ജന്‍ ശിക്ഷണ്‍ സന്‍സ്ഥാന്‍ മലപ്പുറം  സ്‌കില്‍ ഇന്ത്യ ഹബ് പദ്ധതി പ്രകാരം ആരംഭിക്കുന്ന സൗജന്യ തൊഴിലധിഷ്ഠിത കോഴ്‌സുകളില്‍ സീറ്റൊഴിവ് ഉണ്ട്. പഞ്ചകര്‍മ്മ അസിസ്റ്റന്റ് , ഹോട്ടല്‍ മാനേജ്‌മെന്റ് , ടു വീലര്‍ സര്‍വ്വീസ് ടെക്‌നീഷ്യന്‍ തുടങ്ങിയ മൂന്നുമാസം കാലാവധിയുള്ള കോഴ്‌സുകളിലേക്കാണ് പ്രവേശനം. എസ്.എസ്.എല്‍.സി ആണ് അടിസ്ഥാന യോഗ്യത. താല്പര്യമുള്ളവര്‍ നിലമ്പൂര്‍ ജെ.എസ്.എസ് ഓഫീസുമായി   മാര്‍ച്ച് 13 ന് മുമ്പായി ബന്ധപ്പെടണം

ജില്ലയില്‍ വഴിക്കടവ് പഞ്ചായത്തില്‍ കോളറ സ്ഥിരീകരിച്ച സാഹചര്യത്തില്‍ ആരോഗ്യവകുപ്പിന്റെയും ജില്ലാ ഭരണകൂടത്തിന്റെയും നേതൃത്വത്തില്‍ പ്രതിരോധ പ്രവര്‍ത്തനങ്ങള്‍ ശക്തിപ്പെടുത്തി. വഴിക്കടവ് ഗ്രാമപഞ്ചായത്തില്‍ പെട്ട 7 പേര്‍ക്കാണ് നിലവില്‍ കോളറ സ്ഥിരീകരിച്ചിട്ടുള്ളത്. സമാന രോഗലക്ഷണങ്ങളുമായി മറ്റു 22 പേര്‍ നിലമ്പൂര്‍ ജില്ലാ ആശുപത്രിയിലും മഞ്ചേരി മെഡിക്കല്‍ കോളേജിലുമായി ചികിത്സയിലാണ്. 6 പേര്‍ വഴിക്കടവ് സി.എച്ച്.സിയില്‍ നിരീക്ഷണത്തിലുമാണ്.

വനിതാ ശിശു വികസന വകുപ്പിന് കീഴില്‍ പാങ്ങോട് ഗ്രാമപഞ്ചായത്തിലുള്ള അങ്കണവാടികളില്‍ നിലവിലുള്ള സ്ഥിരം വര്‍ക്കര്‍/ ഹെല്‍പ്പര്‍ ഒഴിവുകളിലേക്കും ഭാവിയില്‍ ഉണ്ടാകാനിടയുള്ള ഒഴിവുകളിലേക്കും അപേക്ഷ ക്ഷണിച്ചു. വര്‍ക്കര്‍ തസ്തികയില്‍ എസ്.എസ്.എല്‍.സിയാണ് യോഗ്യത. പ്രീപ്രൈമറി ടീച്ചേഴ്‌സ് ട്രെയിനിംഗ് വിജയിച്ചവര്‍ക്കും മുന്‍പരിചയമുള്ളവര്‍ക്കും മുന്‍ഗണന. ഹെല്‍പ്പര്‍ തസ്തികയില്‍ മലയാളം എഴുതാനും വായിക്കാനും അറിഞ്ഞിരിക്കണം. എസ്.എസ്.എല്‍.സി വിജയിച്ചവര്‍ ഹെല്‍പ്പര്‍ തസ്തികയില്‍ അപേക്ഷിക്കേണ്ടതില്ല. അപേക്ഷ ഫോമിന്റെ മാതൃക ഐ.സി.ഡി.എസ് ഓഫീസ്, ബ്ലോക്ക് ഓഫീസ്, ഗ്രാമപഞ്ചായത്ത് ഓഫീസ് എന്നിവിടങ്ങളില്‍ ലഭിക്കും.

1986 ജനുവരി 1 മുതല്‍ 2017 മാര്‍ച്ച് 31 വരെ രജിസ്റ്റര്‍ ചെയ്ത ആധാരങ്ങളില്‍ വില കുറച്ച് കാണിച്ചതുമൂലം അണ്ടര്‍ വാല്യുവേഷന്‍ നടപടികള്‍ നേരിടുന്നവര്‍ക്ക് ഈ മാസം 31 നകം പ്രസ്തുത തുകയുടെ 30 ശതമാനം മാത്രം അടച്ച് വന്യൂ റിക്കവറി നടപടികളില്‍ നിന്നും ഒഴിവാകാം. എല്ലാ ദിവസവും പ്രത്യേക അദാലത്ത് കൗണ്ടര്‍ ഇതിനായി പ്രവര്‍ത്തിക്കുമെന്ന് മഞ്ചേരി സബ് രജിസ്ട്രാര്‍ അറിയിച്ചു.

പാലക്കാട്-ചിറ്റൂര്‍ റോഡില്‍ മണപ്പുള്ളിക്കാവ് മുതല്‍ കൊടുമ്പ് ആല്‍ത്തറ വരെ ടാറിങ് പ്രവൃത്തി നടക്കുന്നതിനാല്‍ ഇന്ന് (ഏപ്രില്‍ 13) മുതല്‍ 27 വരെ നടക്കുന്നതിനാല്‍ ഇതുവഴി ഗതാഗത നിയന്ത്രണം ഉണ്ടായിരിക്കുമെന്ന് അസിസ്റ്റന്റ് എക്‌സിക്യട്ടീവ് എന്‍ജിനീയര്‍ അറിയിച്ചു.

കാലിക്കറ്റ് സര്‍വകലാശാല ബൊട്ടാണിക്കല്‍ ഗാര്‍ഡന്‍ പ്രദര്‍ശനം മാര്‍ച്ച് 9 മുതല്‍ 11 വരെ സംഘടിപ്പിക്കുന്നു. പ്രദര്‍ശനം ഒന്‍പതിന് രാവിലെ പത്ത് മണിക്ക് സര്‍വകലാശാല വൈസ് ചാന്‍സിലര്‍ ഡോ. എം.കെ.ജയരാജ് ഉദ്ഘാടനം ചെയ്യും. രാവിലെ 10 മുതല്‍ വൈകുന്നേരം 6 മണി വരെയാണ് പ്രദര്‍ശന സമയം. വിദ്യാര്‍ത്ഥികള്‍ക്ക് 10 രൂപയും പൊതുജനങ്ങള്‍ക്ക് 20 രൂപയുമാണ് പ്രവേശനഫീസ്. സ്‌കൂള്‍ കോളേജ് വിദ്യാര്‍ത്ഥികള്‍ പ്രധാനാധ്യാപകന്റെ സാക്ഷ്യപത്രം കരുതണം. പ്രദര്‍ശനത്തോടനുബന്ധിച്ച്  അലങ്കാരച്ചെടികളുടെ വില്‍പനയുണ്ടായിരിക്കും.

ജില്ലാ എംപ്ലോയ്‌മെന്റ് എക്‌സ്‌ചേഞ്ച് എംപ്ലോയബിലിറ്റി സെന്ററിന്റെയും വട്ടംകുളം ഐ.എച്ച്.ആര്‍.ഡി അപ്ലൈഡ്  സയന്‍സ് കോളേജിന്റെയും സംയുക്താഭിമുഖ്യത്തില്‍  സംഘടിപ്പിക്കുന്ന തൊഴില്‍ മേള മാര്‍ച്ച് 10ന് വട്ടംകുളം അപ്ലൈഡ്  സയന്‍സ് കോളേജില്‍ വെച്ചു  നടക്കും. അവസാനവര്‍ഷ ബിരുദ ബിരുദാനന്തര വിദ്യാര്‍ത്ഥികള്‍, 2021 നു ശേഷം വിജയകരമായി പഠനം പൂര്‍ത്തിയാക്കിയ വിദ്യാര്‍ത്ഥികള്‍ തുടങ്ങിയവര്‍ക്ക് പങ്കെടുക്കാം. പ്രവേശനം സൗജന്യാണ്. കൂടുതല്‍ വിവരങ്ങള്‍ 79024718 58, 9496347708, 8157889900 എന്നീ നമ്പറുകളില്‍ ലഭിക്കും.

വെള്ളപ്പൊക്ക ദുരിതാശ്വാസ പദ്ധതിയില്‍ ഉള്‍പ്പെടുത്തി തെന്നല ഗ്രാമപഞ്ചായത്തിലെ വെസ്റ്റ് ബസാര്‍ കൊടക്കല്ല് റോഡ് പ്രവൃത്തി നടത്തുന്നതിന് 8  ലക്ഷം രൂപയും എ.ആര്‍ നഗര്‍ ഗ്രാമപഞ്ചായത്തിലെ അഴുവളപ്പില്‍ - വലിയപറമ്പ് റോഡ്, കുന്നത്ത് അരീത്തോട് റോഡ്  പ്രവൃത്തികള്‍ക്ക് 5 ലക്ഷം രൂപ വീതവും അനുവദിച്ചതായി ജില്ലാ കളക്ടര്‍ വി.ആര്‍ പ്രേംകുമാര്‍ അറിയിച്ചു.