ജില്ലയില്‍ കാലവര്‍ഷക്കെടുതി മൂലം ക്യാമ്പുകളില്‍ താമസിക്കുന്നവരെ സ്വന്തം വീടുകളിലേക്ക് മാറ്റി പാര്‍പ്പിക്കുന്നതിന് മുമ്പായി വീടും പരിസരവും ക്യത്യമായ ആരോഗ്യ-ശുചിത്വമാനദണ്ഡങ്ങള്‍ പാലിച്ചുവെന്ന് ഉറപ്പാക്കുമെന്ന് ജില്ലാ കലക്ടര്‍ അമിത് മീണ അറിയിച്ചു. കാലവര്‍ഷ ക്കെടുതിയുമായി ബന്ധപ്പെട്ട് കലക്‌ട്രേറ്റില്‍ നടന്ന  യോഗത്തില്‍ അധ്യക്ഷത വഹിച്ചു സംസാരിക്കുകയായിരുന്നു കലക്ടര്‍.  വെള്ളം കയറിയതിനെ തുടര്‍ന്ന് മലിന ജലം കിണറുകളിലും മറ്റും എത്തി ഗുരുതരമായ പകര്‍ച്ച വ്യാധികള്‍ക്കും മറ്റും സാധ്യതയുള്ളതായി ഭയക്കുന്നുണ്ട്. ആയതിനാല്‍ ആരോഗ്യ വകുപ്പിന്റെ പ്രവര്‍ത്തനങ്ങളോട് എല്ലാവരും സഹകരിക്കണം.

വെള്ളപ്പൊക്കക്കെടുതിയിൽപ്പെട്ടിരിക്കുന്ന മൃഗങ്ങളെ രക്ഷപ്പെടുത്തിക്കൊണ്ട് വരുന്നതിനും അവശ്യചികിത്സകൾ നൽകുന്നതിനും വേണ്ടി മൃഗസംരക്ഷണവകുപ്പിന്റെ നേതൃത്വത്തിൽ ആനിമൽ റസ്‌ക്യൂ ടീം ഇന്ന് (ഓഗസ്റ്റ് 20) രാവിലെ ഏഴുമണിമുതൽ കുട്ടനാട് മേഖലയിൽ പ്രവർത്തിക്കും. കർഷകർ ബന്ധപ്പെടേണ്ട നമ്പർ:9387221594(ഡോ.മുഹ്‌സിൻ കോയ), 9447062691( ഡോ.പ്രേംകുമാർ), 9946637901(ഡോ.ജോസ് മാത്യു), 9847232726(ഡോ.സംഗീത് നാരായണൻ), 9447104072( അനീഷ്, ഡയറി അസിസ്‌ററന്റ് ഡയറക്ടർ). 

(പി.എൻ.എ 2356/2018)

ജില്ലയിൽ ആകെ ക്യാമ്പുകളിലായി  62, 148 കുടുംബങ്ങളിലെ 2,77,706 പേർ. അമ്പലപ്പുഴയിൽ 144 ക്യാമ്പുകളിലായി 17654 കുടുംബങ്ങളിലെ 76068 പേരാണ് ഉള്ളത്.  ചേർത്തലയിൽ 89 ക്യാമ്പുകളിൽ 12430 കുടുംബങ്ങളിലെ 43703 പേർ. മാവേലിക്കരയിൽ 90 ക്യാമ്പുകളിലായി 4764 കുടുംബങ്ങളിലെ 16713 പേർ. .കുട്ടനാട്ടിൽ ക്യാമ്പുകൾ ഒന്നും പ്രവർത്തിക്കുന്നില്ല. ചെങ്ങന്നൂരിൽ 132 ക്യാമ്പുകളിലായി  68232 പേരാണ് ഉള്ളത്. കാർത്തികപ്പള്ളി താലൂക്കിൽ 146 ക്യാമ്പുകളിലെ 18060 കുടുംബങ്ങളിലുള്ള 72990 പേരാണ് ഉള്ളത്.

(പി.എൻ.എ 2353/2018)

കുട്ടനാട്ടിൽ രക്ഷാപ്രവർത്തനം പൂർത്തിയാക്കി

ആലപ്പുഴ: രക്ഷാപ്രവർത്തനവുമായി സഹകരിക്കാതെ വിട്ടുനിന്ന അഞ്ചു ബോട്ടുടമകളിൽ നാലുപേരെ മന്ത്രി ജി.സുധാകരന്റെ നിർദേശ പ്രകാരം അറസ്റ്റ്ചെയ്തു. ലേക്ക്സ് ആന്റ് ലഗൂൺസ് ഉടമ സക്കറിയ ചെറിയാൻ, റെയിൻബോസ് ഉടമ സാലി, കോസി ഉടമ കുര്യൻ, ആൽബിൻ ഉടമ വർഗീസ് സോണി എന്നിവരെ ഇതിനകം അറസ്റ്റുചെയ്തു. തേജസ് ഉടമ സിബിയെ ഉടൻ അറസ്റ്റുചെയ്ത് ഹാജരാക്കാൻ മന്ത്രി നിർദേശിച്ചു. കളക്ടറുടെ ചേമ്പറിൽ ചേർന്ന അവലോകന യോഗത്തിലാണ് മന്ത്രിയുടെ നിർദേശം.

പ്രിസം പദ്ധതിയുടെ ഭാഗമായി ഇന്‍ഫര്‍മേഷന്‍-പബ്ലിക് റിലേഷന്‍സ് വകുപ്പില്‍ മലപ്പുറം ജില്ലാ ഇന്‍ഫര്‍മേഷന്‍ ഓഫീസില്‍ ഇന്‍ഫര്‍മേഷന്‍ അസിസ്റ്റന്റ്, സബ് എഡിറ്റര്‍ തസ്തികയിലേക്ക് കരാര്‍ നിയമനത്തിന് അപേക്ഷിച്ചിട്ടുള്ളവരുടെ കൂടിക്കാഴ്ച ഓഗസ്റ്റ് 17 ന് രാവിലെ പത്ത് മണിക്ക് എറണാകുളം ജില്ലാ ഇന്‍ഫര്‍മേഷന്‍ ഓഫീസില്‍ നടക്കും. ഉദ്യോഗാര്‍ത്ഥികള്‍ അസ്സല്‍രേഖകളുമായി കൂടിക്കാഴ്ചക്ക് ഹാജരാവണം. കൂടിക്കാഴ്ചക്ക് തെരഞ്ഞെടുത്തവരുടെ പട്ടിക ജില്ലാ ഇന്‍ഫര്‍മേഷന്‍ ഓഫീസില്‍ ലഭ്യമാണ്.

ജില്ലയിലെ സ്വാതന്ത്ര്യദിനാഘോഷത്തില്‍   കേന്ദ്ര സാമൂഹിക നീതിമന്ത്രി രാംദാസ് അതാവാലെ മുഖ്യാതിഥിയാവും.  എംഎസ്പി പരേഡ് ഗ്രൗണ്ടില്‍ നടക്കുന്ന ആഘോഷ പരിപാടിയില്‍ തദ്ദേശ സ്വയംഭരണ വകുപ്പ് മന്ത്രി  ഡോ.കെ.ടി ജലീല്‍ സല്യൂട്ട് സ്വീകരിക്കും. പ്രതികൂല കാലാവസ്ഥ കണക്കിലെടുത്ത് ഇത്തവണ പ്രഭാത ഭേരിയും സാംസ്‌കാരിക പരിപാടിയും ഒഴിവാക്കി. വിവിധ സേനാംഗങ്ങള്‍ക്ക് പുറമെ വിവിധ സ്‌കൂളുകളിലെ എന്‍സിസി, ജെആര്‍സി, സ്‌കൗട്ട്‌സ്, ഗൈഡ്‌സ്, എസ്പിസി അംഗങ്ങള്‍ പരേഡില്‍ പങ്കെടുക്കും.