പട്ടികജാതി വികസന വകുപ്പിനു കീഴിൽ ജില്ലയിൽ പ്രവർത്തിക്കുന്ന മായന്നൂർ ഐ ടി ഐയിൽ മുറിച്ചിട്ട മരക്കൊമ്പുകൾ മായന്നൂർ ഐ ടി ഐയിൽ ഏപ്രിൽ 19ന് 11 മണിക്ക് ലേലം ചെയ്യും. ഫോൺ: 0494 4285925.

പറപ്പൂക്കര ഗ്രാമപഞ്ചായത്തിൽ കുടുംബശ്രീയുടെ നേതൃത്വത്തിൽ വിഷു വിപണന മേളയ്ക്ക് തുടക്കമായി. വിഷരഹിത പച്ചക്കറി, മായമില്ലാത്ത കാർഷിക ഉൽപന്നങ്ങൾ, ഭക്ഷണസാധനങ്ങൾ തുണിത്തരങ്ങൾ എന്നിവ മിതമായ  നിരക്കിൽ പൊതുജനങ്ങളിലേക്ക് എത്തിക്കുക എന്നതാണ്  മേളയുടെ ലക്ഷ്യം. കെ കെ രാമചന്ദ്രൻ എംഎൽഎ ഉദ്ഘാടനം നിർവഹിച്ചു. പറപ്പൂക്കര ഗ്രാമപഞ്ചായത്ത് പ്രസിഡണ്ട് ഇ കെ അനൂപ് അധ്യക്ഷനായി. കാർത്തിക ജയൻ, കെ സി പ്രദീപ്, ബീന സുരേന്ദ്രൻ, എൻ എം പുഷ്പാകരൻ, കവിത സുനിൽ, സരിത തിലകൻ, അമ്പിളി വേണു തുടങ്ങിയവർ പങ്കെടുത്തു.

പാവറട്ടി സെന്റർ മുതൽ പാവറട്ടി പള്ളി വരെ പൈപ്പ് ലൈൻ സ്ഥാപിച്ച സ്ഥലങ്ങളിൽ റോഡ് പുനരുദ്ധാരണം ചെയ്യുന്ന പ്രവൃത്തി ഏപ്രിൽ 13ന് ആരംഭിക്കുന്നതിനാൽ ഇതുവഴിയുള്ള ഗതാഗതം ഭാഗികമായി തടസ്സപ്പെടും.

സംസ്ഥാന സര്‍ക്കാര്‍  സ്ഥാപനമായ കേരള സ്‌റ്റേറ്റ് സിവില്‍ സര്‍വ്വീസ് അക്കാദമിയുടെ സബ്‌സെന്ററായി  പ്രവര്‍ത്തിക്കുന്ന പൊന്നാനിയിലെ ഇന്‍സ്റ്റിറ്റ്യൂട്ട് ഓഫ് കരിയര്‍ സ്റ്റഡീസ് ആന്‍ഡ് റിസര്‍ചില്‍ (ഐ.സി.എസ്.ആര്‍) ഏപ്രില്‍  മാസത്തില്‍ ആരംഭിക്കുന്ന അവധിക്കാല കോഴ്‌സുകള്‍ക്ക് അപേക്ഷ ക്ഷണിച്ചു.  ഈ അധ്യയന വര്‍ഷം ഹയര്‍സെക്കന്‍ഡറിയില്‍ പഠിക്കുന്ന വിദ്യാര്‍ത്ഥികള്‍ക്ക് സിവില്‍ സര്‍വ്വീസ് ഫൗണ്ടേഷന്‍ കോഴ്‌സിനും  8,9,10 ക്ലാസുകളില്‍  പഠിക്കുന്ന വിദ്യാര്‍ത്ഥികള്‍ക്ക് ടാലന്റ് ഡവലപ്പ്‌മെന്റ് കോഴ്‌സിനും അപേക്ഷിക്കാം.

ദേശീയ ഗ്രാമീണ ഉപജീവന മിഷന്‍ കുടുംബശ്രീ മുഖാന്തിരം പെരിന്തല്‍മണ്ണ ബ്ലോക്കില്‍ നടപ്പിലാക്കുന്ന സ്റ്റാര്‍ട്ടപ്പ് വില്ലേജ് എന്റര്‍പ്രണര്‍ഷിപ്പ് പ്രോഗ്രാം പദ്ധതിയിലേക്കായി മൈക്രോ എന്റര്‍പ്രൈസ് കണ്‍സള്‍ട്ടന്റുമാരെ (എം.ഇ.സി) നിയമിക്കുന്നു.  പ്ലസ് ടു വിദ്യാഭ്യാസ യോഗ്യതയുള്ള 25 നും 45 വയസ്സിനും ഇടയില്‍ പ്രായമുള്ള കുടുംബശ്രീ  അയല്‍ക്കൂട്ട അംഗത്തിനോ/കുടുംബാംഗത്തിനോ/ഓക്‌സിലറി ഗ്രൂപ്പ് അംഗത്തിനോ അപേക്ഷിക്കാം.  അപേക്ഷകര്‍ പെരിന്തല്‍ണ്ണ ബ്ലോക്കില്‍ ഉള്‍പ്പെട്ട  ഗ്രാമ പഞ്ചായത്തുകളില്‍ സ്ഥിര താമസക്കാരായിരിക്കണം.

ഈഴുവത്തിരുത്തി പ്രാഥമികാരോഗ്യകേന്ദ്രത്തില്‍ പുതുതായി ആരംഭിക്കുന്ന സായാഹ്ന ഒപിയിലേക്ക് കരാറടിസ്ഥാനത്തിൽ ഡോക്ടറെയും ഫാർമസിസ്റ്റിനേയും നിയമിക്കുന്നു. താല്പര്യമുള്ള ഉദ്യോഗാർത്ഥികൾ യോഗ്യതാ സർട്ടിഫിക്കറ്റുകളുടെ അസ്സല്‍ സഹിതം മാര്‍ച്ച് 30 രാവിലെ 11 ന് പ്രാഥമികാരോഗ്യകേന്ദ്രത്തിൽ നേരിട്ട് ഹാജരാവണം. എം.ബി.ബി.എസും മെഡിക്കല്‍ കൗണ്‍സില്‍ രജിസ്ട്രേഷനുമാണ് ഡോക്ടര്‍ക്കു വേണ്ട യോഗ്യത. ഫാര്‍മസിസ്റ്റിന് പ്രിഡിഗ്രി/ പ്ലസ്ടു/ വി.എച്ച്.എസ്.സി, ഫാര്‍മസി ഡിപ്ലോമ/തതുല്യം, ഫാര്‍മസി കൗണ്‍സില്‍ രജിസ്ട്രേഷന്‍ എന്നിവയും വേണം. കൂടുതല്‍ വിവരങ്ങള്‍ 0494 2664701 എന്ന നമ്പറില്‍ ലഭിക്കും.

വെള്ളപ്പൊക്ക ദുരിതാശ്വാസ പദ്ധതിയില്‍ ഉള്‍പ്പെടുത്തി കാലടി ഗ്രാമപഞ്ചായത്തിലെ കണ്ടനകം - മേക്കാടിക്കുളം റോഡ് പ്രവൃത്തിക്ക് 8 ലക്ഷം രൂപയും തവനൂർ ഗ്രാമപഞ്ചായത്തിലെ മാതൂർ റോഡ് പ്രവൃത്തിക്ക് 7 ലക്ഷം രൂപയും മലപ്പുറം നഗരസഭയിലെ കിഴക്കേത്തല - എപ്പാറ റോഡ് പ്രവൃത്തിക്ക് 5 ലക്ഷം രൂപയും അനുവദിച്ചതായി ജില്ലാ കളക്ടര്‍ അറിയിച്ചു

വില്‍പ്പന നികുതി കുടിശ്ശിക ഈടാക്കുന്നതിലേക്കായി പൊന്മള വില്ലേജിൽ ബ്ലോക്ക്‌ നമ്പർ 41 ൽ സർവ്വേ നമ്പർ 382/17 ൽ പെട്ട പി. അബൂബക്കർ എന്നയാളുടെ ഉടമസ്ഥതയിലുള്ള 2.74 ആർസ് ഭൂമി സകലവിധ കുഴികൂർ ചമയങ്ങൾ അടക്കം ഏപ്രില്‍ 25 ന് രാവിലെ  11 മണിക്ക് വസ്തു നിൽക്കുന്ന സ്ഥലത്തുവെച്ച് പരസ്യമായി ലേലം ചെയ്യും. കൂടുതൽ വിവരങ്ങൾ പൊന്മള വില്ലേജ് ഓഫീസിൽ നിന്നോ, തിരൂർ താലൂക്ക് ഓഫീസ് റവന്യൂ റിക്കവറി വിഭാഗത്തിൽ നിന്നോ ലഭിക്കും.

ആരോഗ്യ രംഗത്ത് കൂടുതൽ സൗകര്യങ്ങളൊരുക്കാൻ കാവനൂർ പ്രാഥമികാരോഗ്യ കേന്ദ്രത്തിൽ മൂന്ന് കോടി രൂപയുടെ നിർമാണ പ്രവൃത്തികൾക്ക് തുടക്കമായി. ആധുനിക സൗകര്യങ്ങളോടു കൂടിയ ബഹുനില കെട്ടിടത്തിന്റെ നിർമാണ പ്രവൃത്തികളാണ് ആരംഭിച്ചത്. എൻ.എച്ച്.എമ്മിന്റെ പദ്ധതിയിൽ ഉൾപ്പെടുത്തി 1.14 കോടി രൂപയും പി.കെ ബഷീർ എം.എൽ.എയുടെ ആസ്തി വികസന ഫണ്ടിൽ നിന്നും ഒരു കോടി രൂപയും പഞ്ചായത്ത് വകയിരുത്തിയ 50 ലക്ഷം രൂപയും പ്രയോജനപ്പെടുത്തിയാണ് ആശുപത്രി കെട്ടിടത്തിന്റെ ഒന്നാംഘട്ട പ്രവൃത്തികൾ പൂർത്തീകരിക്കുക. നിർമാണ പ്രവർത്തനങ്ങളുടെ ഭാഗമായി ആദ്യഘട്ടത്തിൽ വട്ടപ്പറമ്പ് റോഡിലെ പഴയ കെട്ടിടങ്ങൾ പൊളിച്ചു നീക്കുന്ന പ്രവൃത്തി ആരംഭിച്ചിട്ടുണ്ട്.

നിലമ്പൂർ താലൂക്ക് പരിധിയിലുള്ള വഴിക്കടവിൽ പ്രവർത്തിക്കുന്ന എഫ്.പി.എസ് 2052098, 2052075, 2052046 എന്നീ നമ്പർ ന്യായവില കടകളിൽ നിന്നും പുഞ്ചക്കൊല്ലി, അളക്കൽ എന്നീ ആദിവാസി ഊരുകളിലേക്ക് റേഷൻ എത്തിക്കുന്നതിനായി ഫോർവീൽ വാടകയ്ക്ക് നൽകുന്നതിന് വാഹനം (ഡ്രൈവർ സഹിതം) പ്രതിമാസ വാടകയ്ക്ക് തയ്യാറുള്ളവരിൽ നിന്നും മത്സരാടിസ്ഥാനത്തിലുള്ള സീൽ ചെയ്ത ക്വട്ടേഷനുകൾ ക്ഷണിച്ചു.