അറ്റകുറ്റപ്പണികൾ നടക്കുന്നതിനാൽ ഏപ്രിൽ 25ന് രാവിലെ എട്ട് മുതൽ 26ന് വൈകീട്ട് ആറ് വരെ എടരിക്കോട് 110 കെ.വി സബ്‌സ്റ്റേഷനിൽ നിന്നുള്ള എല്ലാ 11 കെ.വി ഫീഡറുകളിലും  ഭാഗികമായി വൈദ്യുതി തടസ്സപ്പെടുമെന്ന് കെ.എസ്.ഇ.ബി അധികൃതർ അറിയിച്ചു.

തൃക്കലങ്ങോട്-വണ്ടൂർ-കാളികാവ് റോഡിൽ കോഴിപറമ്പിനും ഏറിയാട് കാളപൂട്ടുകണ്ടത്തിനുമിടയിൽ ടാറിംഗ് പ്രവൃത്തികൾ നടക്കുന്നതിനാൽ ഇന്ന് (ഏപ്രിൽ 23) മുതൽ പ്രവൃത്തി തീരുന്നതുവരെ ഗതാഗതം പൂർണ്ണമായി നിരോധിച്ചു. മഞ്ചേരിയിൽ നിന്നും വണ്ടൂർ ഭാഗത്തേക്ക് പോകുന്ന വാഹനങ്ങൾ തിരുവാലി -കോട്ടാല -കമ്പനിപ്പടി വഴിയും വണ്ടൂരിൽ നിന്ന് മഞ്ചേരിയിലേക്ക് പോകുന്ന വാഹനങ്ങൾ എളങ്കൂർ വഴിയും പോകേണ്ടതാണെന്ന് എക്‌സിക്യൂട്ടീവ് എഞ്ചിനിയർ അറിയിച്ചു.

വൈബ്രന്റ് വില്ലേജ് പ്രോഗ്രാമിന് അപേക്ഷിക്കാം

കൊയിലാണ്ടി നഗരസഭയില്‍ കുടുംബശ്രീ അരങ്ങ് കലോത്സവത്തിന് തുടക്കമായി. സി.ഡി.എസ് യൂണിറ്റുകളില്‍ നിന്നുള്ള കടുംബശ്രീ അംഗങ്ങളും കുടുംബാംഗങ്ങളുമാണ് മത്സരങ്ങളില്‍ പങ്കെടുക്കുന്നത്. രചന മത്സരങ്ങള്‍ക്ക് പുറമെ നാടന്‍പാട്ട്, ലളിതഗാനം, മാപ്പിളപ്പാട്ട്, കവിത പാരായണം തുടങ്ങിയ ഇനങ്ങളിലും മത്സരമുണ്ട്. വിജയികള്‍ക്ക് ബ്ലോക്ക്, ജില്ലാതല മത്സരങ്ങളില്‍ പങ്കെടുക്കാം. 

ഭൗമ-സൂര്യ നിരീക്ഷണത്തിലൂടെ നിഴലില്ലാ ദിനത്തിലെ അപൂര്‍വ ചിത്രങ്ങള്‍ പകര്‍ത്തി കുട്ടിശാസ്ത്രജ്ഞര്‍. പൊതുവിദ്യാഭ്യാസ വകുപ്പിന്റെ സഹകരണത്തോടെ ഗ്രീന്‍ ക്ലീന്‍ കേരള മിഷന്‍, ഗിഫ്റ്റഡ് ചില്‍ഡ്രന്‍സ് പ്രോഗ്രാം, സയന്‍സ് ക്ലബ് എന്നിവ ചേര്‍ന്നാണ് ഏപ്രില്‍ 11 മുതല്‍ 22 വരെ കേരളത്തിലെ 14 ജില്ലകളില്‍നിന്നും വിദ്യാര്‍ഥികളും അധ്യാപകരും ചേര്‍ന്ന് ചിത്രങ്ങള്‍ പകര്‍ത്തിയത്.

ഗ്രാമീണ ഭവനങ്ങളില്‍ പൈപ്പിലൂടെ കുടിവെള്ളം ലഭ്യമാക്കുന്ന ജല്‍ ജീവന്‍ മിഷന്‍ പദ്ധതിയില്‍ ഒമ്പത് വര്‍ഷത്തിനിടെ ജില്ലയില്‍ നല്‍കിയത് മൂന്ന് ലക്ഷത്തോളം കണക്ഷനുകള്‍. പദ്ധതിയുടെ ഒന്നാംഘട്ടം ജില്ലയില്‍ പൂര്‍ത്തിയാകുമ്പോള്‍ 2,84,750 കണക്ഷനുകളാണ് ജല അതോറിറ്റി നല്‍കിയത്. ജലശുദ്ധീകരണശാലകളുടെ പ്രവൃത്തി പൂര്‍ത്തീകരിക്കുന്നതോടെ എല്ലാ പഞ്ചായത്തുകളിലെയും മുഴുവന്‍ വീടുകളിലും വിതരണ ശൃഖല സ്ഥാപിച്ച് ശുദ്ധമായ കുടിവെള്ളം ലഭ്യമാക്കാനാകും. ജല്‍ ജീവന്‍ മിഷന്‍ പദ്ധതി പ്രകാരം 5,26,159 ഗാര്‍ഹിക കുടിവെള്ള കണക്ഷനുകള്‍ നല്‍കാന്‍ 4508.95 കോടി രൂപയുടെ ഭരണ, സാങ്കേതിക അനുമതികളാണ് ലഭിച്ചത്.

എലത്തൂർ നിയോജക മണ്ഡലത്തിലെ ചിറ്റടിക്കടവ് പാലത്തിന് 9.20 കോടി രൂപയുടെ ഭരണാനുമതി ലഭിച്ചതായി വനം വന്യജീവി സംരക്ഷണ വകുപ്പ് മന്ത്രി എ കെ ശശീന്ദ്രൻ അറിയിച്ചു.  കോർപ്പറേഷനിലെ മൊകവൂരിനെയും കക്കോടി ഗ്രാമപഞ്ചായത്തിനെയും ബന്ധിപ്പിക്കുന്ന പാലം യാഥാർത്ഥ്യമാകുന്നതോടെ ജനങ്ങളുടെ ഗതാഗത പ്രശ്നത്തിന് പരിഹാരമാകും. പ്രദേശവാസികളുടെ ചിരകാല ആവശ്യമായിരുന്നു ചിറ്റടിക്കടവ് പാലം. സാങ്കേതിക നടപടികൾ പൂർത്തിയാക്കി പാലം നിർമ്മാണം വേഗത്തിലാക്കുമെന്ന് മന്ത്രി അറിയിച്ചു.
 

കോഴിക്കോട് ബ്ലോക്ക് പഞ്ചായത്തിലെ ഒളവണ്ണ കുടുംബാരോഗ്യ കേന്ദ്രത്തിൽ ഐസൊലേഷൻ വാർഡ് പ്രവൃത്തി ഉദ്ഘാടനം പി ടി എ റഹീം എംഎൽഎ നിർവഹിച്ചു. 1.75 കോടി രൂപ ചിലവിലാണ് നിർമാണം. 

ബ്ലോക്ക് പഞ്ചായത്ത് പ്രസിഡൻ്റ് ടികെ ശൈലജ അധ്യക്ഷത വഹിച്ചു. സ്ഥിരം സമിതി അധ്യക്ഷരായ സജിത പൂക്കാടൻ, രവീന്ദ്രൻ പറശ്ശേരി, ബ്ലോക്ക് മെമ്പർമാരായ കെ പുഷ്പലത, സുജിത് കാത്തോളി, പഞ്ചായത്ത് മെമ്പർ കാദർ എന്നിവർ സംസാരിച്ചു. സ്ഥിരം സമിതി അധ്യക്ഷ റംല പുത്തലത്ത് സ്വാഗതവും മെഡിക്കൽ ഓഫീസർ ഡോ. സിന്ധു കല നന്ദിയും പറഞ്ഞു.
 

പരിസ്ഥിതി, വനം വന്യജിവി സംരക്ഷണ ആശയങ്ങള്‍ കുട്ടികളില്‍ വളര്‍ത്തിയെടുക്കുന്നതിനായി കേരള വനം വകുപ്പ് സംഘടിപ്പിക്കുന്ന പരിസ്ഥിതി പഠന ക്യാമ്പ് ' ജംഗിള്‍ ബെല്‍സ് ' മെയ് 14 മുതല്‍ 17 വരെ തിരുവനന്തപുരത്ത് നടക്കും. എട്ടു മുതല്‍ പതിനൊന്നാം ക്ലാസ് വരെയുള്ള കുട്ടികള്‍ക്കായാണ് ക്യാമ്പ്.

വനം, പരിസ്ഥിതി, കാലാവസ്ഥ എന്നിവ പഠന ക്ലാസിന്റെ ഭാഗമാകും. കൂടാതെ കുട്ടികള്‍ക്കായി ട്രക്കിംഗ്, സര്‍വേ, വനം സന്ദര്‍ശനം, കലാപരിപാടികള്‍ എന്നിവ ഒരുക്കിയിട്ടുണ്ട്.  വനം വകുപ്പുദ്യോഗസ്ഥര്‍, പരിസ്ഥിതി പ്രവര്‍ത്തകര്‍, അധ്യാപകര്‍, വിഷയ വിദഗ്ധർ എന്നിവര്‍ നേതൃത്വം നല്‍കും.