പൊതുമേഖലാ സ്ഥാപനങ്ങൾക്ക് പ്രാധാന്യം നൽകി അവയെ ശക്തിപ്പെടുത്തുന്നതിനുള്ള സർക്കാർ ഇടപെടലുകൾ ലക്ഷ്യം കണ്ടതായി മുഖ്യമന്ത്രി പിണറായി വിജയൻ. കൃത്യമായ പ്രവർത്തനങ്ങളിലൂടെയും ആവശ്യമായ നടപടികളിലൂടെയും മുൻപ് നഷ്ടത്തിലായിരുന്ന പൊതുമേഖലാ സ്ഥാപനങ്ങളെ ലാഭത്തിലാക്കാൻ കഴിഞ്ഞു. 1,000 കോടി രൂപയുടെ വിറ്റുവരവ് ഉണ്ടാകുന്ന കമ്പനികളുടെ ഗണത്തിലേക്ക് കടന്ന കെൽട്രോൺ അനന്തമായ വികസന സാധ്യതകളുള്ള കെ എം എം എൽ ഉൾപ്പടെയുള്ള സ്ഥാപനങ്ങൾ മികച്ച മാതൃകകളാണ്. ആസൂത്രണ സാമ്പത്തികകാര്യ വകുപ്പ് ഹോട്ടൽ ഹൈസിന്തിൽ സംഘടിപ്പിച്ച പൊതുമേഖലാ സ്ഥാപനങ്ങളുടെ ശാക്തീകരണ ശില്പശാലയുടെ സമാപന യോഗം ഉദ്ഘാടനം ചെയ്യുകയായിരുന്നു മുഖ്യമന്ത്രി.

       തിരുവനന്തപുരത്തെ എയ്ഡഡ് സ്കൂളുകളിൽ ഭിന്നശേഷി ഉദ്യോഗാർഥികൾക്കായി സംവരണം ചെയ്ത അധ്യാപക തസ്തികകളിലേക്ക് അപേക്ഷ ക്ഷണിച്ചു. വിവിധ വിഭാഗങ്ങളിലായി 7 ഒഴിവുകളുണ്ട്. താഴെ പറയുന്ന തസ്തികകളിലേക്കാണ് അപേക്ഷ ക്ഷണിച്ചത്.

       എൽ.പി.എസ്.ടി (കാഴ്ചപരിമിതി – 1, കേൾവി പരിമിതി - 1), യു.പി.എസ്.ടി (കേൾവി കുറവ് - 2), ജൂനിയർ ലാംഗ്വേജ് ടീച്ചർ ഹിന്ദി (കാഴ്ചപരിമിതി - 1), എച്ച്.എസ്.ടി ഗണിതം (കേൾവി കുറവ് - 1), എച്ച്.എസ്.ടി ഫിസിക്കൽ സയൻസ് (കാഴ്ച പരിമിതി - 1).

       കേരള സ്റ്റേറ്റ് സിവിൽ സർവീസ് അക്കാദമിയുടെ വിവിധ പരിശീലന പദ്ധതികളിൽ പങ്കെടുത്ത് 2024 ലെ സിവിൽ സർവീസ് പരീക്ഷയിൽ വിജയികളായ വിദ്യാർഥികളുമായി ഉന്നത വിദ്യാഭ്യാസ മന്ത്രി ഡോ. ആർ ബിന്ദു ആശയവിനിമയം നടത്തും. ഏപ്രിൽ 26 ന് ഉച്ചക്ക് 2 മണിക്ക് കേരള സ്റ്റേറ്റ് സിവിൽ സർവീസ് അക്കാദമിയുടെ പ്ലാമൂട്, ചാരാച്ചിറിയിലുള്ള ക്യാമ്പസിലാണ് പരിപാടി.

പി.എൻ.എക്സ് 1749/2025

ഐഎസ്ആർഒ മുൻ ചെയർമാൻ ഡോ. കെ കസ്തൂരിരംഗന്റെ നിര്യാണത്തിൽ മുഖ്യമന്ത്രി പിണറായി വിജയൻ അനുശോചനം രേഖപ്പെടുത്തി. ദീർഘകാലം ഐഎസ്ആർഒ-യുടെ ചെയർമാൻ പദവി അലങ്കരിച്ച അദ്ദേഹം ഇന്ത്യയുടെ ബഹിരാകാശ ഗവേഷണങ്ങളേയും പര്യവേക്ഷണങ്ങളേയും പുതിയ ഉയരങ്ങളിലേയ്ക്ക് നയിച്ചു. രാജ്യസഭാംഗം, ആസൂത്രണ കമ്മീഷൻ അംഗം, ബഹിരാകാശ വകുപ്പ് സെക്രട്ടറി എന്നിങ്ങനെ വിവിധ ഉത്തരവാദിത്തങ്ങളിലൂടെ രാജ്യത്തിന്റെ പുരോഗതിയ്ക്കായി നിരവധി സംഭാവനകൾ കസ്തൂരിരംഗൻ നൽകി. അദ്ദേഹത്തിന്റെ വിയോഗം രാജ്യത്തിന്റെ വൈജ്ഞാനികമേഖലയെ സംബന്ധിച്ചിടത്തോളം വലിയ നഷ്ടമാണ്.

കശ്മീരിലെ പഹൽഗാമിലുണ്ടായ ഭീകരാക്രമണത്തിൽ കൊല്ലപ്പെട്ട ഇടപ്പള്ളി സ്വദേശി എൻ. രാമചന്ദ്രന് നാടിന്റെ വിട. ഇടപ്പള്ളി പൊതു ശ്മശാനത്തിൽ ഔദ്യോഗിക ബഹുമതികളോടെ അദ്ദേഹത്തിന്റെ സംസ്കാരം നടത്തി.

പാറക്കടവ് ബ്ലോക്ക് പഞ്ചായത്തിൻ്റെ നേതൃത്വത്തിൽ ജൈവവൈവിധ്യ മെഗാ ക്വിസ് മത്സരം സംഘടിപ്പിച്ചു. ഹരിത കേരള മിഷൻ സംസ്ഥാന വ്യാപകമായി സംഘടിപ്പിക്കുന്ന ജൈവവൈവിധ്യ വിജ്ഞാനോത്സവം നീലകുറിഞ്ഞി 2025 ൻ്റെ ഭാഗമായി സംഘടിപ്പിച്ച ബ്ലോക്ക്തല ക്വിസ് മത്സരം ബ്ലോക്ക് പഞ്ചായത്ത് പ്രസിഡൻ്റ് ടി വി പ്രദീഷ് ഉദ്ഘാടനം ചെയ്തു. പാറക്കടവ് ബ്ലോക്ക് പരിധിയിലെയും ആലുവ മുൻസിപ്പൽ പ്രദേശത്തേയും ഏഴ് എട്ട് ഒമ്പത് ക്ലാസുകളിലെ വിദ്യാർത്ഥികളാണ് മത്സരത്തിൽ പങ്കെടുത്തത്. ആലുവ വിദ്യാധിരാജ വിദ്യാഭവൻ എച്ച് എസ് എസിലെ വിദ്യാർത്ഥികളായ എസ്.അഭിനവ് ഒന്നാം സ്ഥാനവും, എം.ബി.ദർശന രണ്ടാം സ്ഥാനവും കരസ്ഥമാക്കി.

രണ്ടാം പിണറായി വിജയന്‍ മന്ത്രിസഭയുടെ നാലാം വാര്‍ഷിക ആഘോഷങ്ങള്‍ മെയ് ആറു മുതല്‍ 12 വരെ ജില്ലയില്‍ കലാ-സാംസ്‌കാരിക പരിപാടികളോടെ വിപുലമായി ആഘോഷിക്കുകയാണ്.  ഇതിന്റെ ഭാഗമായി എന്റെ കേരളം പ്രദര്‍ശന വിപണനമേള ആലപ്പുഴ ബീച്ചില്‍ നടക്കും. എല്ലാ ദിവസവും രാവിലെയും ഉച്ചയ്ക്ക് ശേഷവും വിവിധ വിഷയങ്ങളിലുള്ള സെമിനാറുകളും വൈകിട്ട് കലാപരിപാടികളും സംഘടിപ്പിക്കും. മേളയിലേക്കുള്ള പ്രവേശനം സൗജന്യമായിരിക്കും.

ആലപ്പുഴ മുനിസിപ്പാലിറ്റിയില്‍ തിരുവമ്പാടിയില്‍ പ്രവര്‍ത്തിച്ചു വരുന്ന ഇന്‍ലാന്‍ഡ് നാവിഗേഷന്‍ ആന്‍ഡ് കുട്ടനാട് പാക്കേജ് ചീഫ് എഞ്ചിനീയറുടെ കാര്യാലയം മെയ് രണ്ടുമുതല്‍ ശ്രീവത്സം ബില്‍ഡിംഗ്, ജില്ലാ കോടതി വാര്‍ഡ്, കിടങ്ങാംപറമ്പ് എന്ന കെട്ടിടത്തിലേക്ക് മാറി പ്രവര്‍ത്തനം അരംഭിക്കുന്നതാണെന്ന് ചീഫ് എഞ്ചിനീയര്‍ അറിയിച്ചു.

(പിആര്‍/എഎല്‍പി/11 55)

ആര്യാട് ബ്ലോക്ക് പഞ്ചായത്ത് കോമ്പൗണ്ടില്‍ പ്രവര്‍ത്തിക്കുന്ന എസ്.ബി.ഐയുടെ ഗ്രാമീണ സ്വയം തൊഴില്‍ പരിശീലന കേന്ദ്രത്തില്‍ 14 ദിവസത്തെ ആഭരണ നിര്‍മ്മാണ പരിശീലന പരിപാടി സംഘടിപ്പിക്കുന്നു. പങ്കെടുക്കാന്‍ താല്‍പര്യമുള്ള 18 നും 45 നും മദ്ധ്യേ പ്രായമുള്ളവര്‍ മെയ് മൂന്നിന് രാവിലെ 10.30ന് പരിശീലന കേന്ദ്രത്തില്‍ നടക്കുന്ന ഇന്റര്‍വ്യൂവിന് ഹാജരാകണം. ഫോണ്‍: 8330011815
പിആര്‍/എഎല്‍പി/11 54)

മാവേലിക്കര ഐച്ച്ആര്‍ഡിയുടെ കോളേജ് ഓഫ് അപ്ലൈഡ് സയന്‍സില്‍ ഫ്രഞ്ച് എ1 ലെവല്‍ കോഴ്സ് ഏപ്രില്‍ 24ന് ആരംഭിച്ചു. താല്പര്യം ഉള്ളവര്‍ ഏപ്രില്‍ 28 നു മുന്‍പ്  അഡ്മിഷന്‍ എടുക്കാന്‍ കോളജ് ഓഫീസുമായി ബന്ധപ്പെടണം. ഫോൺ: 9495069307, 8547005046, 9447032077.

(പിആര്‍/എഎല്‍പി/11 53)