വാഹന അപകടത്തിൽ പെടുന്നവരെ രക്ഷപ്പെടുത്തുന്നവർക്ക്  നിയമത്തിന്റെ നൂലാമാലകൾ വിനയാവില്ലെന്ന് ഉറപ്പ് നൽകി പ്രചോദിപ്പിക്കുന്ന വിവരങ്ങൾ, രക്ഷക സംരക്ഷണ നിയമം-മാർഗ്ഗ രേഖ എന്ന തലക്കെട്ടിൽ പ്രധാന സ്ഥലങ്ങളിൽ പ്രദർശിപ്പിക്കുകയാണ് തിരൂരങ്ങാടി മോട്ടോർ വാഹന വകുപ്പ് അധികൃതർ.

അരീക്കോട് താലൂക്ക് ആശുപത്രിയിലെ സായാഹ്ന ഒ.പി,വർഷകാല രോഗ പ്രതിരോധ ഒ.പി എന്നിവയിലേക്ക്  ദിവസവേതനാടിസ്ഥാനത്തിൽ ഡോക്ടറെ നിയമിക്കുന്നു.  എം.ബി.ബി. എസ് ബിരുദവും ടി.സി.എം.സി രജിസ്ട്രേഷനും ആണ് യോഗ്യത. വാക്ക് ഇൻ ഇന്റർവ്യൂ മാർച്ച് 16 ന് അരീക്കോട് താലൂക്ക് ആശുപത്രി സൂപ്രണ്ടിന്റെ ചേംബറിൽ വെച്ച് നടക്കും. താല്പര്യമുള്ളവർ അസ്സൽ സർട്ടിഫിക്കറ്റുകളും പകർപ്പും തിരിച്ചറിയൽ രേഖയും സഹിതം രാവിലെ 10.30 മണിയ്ക്ക് ഹാജരാകണം

റൂം ഫോര്‍ റിവര്‍ പദ്ധതിയുടെ ഭാഗമായി ജില്ലയിലെ ചാലിയാര്‍ പുഴയില്‍ നിന്നും നീക്കം ചെയ്ത ചെളിയും മറ്റ് അവശിഷ്ടങ്ങളും ലേലം കൊണ്ട് എടുത്ത് മാറ്റുന്നതിന് എന്‍.ഐ.സിയുടെ ഇ-ഓക്ഷന്‍ പ്ലാറ്റ് ഫോമില്‍ ലേലത്തില്‍ വെച്ചിട്ടുണ്ട്.  ഡിജിറ്റില്‍ സിഗ്‌നേച്ചര്‍ കൈവശമുള്ള പാന്‍കാര്‍ഡ് ഉള്ളവര്‍ക്ക് ലേലത്തില്‍ പങ്കെടുക്കാം. വിശദ വിവരങ്ങള്‍ മലപ്പുറം ഇറിഗേഷന്‍ ഡിവിഷന്‍ എക്‌സിക്യുട്ടീവ് എഞ്ചിനീയറുടെ കാര്യാലയത്തിലും https://eauction.gov.in എന്ന വെബ് സൈറ്റിലും ലഭിക്കും.

അരീക്കോട് ഗവ. ഐ.ടി.ഐ ഐ.എം.സി  സൊസൈറ്റിയുടെ ആഭിമുഖ്യത്തില്‍  നടത്തുന്ന റൂട്രോണിക്‌സ് കോഴ്‌സുുകളിലേക്ക് ഗസ്റ്റ് ഇന്‍സ്ട്രക്ടര്‍മാരെ നിയമിക്കുന്നു. ബി.ടെക്, ഓട്ടോ കാഡ് യോഗ്യതയുള്ളവര്‍ക്ക് അപേക്ഷിക്കാം. കൂടുതല്‍ വിവരങ്ങള്‍ 8590082853 എന്ന ഫോണ്‍  നമ്പറില്‍ ലഭിക്കും.
 

വിവിധ വ്യവസായ-വാണിജ്യ സംരംഭങ്ങള്‍ക്ക് ലൈസന്‍സ് അനുവദിക്കുന്നതില്‍ മാതൃകയായി അഴിയൂര്‍ പഞ്ചായത്ത്. മുന്‍കൂറായി  ലഭിച്ച 415  അപേക്ഷകളില്‍ സമയബന്ധിതമായി സര്‍ട്ടിഫിക്കറ്റ് നല്‍കുകയും ഫയല്‍ തീര്‍പ്പാക്കുകയും ചെയ്തു. ലൈസന്‍സ് അനുവദിക്കുന്നതിന്റെ ഭാഗമായി പഞ്ചായത്തിലെ മൂന്നു പ്രധാന കേന്ദ്രങ്ങളില്‍ ലൈസന്‍സ് ക്യാമ്പും സംഘടിപ്പിച്ചിരുന്നു. പഞ്ചായത്തിലെ മൂന്നു പ്രധാന കേന്ദ്രങ്ങളില്‍ പ്രത്യേകം ക്യാമ്പ് നടത്തി ലൈസന്‍സ് സര്‍ട്ടിഫിക്കറ്റുകള്‍ കൈമാറി.