സംസ്ഥാന സർക്കാരിന്റെ രണ്ടാം വാർഷികത്തോടനുബന്ധിച്ച് സംഘടിപ്പിക്കുന്ന "എന്റെ കേരളം" പ്രദർശന - വിപണന മേളയുടെ ഭാഗമായി വിവിധ മത്സരങ്ങൾ വിദ്യാർഥികൾക്കും പൊതുജനങ്ങൾക്കുമായി സംഘടിപ്പിക്കുന്നു.

ഹൈസ്ക്കൂൾ, ഹയർ സെക്കൻഡറി വിദ്യാർത്ഥികൾക്കായി "എന്റെ കേരളം" എന്ന വിഷയത്തിൽ ലേഖനമത്സരം സംഘടിപ്പിക്കും. കോളേജ് വിദ്യാർത്ഥികൾക്ക് യുവതയുടെ നവകേരളം എന്നതും പൊതുജനങ്ങൾക്ക് ജില്ലയുടെ വികസനം-പ്രശ്നങ്ങളും സാധ്യതകളും എന്നതുമാണ് ലേഖനമത്സരത്തിനുള്ള വിഷയം. 500 വാക്കിൽ കവിയാത്ത ലേഖനം മത്സരാർഥിയുടെ പേര്, മത്സരിക്കുന്ന വിഭാഗം, വിലാസം, ഫോൺ നമ്പർ എന്നീ വിവരങ്ങൾ ഉൾപ്പെടുത്തി വാട്സ്ആപ്പ് നമ്പറിൽ അയക്കണം.

കണ്ണൂർ സിറ്റി പോലീസ് ഗെയിംസ് ആൻഡ് അത്ലറ്റിക് മീറ്റ് 26,27 തീയതികളിൽ

ഹരിത കർമ്മ സേനയുടെ പ്രവർത്തനം കൂടുതൽ കാര്യക്ഷമമായി നടപ്പാക്കികൊണ്ട് തദ്ദേശസ്വയംഭരണ സ്ഥാപനങ്ങൾ അജൈവ മാലിന്യത്തിന്റെ വാതിൽപ്പടി ശേഖരണം നൂറ് ശതമാനം ആക്കണമെന്ന് നിർദേശം. നവകേരളം വൃത്തിയുള്ള കേരളം ക്യാമ്പയിന്റെ ഭാഗമായി തദ്ദേശസ്വയംഭരണ അധ്യക്ഷന്മാർക്ക് നടത്തിയ യോഗത്തിലാണ്  നിർദേശമുയർന്നത്. 50 രൂപ യൂസർ ഫീ ഈടാക്കി എല്ലാ മാസവും ഹരിത കർമസേന വീടുകളിലും സ്ഥാപനങ്ങളിലും മാലിന്യശേഖരണം നടത്തണം. അജൈവമാലിന്യം കൈമാറാത്തവർക്ക്  ബോധവത്കരണം നടത്തണം. തുടർന്നും മാലിന്യം വലിച്ചെറിയുന്നവർക്കെതിരെ പിഴ ഈടാക്കി നിയമനടപടികൾ സ്വീകരിക്കണം. അതിനുള്ള  അധികാരം തദ്ദേശസ്വയംഭരണ സ്ഥാപനങ്ങൾക്കുണ്ട്.

മുതിർന്ന പൗരൻമാരുടെ ക്ഷേമം സംബന്ധിച്ച നിയമസഭാ സമിതി ഏപ്രിൽ 26ന് രാവിലെ 11 മണിക്ക് കലക്ടറേറ്റ് കോൺഫറൻസ് ഹാളിൽ യോഗം ചേരും.   ജില്ലയിൽ നിന്ന് സമിതിക്ക് ലഭിച്ച വിവിധ പരാതികളിൻമേൽ തദ്ദേശ സ്വയംഭരണം, ആരോഗ്യ കുടുംബക്ഷേമം റവന്യൂ, സാമൂഹ്യനീതി, ആയുഷ്, ആഭ്യന്തരം, ജയിൽ, സൈനികക്ഷേമം, എന്നീ വകുപ്പുകളിലെ ജില്ലാതല ഉദ്യോഗസ്ഥരിൽ നിന്നും തെളിവെടുപ്പ് നടത്തും. മുതിർന്ന പൗരൻമാർക്കായി ഏർപ്പെടുത്തിയ വിവിധ ക്ഷേമപദ്ധതികളെ കുറിച്ച് ചർച്ച ചെയ്യും. മുതിർന്ന പൗരൻമാരിൽ നിന്നും വയോജന സംഘടനകളിൽ നിന്നും പരാതികൾ  സ്വീകരിക്കും. തുടർന്ന് സമിതി കണ്ണൂർ ജില്ലാശുപത്രി സന്ദർശിക്കും.

ഇരിങ്ങാലക്കുട ഉണ്ണായിവാര്യർ സ്മാരക കലാനിലയത്തിൽ പിഎസ്‌സി അംഗീകൃത ഡിപ്ലോമ കോഴ്സുകളിലേക്കും പോസ്റ്റ് ഗ്രാജുവേറ്റ് കോഴ്സുകളിലേക്കും സൗജന്യമായി പഠിക്കുവാൻ അവസരം. കഥകളി - വേഷം, സംഗീതം, ചെണ്ട, മദ്ദളം, ചുണ്ടി/കോപ്പുപണി എന്നീ വിഷയങ്ങളിലാണ് കോഴ്സുകൾ. ഡിപ്ലോമ കോഴ്സുകളിലേക്ക് കുറഞ്ഞ വിദ്യാഭ്യാസ യോഗ്യത ഏഴാം ക്ലാസ് പാസ് ആയിരിക്കണം. അംഗീകൃത സ്ഥാപനങ്ങളിൽ നിന്നും ഡിപ്ലോമയോ തത്തുല്യ യോഗ്യത നേടിയവർക്ക് പോസ്റ്റ് ഗ്രാജുവേറ്റ് കോഴ്സുകളിലേക്ക് അപേക്ഷിക്കാം.

സംസ്ഥാനതല വയോജന സൗഹൃദ സംഗമ പ്രവർത്തനങ്ങളുടെ ഭാഗമായി അരിമ്പൂർ പഞ്ചായത്തിൽ ക്ലസ്റ്റർ യോഗങ്ങൾ സംഘടിപ്പിച്ചു. വയോജനങ്ങൾ, ആശാപ്രവർത്തകർ, കുടുംബശ്രീ പ്രവർത്തകർ, വായനശാല പ്രതിനിധികൾ എന്നിവരുടെ ക്ലസ്റ്റർ തല പ്രവർത്തക യോഗമാണ് സംഘടിപ്പിച്ചത്. പഞ്ചായത്തിലെ വാർഡുകൾ മൂന്ന് ക്ലസ്റ്ററുകളായി തിരിച്ച് നടന്ന യോഗങ്ങൾ യഥാക്രമം പഞ്ചായത്ത് പ്രസിഡന്റ് സ്മിത അജയകുമാർ, വൈസ് പ്രസിഡന്റ് ഷിമി ഗോപി, സ്റ്റാന്റിങ് കമ്മിറ്റി ചെയർപേഴ്സൺ സിന്ധു സഹദേവൻ എന്നിവർ ഉദ്ഘാടനം ചെയ്തു.

പള്ളിപ്പുറം - ആലപ്പാട് കോൾ സഹകരണസംഘം പാടശേഖരത്തിൽ നടത്തിയ തണ്ണിമത്തൻ കൃഷിയുടെ വിളവെടുപ്പ് സി സി മുകുന്ദൻ എംഎൽഎ ഉദ്ഘാടനം ചെയ്തു. കോൾ പടവ് സഹകരണസംഘം പ്രസിഡൻറ് സി.എസ്. പവനൻ അധ്യക്ഷനായി.  തണ്ണിമത്തൻ കൃഷിയിലെ ആദ്യ വില്പന ചേർപ്പ് ബ്ലോക്ക് പഞ്ചായത്ത് പ്രസിഡൻറ് എ കെ രാധാകൃഷ്ണൻ കർഷകമിത്ര സിബി സുരേഷിന് നൽകി നിർവ്വഹിച്ചു. ഗ്രാമപഞ്ചായത്ത് പ്രസിഡന്റ് സുബിത സുഭാഷ് മുഖ്യപ്രഭാഷണം നടത്തി.  

വടക്കാഞ്ചേരി നഗരസഭയിലെ മുണ്ടത്തിക്കോട് പെരിയമ്മക്കാവ് കുടിവെള്ള പദ്ധതി യാഥാർത്ഥ്യമായി. 150ഓളം കുടുംബങ്ങൾക്ക് ശുദ്ധജലം എത്തിക്കുന്നതിന് പദ്ധതി വഴി സാധിക്കും. നഗരസഭാപരിധിയിലെ ജല ലഭ്യതയുമായി ബന്ധപ്പെട്ട് സമഗ്രമായ പദ്ധതികളാണ് നഗരസഭ മുന്നോട്ടുവച്ചിട്ടുള്ളത്.

ഫുഡ് ക്രാഫ്റ്റ് ഇൻസ്റ്റിറ്റ്യൂട്ടിൽ ഹ്രസ്വകാല ഹോട്ടൽ മാനേജ്മെന്റ് കോഴ്സുകളിലേക്ക് അപേക്ഷ ക്ഷണിച്ചു. കുക്കറി, ബേക്കറി, ഫുഡ് ആന്റ് ബീവറേജ് സർവ്വീസ്, ഹൗസ് കീപ്പിംഗ്, ഫ്രണ്ട് ഓഫീസ് ഓപ്പറേഷൻ തുടങ്ങിയ കോഴ്സുകളിലാണ് പരിശീലനം. പത്താം ക്ലാസ് യോഗ്യതയുള്ള 18 വയസ്സ് തികഞ്ഞ സ്ത്രീകൾക്ക് അപേക്ഷിക്കാം. അപേക്ഷകൾ അതത് ഇൻസ്റ്റിറ്റ്യൂട്ടുകൾ വഴി നേരിട്ട് ലഭ്യമാകുന്നതാണ്. അപേക്ഷകൾ സമർപ്പിക്കേണ്ട അവസാന തീയതി മെയ് 5 ന് വൈകീട്ട് 5 മണിവരെ. ഫോൺ 0487 2384253

പീച്ചി കേരള വന ഗവേഷണ സ്ഥാപനത്തിൽ രണ്ട് പ്രോജക്ട് അസിസ്റ്റന്റ് ഒഴിവുണ്ട്. മൂന്ന് വർഷമാണ് പ്രോജക്ട് കാലാവധി.

താല്പര്യമുള്ളവർ മെയ് എട്ടിന് തിങ്കളാഴ്ച രാവിലെ 10 മണിക്ക് കേരള വന ഗവേഷണ സ്ഥാപനത്തിന്റെ ഓഫീസിൽ അഭിമുഖത്തിനായി എത്തിച്ചേരേണ്ടതാണ്. കൂടുതൽ വിവരങ്ങൾക്ക് www.kfri.res.in എന്ന വെബ്സൈറ്റ് സന്ദർശിക്കുക.