സാമൂഹ്യനീതി വകുപ്പ് നടപ്പിലാക്കി വരുന്ന ആഫ്റ്റര്‍കെയര്‍ പദ്ധതി പ്രകാരം സാമ്പത്തികമായി പിന്നോക്കാവസ്ഥയിലുള്ള  കുറ്റവാളികളായി ശിക്ഷ അനുഭവിച്ചവര്‍, എക്‌സ് പ്യൂപ്പിള്‍, പ്രൊബേഷണര്‍മാര്‍, എക്‌സ് ഇന്‍മേറ്റ്‌സ്, അഞ്ച് വര്‍ഷമോ അതില്‍ കൂടുതലോ ജയില്‍ ശിക്ഷ അനുഭവിച്ച് വരുന്ന കുറ്റവാളികളുടെ ആശ്രിതര്‍ എന്നിവരുടെ പുനരധിവാസത്തിന്റെ ഭാഗമായി സ്വയംതൊഴില്‍ കണ്ടെത്തുന്നതിനുള്ള ധനസഹായത്തിന് അപേക്ഷ ക്ഷണിച്ചു. അപേക്ഷാ ഫോറവും കൂടുതല്‍ വിവരങ്ങളും തലശ്ശേരി കോടതി കോമ്പൗണ്ടിന് സമീപം പ്രവര്‍ത്തിക്കുന്ന കണ്ണൂര്‍ ജില്ലാ പ്രൊബേഷന്‍ ഓഫീസില്‍ ലഭിക്കും.  അപേക്ഷ സെപ്റ്റംബര്‍ 10 വരെ സ്വീകരിക്കും.

    ജില്ലയില്‍ മലയോര മേഖലകളില്‍ ഉരുള്‍പൊട്ടലും വെള്ളപൊക്കവും ഉണ്ടായ സാഹചര്യത്തില്‍ പകര്‍ച്ചവ്യാധികളെ തടയുന്നതിനാവശ്യമായ മരുന്നുകള്‍ ഭാരതീയ ചികിത്സാ വകുപ്പ് ജില്ലയിലെ ആയുര്‍വേദ സ്ഥാപനങ്ങളില്‍ സജ്ജമാക്കിയിട്ടുണ്ടെന്ന് ജില്ലാ മെഡിക്കല്‍ ഓഫീസര്‍(ആയുര്‍വേദം) അറിയിച്ചു.  മാസികാരോഗ്യ വിദഗ്ധര്‍ ഉള്‍പ്പെടെയുള്ള സംഘം  ഇന്ന്(ആഗസ്റ്റ് 22) കരിക്കോട്ടക്കരിയിലും നാളെ(ആഗസ്റ്റ് 23)കൊട്ടിയൂരിലും മെഡിക്കല്‍ ക്യാമ്പുകള്‍ നടത്തും.  ജില്ലാ     ഓഫീസ് കേന്ദ്രീകരിച്ച് ഒരു കണ്‍ട്രോള്‍ സെല്‍ പ്രവര്‍ത്തിക്കുന്നുണ്ട്.  ഫോണ്‍: 0497 2700911, 9497609565(ജില്ലാ  ടാസ്‌ക് ഫോഴ്‌സ് കണ്‍വീനര്‍ ഡോ.എ വി സാജന്‍).

    ഗവ. ബ്രണ്ണന്‍ കോളേജില്‍ സുവോളജി വിഭാഗത്തില്‍ ലാബ് ഉപകരണങ്ങള്‍ നന്നാക്കുന്നതിന് മുദ്രവെച്ച ക്വട്ടേഷനുകള്‍ ക്ഷണിച്ചു. അവസാന തീയ്യതി ആഗസ്റ്റ് 31 വൈകിട്ട് അഞ്ച് മണി.  

    ഫിസിക്‌സ് വിഭാഗത്തില്‍ ലാബ് ഉപകരണങ്ങള്‍ നന്നാക്കുന്നതിന് മുദ്രവെച്ച ക്വട്ടേഷനുകള്‍ ക്ഷണിച്ചു. ആഗസ്റ്റ് 29 വൈകിട്ട് നാല് മണി വരെ ക്വട്ടേഷന്‍ സ്വീകരിക്കും.  ഫോണ്‍: 0490 2346027.

    ജില്ലാ സൈനിക ക്ഷേമ ഓഫീസില്‍ തൊഴിലിനായി രജിസ്റ്റര്‍ ചെയ്ത വിമുക്തഭടന്‍മാരുടെ 2018-2020 വര്‍ഷത്തേക്കുള്ള താല്‍ക്കാലിക സീനിയോറിറ്റി ലിസ്റ്റ് പ്രിദ്ധീകരിച്ചു.  ലിസ്റ്റില്‍ ആക്ഷേപങ്ങളും പരാതികളുമുണ്ടെങ്കില്‍ സെപ്റ്റംബര്‍ 25 ന് മുമ്പ് ഓഫീസില്‍ അറിയിക്കണമെന്ന് ജില്ലാ സൈനിക ക്ഷേമ ഓഫീസര്‍ അറിയിച്ചു.  ഓഫീസിലെ നോട്ടീസ് ബോര്‍ഡില്‍ ലിസ്റ്റ് പ്രസിദ്ധീകരിച്ചിട്ടുണ്ട്.

.

    ജില്ലയിലെ പ്ലസ് വണ്‍ പ്രവേശനം ലഭിക്കാത്ത പട്ടികവര്‍ഗ വിദ്യാര്‍ഥികള്‍ക്കായുള്ള സ്‌പോട്ട് അഡ്മിഷന്‍ സെപ്റ്റംബര്‍ ആറിന് രാവിലെ 10 മണി മുതല്‍ ജില്ലാ പ്ലാനിങ് ഓഫീസ് മിനി കോണ്‍ഫറന്‍സ് ഹാളില്‍ നടത്തും.  ഇതുവരെ പ്രവേശനം ലഭിക്കാത്ത പട്ടികവര്‍ഗ വിദ്യാര്‍ഥികള്‍ രക്ഷിതാക്കള്‍ക്കൊപ്പം ജാതി, വരുമാനം, എസ് എസ് എല്‍ സി സര്‍ട്ടിഫിക്കറ്റുകള്‍ സഹിതം ഹാജരാകണം.

    കേരള കാര്‍ഷിക സര്‍വകലാശാലയ്ക്ക് കീഴില്‍ പ്രവര്‍ത്തിക്കുന്ന പിലിക്കോട് പ്രാദേശിക കാര്‍ഷിക ഗവേഷണ കേന്ദ്രത്തില്‍ വിവിധ വിഭാഗങ്ങളില്‍ അസിസ്റ്റന്റ് പ്രൊഫസര്‍മാരെ കരാര്‍ അടിസ്ഥാനത്തില്‍ നിയമിക്കുന്നു. ഉദ്യോഗാര്‍ത്ഥികള്‍ സെപ്റ്റംബര്‍ 14  ന് രാവിലെ 10 മണിക്ക് വാക്ക്-ഇന്‍-ഇന്റര്‍വ്യൂവിന് ഹാജരാവേണ്ടതാണ്. കൂടുതല്‍ വിവരങ്ങള്‍  www.kau.in  ലും 0467 2260632/2260450 എന്നീ നമ്പറുകളിലും ലഭിക്കും.

    കൊട്ടിയൂര്‍ ഭാഗത്തെ കണ്ടപ്പനം, നെല്ലിയോടി എന്നിവിടങ്ങളിലെ ദുരിതാശ്വാസ ക്യാമ്പുകളില്‍ ഗ്രൂപ്പ് കൗണ്‍സിലിങ്, വ്യക്തിഗത കൗണ്‍സിലിങ് എന്നിവ നടത്തി. ഉരുള്‍പ്പൊട്ടലില്‍ വീടും സ്വത്തും നഷ്ടപ്പെട്ടവര്‍ക്ക് മനോധൈര്യം നല്‍കുക എന്ന ലക്ഷ്യത്തോടെയാണ് കൗണ്‍സലിങ് നടത്തിയത്. 
    കണ്ണൂര്‍ സഖി വണ്‍ സ്‌റ്റോപ്പ് സെന്ററിന്റെ നേതൃത്വത്തിലാണ് കൗണ്‍സലിങ് സംഘടിപ്പിച്ചത്. ഏകജാലക സംവിധാനത്തിലൂടെ വിവിധ വകുപ്പുകളുടെ സേവനങ്ങള്‍ ഏകോപിപ്പിച്ച് സ്ത്രീകള്‍ക്കും കുട്ടികള്‍ക്കുമെതിരെയുള്ള എല്ലാതരം അതിക്രമങ്ങള്‍ക്കും പരിഹാരം കണ്ടെത്താന്‍ സഹായിക്കുന്ന സ്ഥാപനമാണ് സഖി വണ്‍സ്റ്റോപ്പ്. 

ഏകീകൃത തദ്ദേശസ്വയംഭരണ വകുപ്പ് രൂപീകരിക്കുന്നതുമായി ബന്ധപ്പെട്ട് അംഗീകൃത സര്‍വീസ് സംഘടനകളുമായി ആഗസ്റ്റ് 31ന് നടത്താന്‍ നിശ്ചയിച്ചിരുന്ന ചര്‍ച്ച മാറ്റി വച്ചു. പുതിയ തിയതി പിന്നീട് അറിയിക്കും.

പി.എന്‍.എക്‌സ്.3708/18

    ജില്ലയിലെ കാലവര്‍ഷക്കെടുതിയില്‍ ഉണ്ടായ നാശനഷ്ടങ്ങള്‍ അവലോകനം ചെയ്യുന്നതിനായി ആരോഗ്യ വകുപ്പ് മന്ത്രി കെ കെ ശൈലജ ടീച്ചറുടെ അധ്യക്ഷതയില്‍ 23 ന് എം എല്‍ എ മാര്‍, എം പി മാര്‍, രാഷ്ട്രീയ പാര്‍ട്ടി പ്രതിനിധികള്‍ എന്നിവരുടെ യോഗം ചേരും.  ജില്ലാ ആസൂത്രണ സമിതി കോംപ്ലക്‌സിന്റെ നാലാം നിലയിലെ ഹാളില്‍ പകല്‍ രണ്ട് മണിക്കാണ് യോഗം.