പൊതുജനങ്ങൾക്ക് നിയമസഭാ തിരഞ്ഞെടുപ്പുമായി ബന്ധപ്പെട്ട സംശയങ്ങളും പരാതികളും അറിയിക്കാനായി ജില്ലാ തിരഞ്ഞെടുപ്പ് വിഭാഗം ഹെൽപ്പ്ലൈൻ ആരംഭിച്ചു. 

ഹെൽപ്പ് ലൈൻ ഫോൺ നമ്പർ: -04842991186

പെരുമാറ്റച്ചട്ട ലംഘനവുമായി ബന്ധപ്പെട്ട പരാതികൾ പൊതുജനങ്ങൾക്ക് സി-വിജിൽ (cVIGIL) ആപ്പ് വഴിയോ
mccernakulam2026@gmail.com ഇ-മെയിൽ വിലാസത്തിലോ അയക്കാം. ചട്ടലംഘനങ്ങളുടെ ചിത്രങ്ങളോ വീഡിയോകളോ ആണ് തത്സമയം അയക്കാവുന്നതാണ്. 

സി-വിജിൽ ആപ്പിൽ ഇതുവരെ 2901 പരാതികളാണ് ലഭിച്ചത്. ഇതിൽ 2898 പരാതികളിൽ നടപടി സ്വീകരിച്ചു.

നിയമസഭാ തിരഞ്ഞെടുപ്പുമായി ബന്ധപ്പെട്ട് ജില്ലയില്‍ ആന്റി ഡീഫേസ്‌മെന്റ് സ്‌ക്വാഡിന്റെ നേതൃത്വത്തില്‍ ഇതുവരെ നീക്കം ചെയ്തത് 17051 പ്രചാരണ ബോര്‍ഡുകള്‍.
ഇതിൽ ഇന്ന് (മാർച്ച് 27) പ്രചാരണ 2349 ബോർഡുകൾ നീക്കം ചെയ്തു. 

വിവിധ രാഷ്ട്രീയപാര്‍ട്ടികളുടെ 1567 പോസ്റ്ററുകൾ, 460 ബാനറുകൾ, 316 മറ്റ് പ്രചാരണ ബോർഡുകൾ എന്നിവയാണ് ഇന്ന് നീക്കം ചെയ്തത്.

നിഷ്പക്ഷവും സുതാര്യവുമായ തിരഞ്ഞെടുപ്പ് ഉറപ്പാക്കുന്നതിൻ്റെ ഭാഗമായി രൂപീകരിച്ച ജില്ലാതല ആൻ്റി ഡീഫേസ്മെന്റ് സ്ക്വാഡ് ജില്ലയുടെ വിവിധ ഭാഗങ്ങളിൽ പരിശോധ നടത്തി. 
 

എറണാകുളം ജില്ലയിലെ വിവിധ നിയമസഭാ മണ്ഡലങ്ങളിലെ
സ്ഥാനാർഥികൾക്കും അവരുടെ ഏജന്റ്മാർക്കും ചെലവ് കണക്ക് എഴുതി സൂക്ഷിക്കുന്നത് സംബന്ധിച്ച് പരിശീലനം നൽകി.

കാക്കനാട് കളക്ടറേറ്റ് കോൺഫറൻസ് ഹാളിൽ നടന്ന പരിശീലനത്തിന് ചെലവ് നോഡൽ ഓഫീസർ വി എൻ  ഗായത്രി നേതൃത്വം നൽകി. 

അസിസ്റ്റൻ്റ് നോഡൽ ഓഫീസർ ആർ  വിനീത് ആർ, അസിസ്റ്റന്റ് എക്സ്പെൻഡീച്ചർ ഒബ്സർവർ പി.പി  അജിമോൻ പി. പി എന്നിവർ ക്ലാസുകൾ എടുത്തു. 

നിയമസഭ തെരഞ്ഞെടുപ്പുമായി ബന്ധപ്പെട്ട്  നിരീക്ഷകരെ എല്ലാ ദിവസവും രാവിലെ 10 മുതൽ 11 വരെ എറണാകുളം പി. ഡബ്ല്യു.ഡി റസ്റ്റ്‌ ഹൗസ് കോൺഫറൻസ് റൂമിൽ നേരിട്ട് കാണാൻ പൊതുജനങ്ങൾക്ക് അവസരമുണ്ട്.

താഴെ നൽകിയിരിക്കുന്ന നമ്പറുകളിലും ബന്ധപ്പെടാവുന്നതാണ്.

പൊതു നിരീക്ഷകർ :

സുഹൈർ ബിൻ സാഗിർ 
തൃപ്പൂണിത്തുറ, കൊച്ചി,എറണാകുളം
8138971490

അമിത് ഖത്രി
 പിറവം, മുവാറ്റുപുഴ, കോതമംഗലം 
9567431490

ഹർലിൻ കൗർ 
 പെരുമ്പാവൂർ, അങ്കമാലി,ആലുവ, കുന്നത്തുനാട് 
9567521595

ആര്യക ആഖൊറി  കളമശ്ശേരി,തൃക്കാക്കര,പറവൂർ, വൈപ്പിൻ 
07736331595

നിയമസഭ തിരഞ്ഞെടുപ്പിനോട് അനുബന്ധിച്ച് ക്രമസമാധാനപാലനം ഉറപ്പുവരുത്തുന്നതിനും, ജനങ്ങളിൽ സുരക്ഷാ ബോധം വർദ്ധിപ്പിക്കുന്നതിനും വേണ്ടി മട്ടാഞ്ചേരി പോലീസ് സ്റ്റേഷൻ പരിധിയിൽ കേന്ദ്ര സായുധസേനയും കേരള പോലീസും സംയുക്തമായി റൂട്ട് മാർച്ച് നടത്തി. 

മട്ടാഞ്ചേരി അസിയ ഭായി സ്കൂളിൽ നിന്നും ആരംഭിച്ച റൂട്ട് മാർച്ച്  കരിപ്പാലം മൈതാനത്ത് സമാപിച്ചു.

എടയാറിലെ വ്യവസായമേഖലയിൽ പ്രവർത്തിക്കുന്ന ഓയിൽ കമ്പനിയിലുണ്ടായ തീപ്പിടിത്തത്തിൽ 
ഒരാൾ മരിച്ച സംഭവത്തിൽ സ്ഥിതിഗതികൾ വിലയിരുത്താൻ ജില്ലാ കളക്ടർ ജി പ്രിയങ്കയുടെ അധ്യക്ഷതയിൽ പ്രത്യേക യോഗം ചേർന്നു.

 മനുഷ്യ-വന്യജീവി സംഘർഷം ലഘൂകരിക്കാൻ സ്വയം രൂപകൽപ്പന ചെയ്ത  വൈൽഡ് സേഫ് സെന്റിനൽ സ്മാർട്ട് ഇലക്ട്രിക് ഫെൻസ് കൺട്രോളർ  ജില്ലാ കളക്ടർ ശിഖ സുരേന്ദ്രന്
പരിചയപ്പെടുത്തി ജില്ലയ്ക്ക് അഭിമാനമായി ഹെവേന.

മനുഷ്യനെയും മൃഗങ്ങളെയും തിരിച്ചറിഞ്ഞ് അതിനനുസരിച്ചുള്ള പ്രതികരണമാണ് മെഷീൻ്റെ പ്രത്യേകത.  
ജി എസ് എം വഴി ജിപിഎസ് ലൊക്കേഷൻ സഹിതം തൽസമയ അലർട്ട് നൽകുക ഉൾപ്പെടെ വൈൽഡ് സേഫ് സെന്റിനൽ സ്മാർട്ട് ഇലക്ട്രിക് ഫെൻസ് കൺട്രോളിലൂടെ സാധ്യമാകും.

ഗുരുവായൂർ, മണലൂർ, കുന്നംകുളം എന്നീ നിയോജകമണ്ഡലങ്ങളിലെ പോൾഡ് ഇവിഎം കേന്ദ്രങ്ങൾ സജ്ജീകരിച്ചിരിക്കുന്ന ഗുരുവായൂർ ശ്രീകൃഷ്ണ കോളേജ് ജില്ലാ ഇലക്ഷൻ ഓഫീസറും ജില്ലാ കളക്ടറുമായ ശിഖ സുരേന്ദ്രൻ സന്ദർശിച്ചു. മൂന്ന് നിയോജകമണ്ഡലങ്ങളിലേയും പോൾഡ് ഇവിഎമുകൾ സൂക്ഷിക്കുന്ന സ്ട്രോങ്ങ്‌ റൂമുകളും കൗണ്ടിങ് ഹാളുകളും കളക്ടർ പരിശോധിച്ച് സുരക്ഷയും പ്രവർത്തനവും ഉറപ്പ് വരുത്തി.

 നിയമസഭാ തിരഞ്ഞെടുപ്പിന്റെ ഭാഗമായി സ്വീപിന്റെ (SVEEP) നേതൃത്വത്തിൽ കളക്ടറേറ്റ് അങ്കണത്തിൽ വടംവലി മത്സരം സംഘടിപ്പിച്ചു. 'കൈയല്ല വിരലാണ് കരുത്ത്' എന്ന ആശയം മുൻനിർത്തി നടന്ന പരിപാടിയിൽ കളക്ടറേറ്റിലെ വിവിധ വകുപ്പുകളിൽ നിന്നുള്ള ജീവനക്കാർ പങ്കെടുത്തു. ജില്ലാ കളക്ടർ ശിഖ സുരേന്ദ്രൻ മത്സരം ഉദ്ഘാടനം നിർവഹിച്ചു.

അഞ്ഞൂർ റോഡ്, ഗുരുവായൂർ - ആൽത്തറ - പൊന്നാനി റോഡ്, ഗുരുവായൂർ ചൂണ്ടൽ റോഡ് എന്നീ റോഡുകളിൽ പൊതുമരാമത്തു വകുപ്പിന്റെ അധീനതയിലുള്ള സ്ഥലത്ത് അനധികൃതമായി നിർമ്മിച്ചിരിക്കുന്നതും സ്ഥാപിച്ചിരിക്കുന്നതുമായ കടകൾ 1 ബോർഡുകൾ, ബസ് ഷെൽട്ടറുകൾ, മറ്റു നിർമ്മിതികൾ എല്ലാം തന്നെ സ്വമേധയാ എടുത്തു മാറ്റണമെന്ന് അസിസ്റ്റൻറ് എക്സിക്യൂട്ടീവ് എൻജിനീയർ അറിയിച്ചു. അല്ലാത്ത പക്ഷം ഇനിയൊരു അറിയിപ്പ് കൂടാതെ നിർമ്മിതികൾ പൊതുമരാമത്തു വകുപ്പ് പൊളിച്ചുമാറ്റി വസ്‌തുവകകൾ കണ്ടുകെട്ടി അതിനുള്ള ചെലവുകൾ  പിഴ സഹിതം ബന്ധപ്പെട്ട വ്യക്തികളിൽ നിന്നും ഈടാക്കുന്നതാണ്.