ട്.