കായംകുളം ഗവണ്‍മെന്റ് ഐ.ടി.ഐ. പ്ലേസ്‌മെന്റ് സെല്ലിന്റെ ആഭിമുഖ്യത്തില്‍ ഏപ്രില്‍ 19-ന് രാവിലെ ഒമ്പത് മണി മുതല്‍ തൊഴില്‍ മേള നടത്തും. ഐ.ടി.ഐ ട്രേഡുകള്‍ പാസ്സായവര്‍ക്ക് പങ്കെടുക്കാം. േഫാണ്‍ :9496330885, 7403259990, 9947691050. ഇ-മെയില്‍: placementcellitikylm@gmail.com.
 

സര്‍ക്കാര്‍ സ്വയംഭരണ സ്ഥാപനമായ കേരള മീഡിയ അക്കാദമിയുടെ തിരുവനന്തപുരം സെന്ററില്‍ അടുത്ത മാസം തുടങ്ങുന്ന വീഡിയോ എഡിറ്റിങ് സര്‍ട്ടിഫിക്കറ്റ് കോഴ്സിന് അപേക്ഷ ക്ഷണിച്ചു. തിയറിയും പ്രാക്ടിക്കലും ഉള്‍പ്പെടെ ആറു മാസമാണ് കോഴ്സിന്റെ കാലാവധി. 30 പേര്‍ക്കാണ് പ്രവേശനം. നൂതന സോഫ്റ്റ്‌വെയറുകളില്‍ പരിശീലനം നല്‍കും. സര്‍ക്കാര്‍ അംഗീകാരമുള്ള കോഴ്സിന് 30,000 രൂപയാണ് ഫീസ്. പട്ടികജാതി/പട്ടികവര്‍ഗ/ഒ.ഇ.സി. വിദ്യാര്‍ഥികള്‍ക്ക് അര്‍ഹമായ ആനുകൂല്യങ്ങള്‍ ലഭിക്കും.  

 ജില്ലാ സൈനികക്ഷേമ ഓഫീസിനോടനുബന്ധിച്ച് പ്രവര്‍ത്തിക്കുന്ന സൈനിക റെസ്റ്റ്  ഹൗസിലേക്ക് പി.ടി.എസിനെ ആവശ്യമുണ്ട്. താല്‍പര്യമുളള വിമുക്തഭടന്മാരുടെ ആശ്രിതര്‍/പരിസരവാസികള്‍ സൈനികക്ഷേമ ഓഫീസില്‍ നേരിട്ട് ബന്ധപ്പെടണം. ഏപ്രില്‍ 25-ന്  മുന്‍പായി ബന്ധപ്പെടണമെന്ന് ജില്ലാ സൈനിക ക്ഷേമ ഓഫീസര്‍ അറിയിച്ചു. ഫോണ്‍. 0477-2245673.

 ജില്ല വ്യവസായ കേന്ദ്രത്തിലേക്ക് ഔദ്യോഗികാവശ്യത്തിന് ഒരു മാസം 1000 കിലോമീറ്റര്‍ ഓടാന്‍ ഡ്രൈവര്‍ ഇല്ലാത്ത ടാക്‌സി വാഹനങ്ങള്‍ വാടകയ്ക്ക് നല്‍കുന്നതിന് ക്വട്ടേഷന്‍ ക്ഷണിച്ചു. താത്പര്യമുള്ളവര്‍ ഏപ്രില്‍ 20-നകം ക്വട്ടേഷന്‍ നല്‍കണം. 22-ന് രാവിലെ 11-ന് തുറക്കും. ഫോണ്‍: 0477 2241272.

യുവതയുടെ കേരളം എന്ന ആശയവുമായി  ഏപ്രിൽ 17 മുതൽ 23 വരെ  ആലപ്പുഴ ബീച്ചിൽ സംഘടിപ്പിക്കുന്ന  എൻറെ 

ജില്ല അന്ധതാ നിവാരണ സൊസൈറ്റിയും സഞ്ചരിക്കുന്ന നേത്ര വിഭാഗവും ആർ.എച്ച്.റ്റി.സി ചെട്ടികാടും പി. കൃഷ്ണപിള്ള സ്മാരക ട്രസ്റ്റും സംയുക്തമായി സൗജന്യ തിമിര രോഗ നിർണ്ണയ ക്യാമ്പ് സംഘടിപ്പിച്ചു. മണ്ണഞ്ചേരി ഐ.ടി.സി. സ്കിൽ ഡെവലപ്പ്മെന്റ് സെന്റർ ഹാളിൽ നടന്ന ക്യാമ്പ് ജില്ല പഞ്ചായത്ത് അംഗം ആർ. റിയാസ്  ഉദ്‌ഘാടനം ചെയ്തു. ആർ.എച്.ടി.സി. അസിസ്റ്റന്റ് മെഡിക്കൽ ഓഫീസർ ഡോ. എൽ.കെ. ഗായത്രി മുഖ്യപ്രഭാഷണം നടത്തി. നേത്ര രോഗങ്ങളെക്കുറിച്ച് ഡോ. എൻ.എ. നവജീവൻ ക്ലാസ് നയിച്ചു.

ക്യാമ്പിൽ 75പേരെ പരിശോധിച്ചതിൽ 10 തിമിര രോഗികളെ കണ്ടെത്തുകയും 32 പേർക്ക് കണ്ണടകൾക്കായി ശുപാർശ ചെയ്യുകയും ചെയ്തു.

കേരള സ്റ്റേറ്റ് എയ്സ് കണ്‍ട്രോള്‍ സൊസൈറ്റിയുടെ കീഴില്‍ പ്രവര്‍ത്തിക്കുന്ന സീഡ് സുരക്ഷ എം.എസ്.എം പ്രോജക്ടില്‍ മോണിറ്ററിംഗ് ആന്‍ഡ് ഇവാലുവേഷന്‍  കം അക്കൗണ്ട്‌സ് ഓഫീസര്‍(എം.ഇ.എ) ഒഴിവിലേയ്ക്ക് അപേക്ഷ ക്ഷണിച്ചു. മാത്തമാറ്റിക്‌സ്, ഇക്കണോമിക്‌സ്, സ്റ്റാറ്റിസ്റ്റിക്‌സ്, കോമേഴ്‌സ് എന്നി വിഷയങ്ങളിലുള്ള ബിരുദമാണ് യോഗ്യത. അക്കൗണ്ട്‌സ് മേഖലയില്‍ രണ്ട് വര്‍ഷത്തെ മുന്‍പരിചയം അഭികാമ്യം. താത്പര്യമുള്ളവര്‍ seedsuraksha@gmail.com എന്ന മെയിലിലേയ്ക്ക് ഏപ്രില്‍ 15 നകം ബയോഡേറ്റ അയക്കണം. ഷോര്‍ട്ട് ലിറ്റ് ചെയ്ത ഉദ്യോഗാര്‍ത്ഥികളെ ഇന്റര്‍വ്യൂ ഡേറ്റ് അറിയിക്കും. വിവരങ്ങള്‍ക്ക് ഫോൺ: 9747163481.

അമ്പലപ്പുഴ വടക്ക് ഗ്രാമപഞ്ചായത്തിന്റെയും കുടുംബശ്രീ സി.ഡി.എസിന്റെയും നേതൃത്വത്തിലുള്ള വിഷുവിപണന മേള ആരംഭിച്ചു. പഞ്ചായത്ത് അങ്കണത്തില്‍ നടന്ന ചടങ്ങില്‍ പഞ്ചായത്ത് പ്രസിഡന്റ്എസ്. ഹാരീസ് മേള ഉദ്ഘാടനം ചെയ്തു. സെക്രട്ടറി ജി. രാജേന്ദ്രന്‍, സി.ഡി.എസ് ചെയര്‍പേഴ്‌സണ്‍ ലേഖപ്രഭ, വാര്‍ഡ് അംഗങ്ങള്‍, ജീവനക്കാര്‍, കുടുംബശ്രീ പ്രവര്‍ത്തകര്‍ തുടങ്ങിയവര്‍ പങ്കെടുത്തു. 14 വരെയാണ് വിപണന മേള. കണിവയ്ക്കുന്നതിനുള്ള കിറ്റ് വിതരണം ഓര്‍ഡര്‍ അനുസരിച്ച് 14ന് വിതരണം ചെയ്യും.