ജില്ലാ ഐ.സി.ഡി.എസ്  കാര്യാലയത്തിന്റെ ഔദ്യോഗികാവശ്യങ്ങൾക്ക് ഉപയോഗിക്കാൻ ഒരു വർഷത്തേക്ക് വാഹനം (ഏഴ് സീറ്റിനു മുൻഗണന) 28,000 രൂപ നിരക്കിൽ ഡ്രൈ ലീസ് (ഡ്രൈവർ ഇല്ലാതെ വാഹനം മാത്രം) വ്യവസ്ഥയിൽ വാടകയ്ക്ക് നൽകാൻ താൽപര്യമുള്ള വ്യക്തികൾ /സ്ഥാപനങ്ങൾ എന്നിവരിൽ നിന്നും ടെൻഡറുകൾ ക്ഷണിച്ചു. താത്പര്യമുള്ളവർ മെയ് അഞ്ചിന് വൈകീട്ട് മൂന്നിനുള്ളിൽ അപേക്ഷിക്കണം.  വിലാസം: പ്രോഗ്രാം ഓഫീസർ, വനിതാ ശിശു വികസന വകുപ്പ്, ജില്ലാതല ഐ.സി.ഡി.എസ് സെൽ മലപ്പുറം, സിവിൽ സ്റ്റേഷൻ മലപ്പുറം 676505. ഫോൺ: 0483 2730084, ഇ-മെയിൽ: prgofficempm@gmail.com.

അസാപ് കമ്മ്യൂണിറ്റി സ്‌കിൽ പാർക്കും ശോഭിക വെഡിങ്സും സംയുക്തമായി നടത്തുന്ന സൗജന്യ തൊഴിൽ മേള ഏപ്രിൽ 26ന് നടക്കും. താത്പര്യമുള്ളവർ ബയോഡാറ്റയും സർട്ടിഫിക്കറ്റുകളും സഹിതം തവനൂർ അസാപ് സ്‌കിൽ പാർക്കിൽ രാവിലെ 9.30ന് എത്തണം. സയിൽസ് എക്സിക്യൂട്ടീവ്, ബില്ലിങ് സ്റ്റാഫ്, കാഷ്യർ, സൂപർവൈസർ, ഫ്ളോർ ഇൻ ചാർജ്, സി.ആർ.ഇ ഒഴിവുകളാണുള്ളത്. രജിസ്റ്റർ ചെയ്യാൻ https://forms.gle/kA3JUPiHrDCA5KDA6 . ഫോൺ: 9495999658.

ജില്ലാ പഞ്ചായത്തിന് കീഴിൽ കുറുവ ഗ്രാമപഞ്ചായത്തിലെ ചട്ടിപ്പറമ്പ് റിഹാബിലിറ്റേഷൻ സെന്ററിലേക്ക് ദിവസ വേതനത്തിന് ഫിസിയോതെറാപ്പിസ്റ്റിനെ നിയമിക്കുന്നു. ജില്ലയിൽ സ്ഥിരതാമസമുള്ളവരും ബി പി ടി/എം പി ടി യോഗ്യതയുള്ളവരും 18-40 നും ഇടയിൽ പ്രായമുള്ള ഉദ്യോഗാർത്ഥികൾ ബന്ധപ്പെട്ട സർട്ടിഫിക്കറ്റുകൾ സഹിതം ഏപ്രിൽ 29ന് രാവിലെ 11. 30ന് ജില്ലാ പഞ്ചായത്തിൽ നടക്കുന്ന അഭിമുഖത്തിന് ഹാജരാവണം. ഫോൺ: 0483 2734933.

പെരിന്തൽമണ്ണ ജില്ലാ ആശുപത്രിയിലെ പാലിയേറ്റീവ് ട്രെയിനിംഗ് സെന്ററിൽ ഒന്നര മാസത്തെ തിയറി, പ്രാക്ടിക്കൽ സഹിതമുള്ള ബി.സി.സി.പി.എൻ (ബേസിക് സർട്ടിഫിക്കറ്റ് കോഴ്‌സ് ഇൻ പാലിയേറ്റീവ് കെയർ നഴ്‌സിങ്) കോഴ്‌സിന് അപേക്ഷ ക്ഷണിച്ചു. ജി.എൻ.എം/ബി.എസ്.സി-എം.എസ്.സി നഴ്‌സിങ് കോഴ്‌സ് വിജയമാണ് യോഗ്യത. നിലവിൽ സർക്കാർ/സ്വകാര്യ മേഖലയിൽ ജോലി ചെയ്യുന്നവർക്കും അപേക്ഷിക്കാം. 5000 രൂപയാണ് കോഴ്‌സ് ഫീസ്.  താത്പര്യമുള്ള വ്യക്തികൾ ഏപ്രിൽ 29ന് രാവിലെ 11ന് പെരിന്തൽമണ്ണ പാലിയേറ്റീവ് ട്രെയിനിംഗ് സെന്ററിൽ നടക്കുന്ന കൂടികാഴ്ചയിൽ അസ്സൽ സർട്ടിഫിക്കറ്റ് സഹിതം ഹാജരാകണം. ഫോൺ: 9400084317, 8589995872.

സംസ്ഥാന സർക്കാർ സ്ഥാപനമായ സി-ആപ്റ്റും സാങ്കേതിക വിദ്യാഭ്യാസവകുപ്പും സംയുക്തമായി 2025-26 അദ്ധ്യയന വർഷം സി-ആപ്റ്റിന്റെ കോഴിക്കോട് സബ്സെന്ററിൽ നടത്തുന്ന ഒരു വർഷം ദൈർഘ്യമുള്ള പി.എസ്.സി അംഗീകാരമുള്ള കെ.ജി.ടി.ഇ പ്രീ-പ്രസ്സ് ഓപ്പറേഷൻ, പ്രസ്സ് വർക്ക്,  പോസ്റ്റ് പ്രസ്സ് ഓപ്പറേഷൻ ആന്റ് ഫിനിഷിംഗ് എന്നീ തൊഴിലധിഷ്ഠിത കോഴ്സുകളിലേക്ക് എസ്.എസ്.എൽ.സി പാസായവർക്ക് മെയ് 20 വരെ അപേക്ഷിക്കാം. പട്ടികജാതി/പട്ടികവർഗ്ഗ/ഒ.ഇ.സി,ഒ.ബി.സി/എസ്.ഇ.ബി.സി/മുന്നോക്ക സമുദായങ്ങളിലെ സാമ്പത്തികമായി പിന്നോക്കം നിൽക്കുന്ന വിദ്യാർത്ഥികൾ എന്നിവർക്ക് നിയമാനുസ്യതമായ ഫീസ് ആനുകൂല്യവും സ്‌റ്റൈപ്പന്റും ലഭിക്കും.

സര്‍ക്കാര്‍ സ്ഥാപനമായ എല്‍.ബി.എസ് സെന്ററിന്റെ മഞ്ചേരി ഉപകേന്ദ്രത്തില്‍ ഏപ്രില്‍ മാസം ആരംഭിച്ച ആറ് മാസം ദൈര്‍ഘ്യമുള്ള ഡി.സി.എ(എസ്), നാല് മാസം ദൈര്‍ഘ്യമുള്ള ഡി.ഇ.ഒ.എ കോഴ്‌സുകളിലെ ഒഴിവുള്ള സീറ്റുകളിലേക്ക് അപേക്ഷ ക്ഷണിച്ചു. പത്താം തരം യോഗ്യതയുള്ളവര്‍ക്ക് ഡി.ഇ.ഒ.എ കോഴ്‌സിനും പ്ലസ്ടു യോഗ്യതയുള്ളവര്‍ക്ക് ഡി.സി.എ(എസ്) കോഴ്സിനും ചേരാം. പട്ടികജാതി/പട്ടികവര്‍ഗ്ഗ/ഒ.ഇ.സി വിദ്യാര്‍ത്ഥികള്‍ക്ക് കോഴ്‌സ് ഫീസ്  സൗജന്യമാണ്. വിശദവിവരങ്ങള്‍ക്ക് എല്‍.ബി.എസ് സബ് സെന്റര്‍, ഐ.ജിബി.ടി ബസ് സ്റ്റാന്റ് കച്ചേരിപ്പടി എന്ന വിലാസത്തിലോ 9846091962, 9947488616 എന്ന നമ്പറിലോ ബന്ധപ്പെടാം.

സംസ്ഥാന സര്‍ക്കാര്‍ സ്ഥാപനമായ കേരള സ്റ്റേറ്റ് റൂട്രോണിക് തിരുവനന്തപുരം, ആറ്റിങ്ങല്‍ അംഗീകൃത പഠനകേന്ദ്രങ്ങളിലേക്ക് ഒരുവര്‍ഷം ദൈര്‍ഘ്യമുള്ള പ്രൊഫഷണല്‍ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്ട്രേഷന്‍ കോഴ്സിലേക്ക് ഇന്റ്റേണ്‍ഷിപ്പോടുകൂടി റഗുലര്‍, പാര്‍ട്ട് ടൈം ബാച്ചുകളിലേക്ക് പ്ലസ് ടു കഴിഞ്ഞവരില്‍ നിന്നും അപേക്ഷ ക്ഷണിച്ചു. ഫോണ്‍: 7994926081.

നിലമ്പൂർ  ഉപതിരഞ്ഞെടുപ്പുമായി ബന്ധപ്പെട്ട് പ്രത്യേക സംക്ഷിപ്ത വോട്ടർ പട്ടിക പുതുക്കൽ ഇലക്ടറൽ റോൾ ഒബ്സർവ്വറായ ജീവൻ ബാബു ജില്ലയിൽ സന്ദർശനം നടത്തി. പെരിന്തൽമണ്ണ സബ് കളക്ടറുടെ ഓഫീസിൽ സബ് കളക്ടർ, ഇലക്ഷൻ ഡെപ്യൂട്ടി കളക്ടർ, ഇലക്ടറൽ രജിസ്‌ട്രേഷൻ ഓഫീസർ എന്നിവരുമായി ചർച്ച നടത്തി. തുടർന്ന് ബ്ലോക്ക് പഞ്ചായത്ത് കോൺഫറൻസ് ഹാളിൽ  അംഗീകൃത രാഷ്ട്രീയ പാർട്ടി പ്രതിനിധികളുടെ യോഗം ചേർന്നു.
 

ലഹരിക്കെതിരെ സമൂഹം ഒന്നിക്കണമെന്നും കൂട്ടായ്മയാണ് വേണ്ടതെന്നും മുഖ്യമന്ത്രി പിണറായി വിജയന്‍. ലഹരി വേണ്ട എന്ന് പറയാനുള്ള ആര്‍ജവം യുവതലമുറ നേടണം. പൊതുസമൂഹത്തിന്റെ പൂര്‍ണ പിന്തുണ ഇതിനാവശ്യമാണ്. രണ്ടാം പിണറായി വിജയന്‍ സര്‍ക്കാരിന്റെ നാലാം വാര്‍ഷികത്തോടനുബന്ധിച്ച് നടന്ന പത്തനംതിട്ട ജില്ലാതല സംവാദത്തില്‍ സംസ്ഥാന പാഠപുസ്തക നിര്‍മാണ സമിതി അംഗം ഡോ. അജിത് ആര്‍ പിള്ളയുടെ കുട്ടികളിലെ ലഹരി ഉപയോഗത്തിനെതിരെ എന്ത് നടപടിയാണ് സര്‍ക്കാര്‍ സ്വീകരിക്കുകയെന്ന ചോദ്യത്തിന് മറുപടി പറയുകയായിരുന്നു മുഖ്യമന്ത്രി.