ലേലം ചെയ്യുന്നു

സംസ്ഥാന മന്ത്രിസഭയുടെ രണ്ടാം വാര്‍ഷികാഘോഷത്തിന്റെ ഭാഗമായി സംഘടിപ്പിക്കുന്ന എന്റെ കേരളം പ്രദര്‍ശന വിപണന മേള മേയ് 12 മുതല്‍ 18 വരെ പത്തനംതിട്ട ജില്ലാ സ്റ്റേഡിയത്തില്‍ നടത്തുന്നതിന് ആരോഗ്യമന്ത്രി വീണാ ജോര്‍ജിന്റെ അധ്യക്ഷതയില്‍ കളക്ടറേറ്റ് കോണ്‍ഫറന്‍സ് ഹാളില്‍ ചേര്‍ന്ന യോഗം തീരുമാനിച്ചു. പ്രദര്‍ശന വിപണ മേള പൊതുജനങ്ങള്‍ക്ക് ഉപകാര പ്രദമായ രീതിയില്‍ സംഘടിപ്പിക്കണമെന്ന് മന്ത്രി വീണാ ജോര്‍ജ് പറഞ്ഞു. ജനപങ്കാളിത്തം ഉറപ്പു വരുത്തുന്നതിനോടൊപ്പം ജനങ്ങള്‍ക്ക് അര്‍ഹതപ്പെട്ട ആനുകൂല്യങ്ങള്‍ ലഭ്യമാക്കുന്നതിനും വഴിയൊരുക്കണം.

പൊതു വിദ്യാലയങ്ങളിലെ ഐ ടി അധിഷ്ഠിത പഠനത്തിന്റെ സാധ്യതകൾ പരിശോധിച്ച് പുതിയ പദ്ധതി രൂപീകരിക്കുന്നതിനുള്ള സ്കൂൾ ഐ ടി കോ-ഓർഡിനേറ്റർമാരുടെ ജില്ലാതല ആശയ രൂപീകരണ ശില്പശാല കാരപ്പറമ്പ് ഗവ. എച്ച് എസ് എസ്സിൽ നടന്നു.

പൊതുവിദ്യാഭ്യാസ വകുപ്പിനു വേണ്ടി കേരള ഇൻഫ്രാസ്ട്രക്ചർ ആന്റ് ടെക്നോളജി ഫോർ എഡ്യൂക്കേഷൻ (കൈറ്റ്) ആണ് പദ്ധതിക്ക് നേതൃത്വം നൽകുന്നത്. പ്രവർത്തനാസൂത്രണത്തിന്റെ ഭാഗമായി ഐ ടി അധിഷ്ഠിത പഠനവുമായി ബന്ധപ്പെട്ട മേഖലകളെ കുറിച്ച് സ്കൂൾ ഐടി കോർഡിനേറ്റർമാരിൽ നിന്നും അഭിപ്രായ ശേഖരണം നടത്തിയിരുന്നു. 

കേരള തീരത്ത് ഏപ്രിൽ 12 രാത്രി 11.30 വരെ 0.5 മുതല്‍ 1.0 മീറ്റര്‍ വരെ ഉയര്‍ന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്നും ആയതിന്റെ വേഗത സെക്കൻ്റിൽ 5 - 25 സെൻ്റിമീറ്റർ വരെ മാറിവരുവാൻ സാധ്യതയുണ്ടെന്നും ദേശീയ സമുദ്രസ്ഥിതിപഠന ഗവേഷണ കേന്ദ്രം.  ഈ സാഹചര്യത്തില്‍ മത്സ്യത്തൊഴിലാളികള്‍ക്കും തീരദേശവാസികള്‍ക്കും സംസ്ഥാന ദുരന്തനിവാരണ അതോറിറ്റി ജാഗ്രതാ നിര്‍ദേശം നല്‍കി. മത്സ്യബന്ധന യാനങ്ങളുടെയും ഉപകരണങ്ങളുടെയും സുരക്ഷ ഉറപ്പാക്കണമെന്നും ബീച്ചിലേയ്ക്കുള്ള യാത്രകളും കടലില്‍ ഇറങ്ങിയുള്ള വിനോദങ്ങളും പൂര്‍ണമായും ഒഴിവാക്കണമെന്നും മുന്നറിയിപ്പുണ്ട്.

നെടുമങ്ങാട് സര്‍ക്കാര്‍ ടെക്‌നിക്കല്‍ ഹൈസ്‌കൂളില്‍ എട്ടാം ക്ലാസിലെ പ്രവേശനം 18ന് ആരംഭിക്കും. വിവരങ്ങള്‍ക്ക് 9446686362, 04722812686

കോഴിക്കോട് നോർത്ത് നിയോജക മണ്ഡലത്തിന് കീഴിലെ വില്ലേജുകളിലേക്കും താലൂക്ക് ഓഫീസിലേക്കും കമ്പ്യൂട്ടറുകളും പ്രിന്ററുകളും സ്കാനറും വിതരണം ചെയ്തു. തോട്ടത്തിൽ രവീന്ദ്രൻ എം എൽ എ വിതരണോദ്ഘാടനം നിർവഹിച്ചു. എം എൽ എയുടെ പ്രാദേശിക വികസന നിധിയിൽ നിന്നും 10 ലക്ഷം രൂപ ചെലവഴിച്ചാണ് കമ്പ്യൂട്ടറുകളും പ്രിന്ററുകളും സ്കാനറും നൽകിയത്.

മണ്ഡലത്തിലെ കച്ചേരി, വെങ്ങേരി, കസബ, ചേവായൂർ, ചെലവൂർ, കോട്ടൂളി, പുതിയങ്ങാടി എന്നീ വില്ലേജുകളിലേക്കാണ് ഉപകരണങ്ങൾ നൽകിയത്. ചടങ്ങിൽ മികച്ച വില്ലേജ് ഓഫീസർക്കുള്ള സംസ്ഥാന സർക്കാറിന്റെ പുരസ്കാരം ലഭിച്ച പെരുവയൽ വില്ലേജ് ഓഫീസർ വി.കെ അനിൽകുമാറിനെ അനുമോദിച്ചു.

മേപ്പയൂർ ഗ്രാമപഞ്ചായത്ത് കൃഷിഭവന്റെ നേതൃത്വത്തിൽ കൃഷിയിടാധിഷ്ഠിത ആസൂത്രണ പദ്ധതിയിൽ ഉൾപ്പെട്ട ഒമ്പത് നോൺ ഐ.എഫ്.എസ് കർഷകർക്ക് പഴവർഗ്ഗ തൈകളും ഇടവിള കിറ്റുകളും വിള സംരക്ഷണ ഉപാധികളും വിതരണം ചെയ്തു. വിതരണോദ്ഘാടനം പഞ്ചായത്ത് പ്രസിഡന്റ് കെ.ടി രാജൻ കർഷകനായ നാരായണൻ കാളിന്ദിയ്ക്ക് നൽകി നിർവഹിച്ചു. 

ചടങ്ങിൽ കൃഷി ഓഫീസർ ടി.എൻ അശ്വിനി അധ്യക്ഷത വഹിച്ചു. വി.കുഞ്ഞിരാമൻ കിടാവ്, മൊയ്തീൻ കമ്മന എന്നിവർ സംസാരിച്ചു. തുടർന്ന് പദ്ധതിയിൽ ഉൾപ്പെട്ട കർഷകർക്ക് കിറ്റുകൾ വിതരണം ചെയ്തു. കൃഷി അസിസ്റ്റന്റുമാരായ എസ്.സുഷേണൻ സ്വാഗതവും സി.എസ് സ്നേഹ നന്ദിയും പറഞ്ഞു.

ബോധവൽക്കരണ ക്യാമ്പ്