രണ്ടു വർഷത്തിലേറെയായി പത്തനംതിട്ട ജില്ലയുടെ സാരഥിയായിരുന്ന എസ് പ്രേംകൃഷ്ണൻ ഇനി ആരോഗ്യവകുപ്പ് ജോയിൻറ് ഡയറക്ടർ.

2024 മാർച്ചിൽ ജില്ല കലക്ടർ ആയി എത്തിയതിനു പിന്നാലെയായിരുന്നു ലോക്സഭ തിരഞ്ഞെടുപ്പ്. ജില്ല തിരഞ്ഞെടുപ്പ് ഓഫീസർ എന്ന നിലയിൽ കൃത്യവും സൂക്ഷ്മതയേറിയതുമായിരുന്നു പ്രവർത്തനം. 2025 തദ്ദേശ തിരഞ്ഞെടുപ്പും കഴിഞ്ഞ നിയമസഭ തിരഞ്ഞെടുപ്പും പരാതിരഹിതമായി പൂർത്തിയാക്കി. അതിതീവ്ര വോട്ടർ പട്ടിക പരിഷ്കരണം സമയബന്ധിതമായി പൂർത്തിയാക്കി. 

പത്തനംതിട്ട ജില്ലയുടെ 39-ാമത് കലക്ടറായി എ നിസാമുദീന്‍ ചുമതലയേറ്റു. ആരോഗ്യവകുപ്പില്‍ ജോയിന്റ് സെക്രട്ടറിയായി സ്ഥലം മാറിപോകുന്ന മുന്‍ ജില്ല കലക്ടര്‍ എസ് പ്രേം കൃഷ്ണന്‍ പുതിയ കലക്ടര്‍ക്ക് ചുമതല കൈമാറി. 2024 ജൂലൈ മുതല്‍ കേരള ഇന്‍സ്റ്റിറ്റ്യൂട്ട് ഓഫ് ലോക്കല്‍ അഡ്മിനിസ്‌ട്രേഷന്‍ (കില) ഡയറക്ടറാണ് നിസാമുദ്ദീൻ.

ജില്ലയിലെ വിമുക്തഭടന്മാർക്കും, വിധവകൾക്കും ആശ്രിതർക്കുമായി മേയ് 30-ന്  രാവിലെ 10ന്  ഇൻഷുറൻസ് മേഖലയിലെ തൊഴിൽ അവസരങ്ങളെ കുറിച്ച് ഒരു സെമിനാർ നടത്തുന്നു. താത്പര്യമുള്ളവർ അന്നേദിവസം  ആലപ്പുഴ  രാമവർമ ക്ലബ് ഹാളിൽ  എത്തിച്ചേരണമെന്ന് ജില്ലാ സൈനിക ക്ഷേമ ഓഫീസർ അറിയിച്ചു. ഫോൺ: 9446220404.

ജില്ലയിൽ നിന്നും കേരള സംസ്ഥാന അസംഘടിത തൊഴിലാളി സാമൂഹ്യ സുരക്ഷാ പദ്ധതിയിൽ അംഗങ്ങളായവരുടെ മക്കളിൽ 2025-26 അധ്യയന വർഷം പത്താം തരത്തിൽ എല്ലാ വിഷയങ്ങൾക്കും എ പ്ലസ് നേടിയ വിദ്യാർഥികൾക്ക് ക്യാഷ് അവാർഡ് നൽകും.  അപേക്ഷ ഓൺലൈനായി  സമർപ്പിക്കുന്നതിന് https://services.unorganisedwssb.org/index.php/home എന്ന വെബ്സൈറ്റ് സന്ദർശിക്കുക.  അവസാന തീയതി ജൂൺ 15. ഓൺലൈൻ അപേക്ഷയുടെ പകർപ്പും അനുബന്ധ രേഖകളും ജില്ലാ ഓഫീസിൽ ഹാജരാക്കണം. ഫോൺ : 0477-2241455.

​ജില്ലയിലെ വികസനപ്രവർത്തനങ്ങൾ, പദ്ധതി നടത്തിപ്പ് എന്നിവ അവലോകനം ചെയ്യുന്നതിനുള്ള ജില്ലാ വികസന സമിതി യോഗം മേയ് 30 ശനിയാഴ്ച രാവിലെ 10.30 ന് ജില്ലാ ആസൂത്രണ സമിതി കോൺഫറൻസ് ഹാളിൽ ചേരും.

ടെണ്ടര്‍ ക്ഷണിച്ചു

കൊയിലാണ്ടി താലൂക്ക് ആശുപത്രിയിലേക്ക് ലാബ് റീഏജന്റ്സ്, കെമിക്കല്‍സ് തുടങ്ങിയവ റേറ്റ് കോണ്‍ട്രാക്ട് അടിസ്ഥാനത്തില്‍ ഒരു വര്‍ഷത്തേക്ക് വിതരണം ചെയ്യാന്‍ ടെണ്ടര്‍ ക്ഷണിച്ചു. ജൂണ്‍ അഞ്ചിന് രാവിലെ 11.30 വരെ ടെണ്ടര്‍ സ്വീകരിക്കും. ഫോണ്‍: 0496 2960241.

അധ്യാപക നിയമനം

ബക്രീദ് പ്രമാണിച്ച് സംസ്ഥാനത്ത് 27, 28 തീയതികളിൽ സർക്കാർ അവധി പ്രഖ്യാപിച്ചു. പൊതുമേഖലാ സ്ഥാപനങ്ങൾ, പ്രൊഫഷണൽ കോളേജുകൾ ഉൾപ്പെടെയുള്ള വിദ്യാഭ്യാസ സ്ഥാപനങ്ങൾ, നെഗോഷ്യബിൾ ഇൻസ്ട്രുമെന്റ്സ് ആക്ടിന് കീഴിൽ വരുന്ന സ്ഥാപനങ്ങൾ എന്നിവയുൾപ്പെടെ എല്ലാ സർക്കാർ ഓഫീസുകൾക്കും അവധിയായിരിക്കും.

സാങ്കേതിക കാരണങ്ങളാൽ 2026 മെയ് 25, 26 (തിങ്കൾ , ചൊവ്വ) തീയതികളിൽ നോർക്ക റൂട്ട്‌സിന്റെ കോഴിക്കോട് സര്‍ട്ടിഫിക്കറ്റ് ഒതന്റിക്കേഷന്‍ സെന്ററില്‍ അറ്റസ്റ്റേഷന്‍ സേവനം  ഉണ്ടായിരിക്കുന്നതല്ല.

പൊതു ഇടങ്ങളില്‍ മാലിന്യം വലിച്ചെറിയുന്ന ശീലം മാറ്റിയെടുക്കുക എന്ന ലക്ഷ്യത്തോടെ ജില്ലാ ശുചിത്വ മിഷനും കോഴിക്കോട് കോര്‍പ്പറേഷനും കാലിക്കറ്റ് യൂണിവേഴ്‌സിറ്റി നാഷണല്‍ സര്‍വീസ് സ്‌കീമും ചേര്‍ന്ന് മലബാര്‍ ഗോള്‍ഡിന്റെ സഹകരണത്തോടെ സംഘടിപ്പിക്കുന്ന 'വലിച്ചെറിയരുത് എന്ന തിരിച്ചറിവാണ് മാറ്റം' ബോധവത്കരണ ക്യാമ്പയിന് തുടക്കമായി. കോര്‍പ്പറേഷന്‍ ഓഡിറ്റോറിയത്തില്‍ നടന്ന ചടങ്ങില്‍ മേയര്‍ ഒ സദാശിവന്‍ ഉദ്ഘാടനം നിര്‍വഹിച്ചു. അഡ്വ. ഫൈസല്‍ ബാബു എം.എല്‍.എ മുഖ്യാതിഥിയായി. ആരോഗ്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ കെ രാജീവ് അധ്യക്ഷനായി.