വയനാട്ടിൽ നിന്നുള്ള വനവിഭവങ്ങൾ എന്റെ കേരളം പ്രദർശന വിപണന മേളയിൽ വിൽപ്പനയ്ക്കായി ഒരുക്കിയിരിക്കുകയാണ് അട്ടപ്പാടി കോ-ഓപ്പറേറ്റീവ് സൊസൈറ്റി. വയനാടിന്റെ തനതായ കാപ്പിപൊടി മുതൽ പുൽതൈലം വരെ നിരവധി ഉത്പന്നങ്ങളാണ് വിൽപനയ്ക്ക് എത്തിയിരിക്കുന്നത്.

ആദിവാസി വിഭാഗങ്ങൾ കാടുകളിൽ നിന്ന് ശേഖരിക്കുന്നതും കൃഷി ചെയ്യുന്നതുമായ സാധനങ്ങൾ സംസ്കരിച്ച് ആകർഷകമായ പാക്കുകളിലായാണ് വിൽപ്പനയ്ക്ക് എത്തിയിരിക്കുന്നത്. സ്വാദിഷ്ടമായ അട്ടപ്പാടി കാപ്പി ,പൊടിയായും കുരുവായും ഇവിടെ നിന്നും വാങ്ങാം.

വിനോദത്തിനൊപ്പം നിരവധി സേവനങ്ങൾ കൂടി പരിചയപ്പെടുത്തി ശ്രദ്ധയാകർഷിക്കുകയാണ് എന്റെ കേരളം പ്രദർശന വിപണന മേളയിലെ കായിക വകുപ്പിന്റെ സ്റ്റാൾ.  കായിക രംഗത്തെ പരിപോഷിപ്പിക്കുന്നതിനായി 
സംസ്ഥാന കായിക വകുപ്പ്‌ നിരവധി പദ്ധതികളും ആനുകൂല്യങ്ങളും സഹായങ്ങളുമാണ്  നടപ്പിലാക്കി വരുന്നത്. അതിന്റെ നേർചിത്രം സ്റ്റാളിൽ നിന്ന് ലഭിക്കും. 

മറൈൻ ഡ്രൈവിൽ ഗിന്നസ് പക്രുവും സംഘവും അരങ്ങ് തകർത്തപ്പോൾ എന്റെ കേരളം മെഗാ പ്രദർശന വിപണന മേളയുടെ സമാപന വേദിയിലേക്ക് ഒഴുകിയെത്തിയത് ആയിരങ്ങൾ. മേളയുടെ സമാപനത്തോടനുബന്ധിച്ച് സംഘടിപ്പിച്ച ഗിന്നസ് പക്രു മെഗാ ഷോയാണ് ആസ്വാദകർക്ക് നവ്യാനുഭവമായി മാറിയത്. പാട്ടും നൃത്തവും തമാശയും സ്കിറ്റുകളും ഒത്തു ചേർന്ന ഷോയ്ക്ക് വലിയ കൈയടിയാണ് ലഭിച്ചത്.

വെങ്ങോല ഗ്രാമ പഞ്ചായത്തിൽ കുറ്റിപാടത്ത് നവീകരിച്ച  എട്ടാം നമ്പർ സ്മാർട്ട്‌ അങ്കണവാടിയുടെ ഉദ്ഘാടനം വാഴക്കുളം ബ്ലോക്ക്‌ പഞ്ചായത്ത് പ്രസിഡന്റ് കെ. എം. അൻവർ അലി നിർവഹിച്ചു. കുട്ടികളുടെ സമഗ്രമായ ശാരീരിക, മാനസിക വികാസത്തിനും പഠന നിലവാരം മെച്ചപ്പെടുത്തുന്നതിനുമാണ് സ്മാർട്ട്‌ അങ്കണവാടികൾ നിർമ്മിക്കുന്നത്.

അഭ്യസ്ത വിദ്യരും തൊഴിൽരഹിതരും വാർഷിക വരുമാനം 2.5 ലക്ഷം രൂപയിൽ താഴെയുള്ളവരും 20 നും 45 നും മദ്ധ്യേ പ്രായമുള്ളവരുമായ പട്ടികജാതി യുവതീ യുവാക്കൾക്ക് വിദേശത്ത് തൊഴിൽ തേടുന്നതിന് ധനസഹായം നൽകുന്നു. വിദേശത്ത് ജോലി ലഭ്യമാകുന്ന മുറയ്ക്ക് പ്രാരംഭ ചെലവുകൾ പരിഹരിക്കുന്ന തിനായാണ് ധനസഹായം നൽകുന്നത്. പാസ്പോർട്ടിന്റെയും തൊഴിൽ വിസയുടെയും സാക്ഷ്യപ്പെടുത്തിയ പകർപ്പ് സഹിതം അപേക്ഷിക്കാവുന്നതാണ്. വിശദ വിവരങ്ങൾക്ക് ബ്ലോക്ക്/ മുനിസിപ്പാലിറ്റി/ കോർപ്പറേഷൻ പട്ടികജാതി വികസന ഓഫീസ്സ്/ ബന്ധപ്പെടേണ്ടതാണ്. ജില്ലാ പട്ടികജാതി വികസന ഓഫീസിന്റെ ഫോൺ നമ്പർ : 0484-2422256. 

ഭിന്ന ശേഷിയുള്ളവരെ ചേർത്ത് നിർത്തുന്ന നിലപാടാണ് സംസ്ഥാന സർക്കാരിന്റേതെന്ന് വ്യവസായ വകുപ്പ് മന്ത്രി പി. രാജീവ്. ശ്രവണ സഹായികൾ, വീൽ ചെയറുകൾ, സ്ഥിര നിക്ഷേപത്തിലൂടെ കുട്ടികളുടെ ഭാവി ഉറപ്പു വരുത്തുന്നതിനുള്ള  സൗകര്യം തുടങ്ങിയവ വിതരണം ചെയ്യുന്നത് ഇതിന്റെ ഭാഗമാണെന്നും അദ്ദേഹം പറഞ്ഞു. എറണാകുളം ജില്ലയിലെ ഭിന്നശേഷിക്കാർക്കുള്ള സഹായ ഉപകരണങ്ങളുടെയും സ്ഥിര നിക്ഷേത്തിന്റെയും വിതരണോദ്ഘാടനം നിർവഹിക്കുകയായിരുന്നു അദ്ദേഹം.

മാലിന്യമുക്തം ഹരിത നെയ്യാറ്റിന്‍കര പദ്ധതി പ്രഖ്യാപനം മന്ത്രി എം.ബി രാജേഷ് നിര്‍വഹിച്ചു

 ഓരോ വാര്‍ഡും, തദ്ദേശ സ്വയംഭരണ സ്ഥാപനങ്ങളും മാലിന്യമുക്തമാക്കി പ്രഖ്യാപിക്കണമെന്നതാണ് പുതിയ ആശയമെന്ന് തദ്ദേശ സ്വയം ഭരണ വകുപ്പ് മന്ത്രി എം ബി രാജേഷ്. ഈ ലക്ഷ്യം കൈവരിക്കാന്‍ സാധിക്കാത്ത വാര്‍ഡിനും തദ്ദേശസ്ഥാപനങ്ങള്‍ക്കും പിഴ ഈടാക്കുമെന്ന് മന്ത്രി. മാലിന്യമുക്തം ഹരിത നെയ്യാറ്റിന്‍കരയുടെ പ്രഖ്യാപനം നടത്തി സംസാരിക്കുകയിരുന്നു അദ്ദേഹം.