പാലക്കാട് താലൂക്ക് ഓഫീസിന്റെ കീഴില്‍ ഇന്‍ഡോര്‍ സ്‌റ്റേഡിയത്തില്‍ പ്രവര്‍ത്തിക്കുന്ന കലക്ഷന്‍ സെന്ററില്‍ സാധനങ്ങള്‍ കയറ്റാനും ഇറക്കാനും സന്നദ്ധപ്രവര്‍ത്തകരെ ആവശ്യമുണ്ട്.മൊബൈല്‍ ;9961242055,8281751861

ജില്ലയിലെ നൂറിലേറെ ദുരിതാശ്വാസ ക്യാമ്പുകളിലായി പതിനായിരത്തിലേറെ പേരാണ് കഴിയുന്നത്. നിരവധി സന്നദ്ധ സംഘടനകളും വ്യക്തികളും ഇവര്‍ക്കുള്ള അവശ്യ സാധനങ്ങള്‍ ലഭ്യമാക്കുന്നുണ്ടെങ്കിലും ചില സാമഗ്രികളുടെ അഭാവമുണ്ട്. ക്യാമ്പുകളിലേക്ക് അവശ്യവസ്തുക്കള്‍ സംഭാവന ചെയ്യാന്‍ താല്‍പര്യമുള്ളവര്‍ക്ക് സിവില്‍ സ്റ്റേഷനിലുള്ള താലൂക്ക് ഓഫീസിലേക്ക് നേരിട്ടെത്തിക്കാം. 

ക്യാമ്പുകളിലേക്ക് ആവശ്യമായ സാധനങ്ങള്‍:

കുട്ടികള്‍ക്ക് പെന്‍സില്‍, നോട്ട്ബുക്കുകള്‍, ബാഗുകള്‍ തുടങ്ങിയ പഠനോപകരണങ്ങള്‍, ചെരുപ്പുകള്‍, അടിവസ്ത്രങ്ങള്‍.

ആലത്തൂര്‍ പ്ലാഴി,പഴയന്നൂര്‍ വഴി തൃശൂരിലേക്കുള്ള ഗതാഗതം പുനസ്ഥാപിച്ചതായി ആലത്തൂര്‍ സര്‍ക്കിള്‍ ഇന്‍സ്‌പെക്ടര്‍ അറിയിച്ചു.

നിയമ-സാംസ്‌കാരിക-പട്ടികജാതി -പട്ടികവര്‍ഗ വകുപ്പ് മന്ത്രി എ.കെ ബാലന്റെ നേതൃത്വത്തില്‍ ഇന്ന്് (ആഗസ്റ്റ് 19) രാവിലെ 10.30-ന് മഴക്കെടുതിയുമായി ബന്ധപ്പെട്ട് ്തൃത്താല ഗവ.റസ്റ്റ് ഹൗസില്‍ അവലോകനയോഗം ചേരും. തുടര്‍ന്ന്്് തൃത്താലയിലെ ദുരിതാശ്വാസ ക്യാമ്പ് മന്ത്രി സന്ദര്‍ശിക്കും.

മംഗലം പാലം നിറഞ്ഞു കവിഞ്ഞതിനെ തുടര്‍ന്ന് വൃദ്ധസദനത്തില്‍ ഒറ്റപ്പെട്ട 186 അമ്മമാരെ റാപ്പിഡ് ആക്ഷന്‍ ഫോഴ്സിന്റെ നേതൃത്വത്തില്‍ രക്ഷപ്പെടുത്തി സുരക്ഷിത സ്ഥാനത്തെത്തിച്ചു. വടക്കഞ്ചേരി ദൈവസദന്‍ വൃദ്ധസദനത്തിലെ 186 അന്തേവാസികളേയാണ്  സി.ആര്‍.പി.അഫിന്റെ നേതൃത്വത്തില്‍ രക്ഷിച്ച് വടക്കഞ്ചേരി സെന്റ് മേരീസ് ഐ.ടി.ഐ യില്‍ താമസിപ്പിച്ചിരിക്കുന്നത്. ഇവര്‍ക്കുള്ള ഭക്ഷണവും മറ്റ് അവശ്യ വസ്തുക്കളും ആലത്തൂര്‍ താലൂക്കില്‍ നിന്നും ലഭ്യമാക്കിയിട്ടുണ്ട്. കൂടാതെ ഇവര്‍ക്കായി മെഡിക്കല്‍ ക്യാമ്പും സംഘടിപ്പിച്ചിട്ടുണ്ട്. 

. 

നെല്ലിയാമ്പതി മലകളിലെ റോഡിലുണ്ടായിട്ടുളള തടസ്സങ്ങള്‍ നീക്കുന്നതിനായി  റവന്യു, പി.ഡബ്ള്‍യൂ.ഡി, സി.ആര്‍.പി.എഫ് സംഘങ്ങള്‍ ഇപ്പോഴും ശ്രമം നടത്തി വരികയാണ്. ഇന്നു വൈകീട്ടോടെയൊ നാളെയോടെയോ റോഡ് ഗതാഗതം സുഗമമാക്കാന്‍ ശ്രമിക്കുന്നതായി കലക്ടറേറ്റ് അധികൃതര്‍ അറിയിച്ചു. മൂന്ന് ദിവസത്തേക്കുളള ഭക്ഷണം നെല്ലിയാമ്പതിയിലെ സപ്ലൈകോ ഡിപ്പോയിലും സ്‌ക്കൂളുകളിലും ശേഖരത്തിലുണ്ടെന്നും നെല്ലിയാമ്പതിയില്‍ നിലവില്‍ പട്ടിണിയില്ലായെന്നും അധികൃതര്‍ അറിയിച്ചു.  ആവശ്യമെങ്കില്‍ തലചുമടായി അവശ്യസാധനങ്ങളും ഭക്ഷണവും എത്തിക്കും.