കോഴിക്കോട് ജില്ലയിലെ വിവിധ ബ്ലോക്കുകളിലെ പേമാരിയിലും ഉരുള്‍പ്പൊട്ടലിലും വെളളപ്പൊക്കത്തിലും ദുരിതം അനുഭവിക്കുന്ന ക്ഷീര കര്‍ഷകരെ സഹായിക്കുന്നതിനും ദുരന്ത നിവാരണ പ്രവര്‍ത്തനങ്ങള്‍ നടപ്പിലാക്കുന്നതിനുമായി ജില്ലാതലത്തില്‍ കര്‍മ്മപരിപാടി തയ്യാറാക്കുന്നതിന് ജില്ലയിലെ വിവിധ ക്ഷീരസംഘം പ്രസിഡന്റ്, സെക്രട്ടറിമാരുടെ യോഗം കോഴിക്കോട് കളക്ടറേറ്റ് കോണ്‍ഫറന്‍സ് ഹാളില്‍ നാളെ (20.8) രാവിലെ 10.30 ന് ചേരും.

1.    അടഞ്ഞു കിടക്കുന്ന മുറികളില്‍ വായു മലിനീകരണം സംഭവിക്കാന്‍ ഇടയുള്ളതിനാല്‍ ജനലുകളും വാതിലുകളും തുറന്നിട്ട് വായു സഞ്ചാരയോഗ്യമാക്കുക.
2.    വീടുകളില്‍ വൈദ്യുത ഷോക്ക് ഇല്ലെന്ന് ഉറപ്പ് വരുത്തുക.

ആരോഗ്യവകുപ്പ് ബുധനാഴ്ച മാത്രം 272 ക്യാമ്പുകളില്‍ പരിശോധന നടത്തി മരുന്നുകള്‍ വിതരണം ചെയ്‌തെന്ന് ജില്ലാ കളക്ടര്‍ പി.ബി. നൂഹ് പറഞ്ഞു. 118 ഡോക്ടര്‍മാരാണ് ഫീല്‍ഡിലുള്ളത്. ഇവരുടെ നേതൃത്വത്തില്‍ 118 ടീമായാണ് പ്രവര്‍ത്തിക്കുന്നത്. കാര്യമായ അസുഖങ്ങളൊന്നും തന്നെ റിപ്പോര്‍ട്ട് ചെയ്യപ്പെട്ടിട്ടില്ല. കുട്ടികള്‍ക്കും മുതിര്‍ന്നവര്‍ക്കും മാനസികാഘാതം കുറയ്ക്കുന്നതിന് സാമൂഹിക നീതി വകുപ്പിന്റെ ആഭിമുഖ്യത്തില്‍ കൗണ്‍സലിംഗ് നല്‍കിവരുന്നുണ്ടെന്നും അദ്ദേഹം പറഞ്ഞു.          (പിഎന്‍പി 2360/18)