കോട്ടയം: ജില്ലയിലെ തദ്ദേശഭരണ സ്ഥാപനങ്ങളുടെ വാർഷിക പദ്ധതി നിർവഹണത്തിനായി  ലഭ്യമായ തുകയുടെ 88.05 ശതമാനം ചെലവഴിച്ച് കോട്ടയം സംസ്ഥാനതലത്തിൽ രണ്ടാം സ്ഥാനത്ത്.  

കോട്ടയം: 60 വയസ്സ് പൂർത്തീകരിച്ച്  അധിവർഷാനുകൂല്യത്തിന് കേരള കർഷകത്തൊഴിലാളി ക്ഷേമനിധി ബോർഡ്  ജില്ലാ എക്സിക്യുട്ടീവ് ഓഫീസിൽ  അപേക്ഷ സമർപ്പിച്ചവരിൽ രേഖകൾ ഹാജരാക്കത്തവർ ഏപ്രിൽ 12 നകം സമർപ്പിക്കണം. 2014 മുതൽ 2017 വരെ അപേക്ഷ നൽകിയവരാണ് രേഖകൾ നൽകേണ്ടത്. ആധാർ കാർഡിന്റെ കോപ്പി, ബാങ്ക് പാസ് ബുക്കിന്റെ കോപ്പി, അപേക്ഷ സമർപ്പിച്ചപ്പോൾ ലഭിച്ച കൈപ്പറ്റ് രസീത് എന്നിവയാണ് നൽകേണ്ടത്.  ജോയിന്റ് അക്കൗണ്ട് , കോ-ഓപ്പറേറ്റീവ് ബാങ്ക് അക്കൗണ്ട് എന്നിവ പാടില്ല. പേരോ മേൽവിലാസമോ വ്യത്യാസമുള്ളവർ പഞ്ചായത്തംഗത്തിന്റെ സാക്ഷ്യപത്രം കൂടി ഹാജരാക്കണം.

കോട്ടയം: കോട്ടയം ജില്ലാ എംപ്ലോയ്‌മെന്റ് എക്‌സ്‌ചേഞ്ച് എംപ്ലോയബിലിറ്റി സെന്ററിന്റെ ആഭിമുഖ്യത്തിൽ ഇൻഫോ പാർക്കിലെ പ്രമുഖ കമ്പനിയുടെ പ്രോസസ് അനലിസ്റ്റ് ഒഴിവിലേക്ക് ഏപ്രിൽ 13ന് രാവിലെ 10 മുതൽ കോട്ടയം എംപ്ലോയബിലിറ്റി സെന്ററിൽ അഭിമുഖം നടത്തുന്നു. ബി.എസ്.സി/ എം.എസ്.സി, സ്റ്റാറ്റിസ്റ്റിക്‌സ്, ഫിസിക്‌സ്, കമ്പ്യൂട്ടർ സയൻസ്, ബി.സി.എയാണ് യോഗ്യത. 30 വയസാണ് പ്രായപരിധി. വിശദവിവരത്തിന് ഫോൺ: 0481 2563451/2565452
 

കോട്ടയം:  കിടങ്ങൂർ ബൈപാസ് റോഡിന്റെ ഉദ്ഘാടനം ഇന്ന്  . മുഖ്യമന്ത്രി പിണറായി വിജയൻ ഓൺലൈനിലൂടെ നിർവഹിക്കും. രാവിലെ 11.30ന് നടക്കുന്ന ചടങ്ങിൽ സർക്കാരിന്റെ നൂറു ദിന കർമ്മ പരിപാടിയുടെ ഭാഗമായി സംസ്ഥാനത്ത് നിർമാണം പൂർത്തിയായ 18 റോഡുകൾ ഉദ്ഘാടനം ചെയ്യുന്നതിന്റെ ഭാഗമായാണ് ആധുനിക നിലവാരത്തിൽ നവീകരിച്ച കിടങ്ങൂർ ബൈപാസും ഉദ്ഘാടനം ചെയ്യുന്നത്. പൊതുമരാമത്ത്, ടൂറിസം വകുപ്പ് മന്ത്രി പി. എ. മുഹമ്മദ് റിയാസ്  ഓൺലൈനായി അധ്യക്ഷത വഹിക്കും.

കോട്ടയം: കിഫ്ബി വഴി 7.67 കോടി രൂപ ചെലവഴിച്ചു നിർമിച്ച ഏറ്റുമാനൂർ ഐ.ടി.ഐയുടെ പുതിയ മന്ദിരം വ്യാഴാഴ്ച  വൈകിട്ട് ആറുമണിക്ക് വിദ്യാഭ്യാസ വകുപ്പുമന്ത്രി വി. ശിവൻകുട്ടി ഉദ്ഘാടനം ചെയ്യും. ചടങ്ങിൽ സഹകരണ-രജിസ്‌ട്രേഷൻ വകുപ്പു മന്ത്രി വി.എൻ വാസവൻ അധ്യക്ഷനാകും. ജില്ലാ പഞ്ചായത്ത് പ്രസിഡന്റ് കെ.വി. ബിന്ദു, ജില്ലാ കളക്ടർ ഡോ. പി.കെ. ജയശ്രീ, മുൻ നിയമസഭാംഗം സുരേഷ് കുറുപ്പ്, ഏറ്റുമാനൂർ ബ്ലോക്ക് പ്രസിഡന്റ് ആര്യ രാജൻ, അതിരമ്പുഴ പഞ്ചായത്ത് പ്രസിഡന്റ് സജി തടത്തിൽ, കോട്ടയം ജില്ലാ പഞ്ചായത്തംഗം ഡോ. റോസമ്മ സോണി, ബ്ലോക്ക് പഞ്ചായത്തംഗം ആൻസ് വർഗീസ് ആലഞ്ചേരി തുടങ്ങിയവർ പങ്കെടുക്കും.

കോട്ടയം: കാഞ്ഞിരപ്പള്ളി ബ്ലോക്കിലെ പാറത്തോട്, മുണ്ടക്കയം ഗ്രാമപഞ്ചായത്തിലെ  ചിറ്റടി ഇഞ്ചിയാനി വട്ടക്കാവ് വെള്ളനാടി റോഡിന്റെ ടാറിംഗ് ജോലികൾ നടക്കുന്നതിനാൽ ഏപ്രിൽ 13 മുതൽ ഗതാഗത നിയന്ത്രണമേർപ്പെടുത്തുമെന്ന് പ്രോഗ്രാം ഇംപ്ലിമെന്റേഷൻ യൂണിറ്റ് എക്സിക്യൂട്ടീവ് എൻജിനീയർ അറിയിച്ചു.

കോട്ടയം: ജില്ലയിലെ വിവിധ താലൂക്കുകളിലായി ആറ് റേഷൻ കടകൾക്ക് പുതിയ ലൈസൻസിയെ നിയമിക്കുന്നതിന് സംവരണവിഭാഗം ( എസ്.സി), ഭിന്നശേഷി വിഭാഗം എന്നിവരിൽനിന്ന് അപേക്ഷ ക്ഷണിച്ചു. അപേക്ഷഫോം മേയ് ഒമ്പതിന് വൈകിട്ട് മൂന്നു വരെ ജില്ലാ സപ്ലൈ ഓഫീസിലും താലൂക്ക് സപ്ലൈ ഓഫീസുകളിലും www.civilsupplieskerala.gov.in എന്ന വെബ് സൈറ്റിലും ലഭ്യമാണ്. മറവൻതുരുത്ത് തുരത്തുമ്മ, നെടുംകുന്നം കുന്നുംപുറം കവല, കുറിച്ചി ഔട്ട്പോസ്റ്റ്, ചിറക്കടവ് ആശ്രമംപടി, അയർക്കുന്നം അമയന്നൂർ,  അയ്മനം ഒളശ്ശ എന്നിവിടങ്ങളിലെ റേഷൻകടകൾക്കാണ് ലൈസൻസികളെ നിയമിക്കുന്നത്. ഫോൺ: 0481 2560371
 

മറൈൻ ഡ്രൈവിൽ ഗിന്നസ് പക്രുവും സംഘവും അരങ്ങ് തകർത്തപ്പോൾ എന്റെ കേരളം മെഗാ പ്രദർശന വിപണന മേളയുടെ സമാപന വേദിയിലേക്ക് ഒഴുകിയെത്തിയത് ആയിരങ്ങൾ. മേളയുടെ സമാപനത്തോടനുബന്ധിച്ച് സംഘടിപ്പിച്ച ഗിന്നസ് പക്രു മെഗാ ഷോയാണ് ആസ്വാദകർക്ക് നവ്യാനുഭവമായി മാറിയത്. പാട്ടും നൃത്തവും തമാശയും സ്കിറ്റുകളും ഒത്തു ചേർന്ന ഷോയ്ക്ക് വലിയ കൈയടിയാണ് ലഭിച്ചത്.

നേര്യമംഗലം സ്മാർട്ട് വില്ലേജ്  ഓഫീസ് ഉദ്ഘാടനം ചെയ്തു 

സംസ്ഥാനത്തെ എല്ലാ വില്ലേജ് ഓഫീസുകളും സ്മാർട്ട് നിലവാരത്തിലേക്ക് ഉയർത്താനുള്ള ശ്രമം പുരോഗമിക്കുകയാണ് റവന്യൂ വകുപ്പ് മന്ത്രി കെ. രാജൻ പറഞ്ഞു. നേര്യമംഗലം സ്മാർട്ട് വില്ലേജ് ഓഫീസിന്റെ ഉദ്ഘാടനം ഓൺലൈനായി നിർവ്വഹിച്ചു സംസാരിക്കുകയായിരുന്നു അദ്ദേഹം. പ്രാദേശികമായി വില്ലേജ് ഓഫീസ് അങ്കണത്തിൽ സംഘടിപ്പിച്ച ഉദ്ഘാടന ചടങ്ങിൽ ആന്റണി ജോൺ എം.എൽ.എ അധ്യക്ഷത വഹിക്കുകയും ശിലാഫലകം അനാച്ഛാദനം ചെയ്യുകയും ചെയ്തു.

ജില്ലയുടെ ഹൃദയഭാഗത്ത് എട്ടു ദിവസം നീണ്ടുനിന്ന എൻ്റെ കേരളം പ്രദർശന വിപണന മേളയ്ക്ക് പ്രൗഢ ഗംഭീരമായ സാംസ്കാരിക സദ സോടെ സമാപനം. സർക്കാരിൻ്റെ വികസന പ്രവർത്തനങ്ങളുടെ നേർക്കാഴ്ചയായി സംഘടിപ്പിച്ച മേളയുടെ അവസാന ദിനം  ചെറുകഥാകൃത്ത് അശോകൻ ചരുവിൽ, കവി മുരുകൻ കാട്ടാക്കട, നടനും സംവിധായകനുമായ മധുപാൽ, എഴുത്തുകാരിയും നിരൂപകയുമായ മ്യൂസ് മേരി ജോർജ് എന്നിവരുടെ വാക്കുകൾ കൊണ്ട് സമ്പന്നമായി.