*നവീകരിച്ച തൊടുപുഴ പുളിയന്‍മല റോഡ് ഉദ്ഘാടനം ചെയ്തു

കേരള ഇൻസ്റ്റിറ്റ്യൂട്ട് ഓഫ് ലേബർ ആൻഡ് എംപ്ലോയ്‌മെന്റിന്റെ അക്കാദമിക് വിഭാഗമായ കിലെ ഐ എ എസ് അക്കാദമിയിൽ സിവിൽ സർവീസ് കോച്ചിങ്ങിനു അപേക്ഷ ക്ഷണിച്ചു. തിരുവനന്തപുരത്തു വഞ്ചിയൂരിൽ പ്രവർത്തിക്കുന്ന ഈ സർക്കാർ സ്ഥാപനത്തിൽ പുതിയ ബാച്ച് ജൂൺ 2023  ആദ്യ വാരം ആരംഭിക്കും. പത്തു മാസകാലമാണ് ഈ കോഴ്സിന്റെ കാലാവധി. ഏതെങ്കിലും വിഷയത്തിൽ ബിരുദം അടിസ്ഥാന യോഗ്യത. കേരളത്തിലെ സംഘടിത - അസംഘടിത മേഖലകളിൽ ജോലി ചെയ്യുന്ന തൊഴിലാളികളുടെ ആശ്രിതർക്കാണ് (മക്കൾ / ഭാര്യ / ഭർത്താവ് / സഹോദരി / സഹോദരൻ) ഈ പരിശീലത്തിനു മുൻഗണന. അവർക്കു കുറഞ്ഞ ഫീസും മറ്റു ആനുകൂല്യങ്ങളും ലഭിക്കുന്നതായിരിക്കും.

സ്കോൾ-കേരള മുഖേന നാഷണൽ ആയുഷ് മിഷന്റേയും, സംസ്ഥാന ആയുഷ് വകുപ്പിന്റേയും അംഗീകാരത്തോടെ ആരംഭിക്കുന്ന ഡിപ്ലോമ ഇൻ യോഗിക് സയൻസ് ആന്റ് സ്പോട്സ് യോഗ കോഴ്സ് ഒന്നാം ബാച്ചിലേയ്ക്കുള്ള (2023) പ്രവേശന തീയതികൾ ദീർഘിപ്പിച്ചു. പിഴയില്ലാതെ 20/04/2023 വരെയും 100/രൂപ പിഴയോടെ 27/04/2023 വരെയും ഓൺലൈനായി രജിസ്റ്റർ ചെയ്യാം. മാർഗ്ഗനിർദ്ദേശങ്ങൾക്ക് www.scolekerala.org എന്ന വെബ്സൈറ്റ് സന്ദർശിക്കുക. വിശദവിവരങ്ങൾക്ക് എറണാകുളം ജില്ലാ ഓഫീസിലെ 0484- 2377537, 9447913820 എന്നീ നമ്പറുകളിൽ ബന്ധപ്പെടേണ്ടതാണ്.

പൈനാവ് കേന്ദ്രീയ വിദ്യാലയത്തിലെ 2023-24 അധ്യായന വര്‍ഷത്തേക്കുള്ള ഒന്നാം ക്ലാസ് പ്രവേശനത്തിനുള്ള ഓണ്‍ലൈന്‍ രജിസ്‌ട്രേഷന്‍ ആരംഭിച്ചു. അവസാന തിയ്യതി ഏപ്രില്‍ 17 വൈകുന്നേരം 7:00 മണി. പ്രവേശന വിവരങ്ങള്‍ https://kvonslineadmission.kvs.gov.in എന്ന വെബ്‌സൈറ്റിലും ആന്‍ഡ്രോയിഡ് ആപ്പിലും ലഭ്യമാണ്. ഒന്നാം ക്ലാസ് പ്രവേശനത്തിനുള്ള കുറഞ്ഞ പ്രായം 6 വയസ്സാണ്. രണ്ടാം ക്ലാസ് മുതല്‍ മുകളിലോട്ടുള്ള ക്ലാസ്സുകളിലെ ഒഴിവുകളിലേക്ക് ഓഫ്‌ലൈനായി ഏപില്‍ 12 ന് 4 മണി വരെ രജിസ്‌ട്രേഷന്‍ നടത്താവുന്നതാണ്. വിശദവിവരങ്ങള്‍ക്ക് ഫോണ്‍: 04862-232205, 9495800741, 9446132843. വെബ്സൈറ്റ്: https://painavu.kvs.ac.in

സംസ്ഥാനത്ത് ഊര്‍ജ രംഗത്ത് മികച്ച പ്രവര്‍ത്തനങ്ങള്‍ നടത്തിയവര്‍ക്ക് അക്ഷയ അവാര്‍ഡുകള്‍ നല്‍കുന്നതിന് കേരള സര്‍ക്കാര്‍ അപേക്ഷകള്‍ ക്ഷണിച്ചു. പൊതുസ്ഥാപനങ്ങള്‍, വിദ്യാഭ്യാസ സ്ഥാപനങ്ങള്‍, തദ്ദേശസ്വയംഭരണ സ്ഥാപനങ്ങള്‍, സര്‍ക്കാര്‍ ഇതര സംഘടനകള്‍, ഗവേഷണ സ്ഥാപനങ്ങള്‍, യുവ സംരംഭകര്‍, വാണിജ്യ സംരംഭകര്‍, ചെറുകിട വ്യവസായ സ്ഥാപനങ്ങള്‍ തുടങ്ങി വിവിധ മേഖലകളിലായാണ് സംസ്ഥാന സര്‍ക്കാര്‍ അനെര്‍ട്ട് മുഖേന അവാര്‍ഡുകള്‍ നല്‍കുന്നത്.

കേരള മദ്രസ്സാദ്ധ്യാപക ക്ഷേമനിധി അംഗങ്ങൾക്ക് കേരള സംസ്ഥാന ന്യൂനപക്ഷ ധനകാര്യ വികസന കോർപ്പറേഷൻ മുഖേന നൽകുന്ന പലിശ രഹിത ഭവന വായ്പക്ക് അപേക്ഷ ക്ഷണിച്ചു. രണ്ടര ലക്ഷം രൂപയാണ് വായ്പയായി അനുവദിക്കുക. ഏഴ് വർഷമാണ് തിരിച്ചടവ് കാലാവധി. ക്ഷേമനിധിയിൽ രണ്ട് വർഷം പൂർത്തിയായ അംഗങ്ങൾക്ക് അപേക്ഷിക്കാം. പ്രായം 30 വയസിനും 50 വയസ്സിനും ഇടയിലായിരിക്കണം. അപേക്ഷ ഫോറവും കൂടുതൽ വിവരങ്ങളും www.kmtboard.in വെബ്സൈറ്റിൽ ലഭ്യമാണ്. പൂരിപ്പിച്ച അപേക്ഷയും അനുബന്ധരേഖകളും മെയ് 31 ന് വൈകിട്ട് അഞ്ചിനകം കേരള മദ്രസ്സാദ്ധ്യാപക ക്ഷേമനിധി ഓഫീസിൽ (ചീഫ് എക്സിക്യൂട്ടീവ് ഓഫീസർ, കേരള മദ്രസ്സാദ്ധ്യാപക ക്ഷേമനിധി ബോർഡ്, കെ.യു.ആർ.ഡി.എഫ്.സി.

രണ്ടാം വാര്‍ഷികം പൂര്‍ത്തിയാക്കുന്ന സംസ്ഥാന സര്‍ക്കാരിന്റെ നൂറ്ദിന കര്‍മ്മപരിപാടിയോടനുബന്ധിച്ച് തൊടുപുഴ മണ്ഡലത്തില്‍ നവീകരണം പൂര്‍ത്തിയാക്കിയ റോഡുകളുടെ ഉദ്ഘാടനം മുഖ്യമന്ത്രി പിണറായി വിജയന്‍ ഓണ്‍ലൈനായി നിര്‍വഹിച്ചു. തൊടുപുഴ മൂപ്പില്‍ കടവ് ജംഗ്ഷനില്‍ നടന്ന പ്രാദേശിക ഉദ്ഘാടന ചടങ്ങില്‍ തൊടുപുഴ നഗരസഭ ചെയര്‍മാന്‍ സനീഷ് ജോര്‍ജ് ശിലാഫലകം അനാച്ഛാദനം ചെയ്തു. വെല്ലുവിളികള്‍ തരണം ചെയ്ത് റോഡിന്റെ പുനര്‍നിര്‍മ്മാണം സാധ്യമാക്കിയ പൊതുമരാമത്ത് വകുപ്പിനെയും അതിനു പിന്നില്‍ പ്രവര്‍ത്തിച്ച ഉദ്യോഗസ്ഥരെയും തൊഴിലാളികളെയും നഗരസഭ ചെയര്‍മാന്‍ അഭിനന്ദിച്ചു.

കലൂർ ജവഹർലാൽ നെഹ്റു ഇന്റർ നാഷണൽ സ്റ്റേഡിയത്തിൽ പ്രവർത്തിക്കുന്ന സംസ്ഥാന സർക്കാർ സ്ഥാപനമായ മോഡൽ ഫിനിഷിങ് സ്കൂളിൽ വിദ്യാർത്ഥികൾക്കായി ശാസ്ത്രസാങ്കേതിക വിദ്യയിൽ പ്രഗൽഭരാകുവാനും, നൂതന ആശയങ്ങൾ വളർത്തിയെടുക്കുവാനും ഐ.ഒ.റ്റി ആന്‍റ് റോബോട്ടിക്സ് ( വെബ് ഡിസൈനിങ് തുടങ്ങിയവയിൽ 10 ദിവസം നീണ്ടുനിൽക്കുന്ന സമ്മർ ക്യാമ്പ് ഏപ്രിൽ 24 ന് ആരംഭിക്കുന്നു. കൂടുതൽ വിവരങ്ങൾക്ക് ഫോണ്‍ 0484 2985252.

2022-23 സാമ്പത്തിക വര്‍ഷത്തെ നികുതിപിരിവില്‍ സേനാപതി ഗ്രാമപഞ്ചായത്ത് ജില്ലയില്‍ ഒന്നാം സ്ഥാനം നേടി. പഞ്ചായത്തിന്റെ ചരിത്രത്തിലാദ്യമായാണ് നികുതിപിരിവില്‍ 100 ശതമാനം നേട്ടം കൈവരിച്ചത്. ഇതുവഴി സംസ്ഥാന തലത്തില്‍ 18ാം സ്ഥാനം കരസ്ഥമാക്കാനും സേനാപതി പഞ്ചായത്തിന് സാധിച്ചു. നികുതി പിരിവ് സമയബന്ധിതമായി പൂര്‍ത്തീകരിച്ച ജീവനക്കാരെ ഭരണസമിതി നേതൃത്വത്തില്‍ അനുമോദിച്ചു. ജീവനക്കാരായ സൈദ് കെ ഷമീര്‍, ജയകൃഷ്ണന്‍, ആല്‍ബിന്‍ ജോസഫ് എന്നിവര്‍ക്ക് ഗ്രാമപഞ്ചായത്ത് പ്രസിഡന്റ് തിലോത്തമ സോമന്‍ ഉപഹാരം നല്‍കി.