റോയല്‍റ്റി കുടിശ്ശിക ഈടാക്കുന്നതിനായി ഇരിമ്പിളിയം തറയ്ക്കല്‍ മുഹമ്മദ് ഹാജി മകന്‍ തറയ്ക്കല്‍ ഷഹീദ് എന്നയാളുടെ പേരില്‍ ഇരിമ്പിളിയം വില്ലേജിലുള്ള സര്‍വ്വേ 327/12 ല്‍ പെട്ട 8.10 ആര്‍സ് ഭൂമി മാര്‍ച്ച് 22 ന് രാവിലെ 11 ന് വസ്തു നില്‍ക്കുന്ന സ്ഥലത്ത് വെച്ച് ലേലം ചെയ്തു വില്‍ക്കുമെന്ന് തിരൂര്‍ തഹസില്‍ദാര്‍ അറിയിച്ചു.
 

പൊതുവിതരണ സഹകരണ മേഖലയിലെ ജനങ്ങള്‍ ഏറെ ആശ്രയിക്കുന്ന സ്ഥാപനമായ കണ്‍സ്യൂമര്‍ഫെഡിന്റെ സഞ്ചരിക്കുന്ന ത്രിവേണി സ്റ്റോറിന്റെ സേവനം എന്റെ കേരളം പ്രദര്‍ശന മേളയിലും ലഭിക്കും. ഇന്ദിരാഗാന്ധി മുന്‍സിപ്പല്‍ സ്റ്റേഡിയം ഗ്രൗണ്ടില്‍ നടക്കുന്ന മേളയില്‍ പ്രധാനവേദിയുടെ വലത് വശത്തായാണ് മൊബൈല്‍ ത്രിവേണി സ്റ്റോര്‍ വാഹനം നിര്‍ത്തിയിട്ടിരിക്കുന്നത്. പലചരക്ക് സാധനങ്ങളും സ്‌കൂള്‍ സ്റ്റേഷനറി സാധനങ്ങളും പൊതുവിപണിയേക്കാള്‍ വിലക്കുറവില്‍ ഇവിടെ ലഭ്യമാകും. വിഷുവിനും റംസാനും ആവശ്യമായ 21 നിത്യോപയോഗ സാധനങ്ങളടങ്ങിയ കിറ്റ് 999 രൂപക്ക് ഈ വാഹനത്തില്‍ ലഭ്യമാണ്.

കോട്ടയം: ചങ്ങനാശേരിയിൽ സപ്ലൈകോ വിഷു-റംസാൻ ഫെയർ അഡ്വ. ജോബ് മൈക്കിൾ എം.എൽ.എ. ഉദ്ഘാടനം ചെയ്തു. നഗരസഭാംഗം ഉഷ മുഹമ്മദ് ഷാജി ആദ്യ വിൽപന നിർവഹിച്ചു. നഗരസഭാധ്യക്ഷ സന്ധ്യ മനോജ് അധ്യക്ഷത വഹിച്ചു. ചങ്ങനാശേരി സപ്ലൈകോ സൂപ്പർ മാർക്കറ്റിനോടു ചേർന്നു പ്രവർത്തിക്കുന്ന ഫെയർ ഏപ്രിൽ 21 വരെയുണ്ടാകും. ഫെയറിൽ പതിമൂന്നിന നിത്യോപയോഗ സാധനങ്ങൾ സബ്‌സിഡി നിരക്കിൽ ലഭിക്കും. പഞ്ചസാര, അരി, ശബരി ഇനങ്ങൾ, തെരഞ്ഞെടുക്കപ്പെട്ട മറ്റ് ഉൽപന്നങ്ങൾ എന്നിവയ്ക്ക് സ്‌പെഷ്യൽ ഡിസ്‌കൗണ്ട്/ഓഫർ ലഭ്യമാണ്.

കോട്ടയം: മീനച്ചിലാറ്റിലെ മൂന്നിലവ് ഭാഗത്തുള്ള വാകക്കാട് ചെക്ക് ഡാമിന്റെ മുകൾഭാഗത്തും വാകക്കാട് പാലത്തിന്റെ മുകൾഭാഗത്തും അടിഞ്ഞു കൂടിയിട്ടുള്ള മണൽ/ മണ്ണ്  ഇ- ലേലം നടത്തുന്നു. വിശദവിവരങ്ങൾ https://eauction.gov.in എന്ന വെബ്സൈറ്റിൽ No.2023_GOK_47 എന്ന ലേല ഐഡിനമ്പറിൽ ലഭ്യമാണ്. ലേലത്തിൽ പങ്കെടുക്കാൻ താത്പര്യമുള്ളവർ ഏപ്രിൽ 19നകം രജിസ്റ്റർ ചെയ്യണം. ഏപ്രിൽ 22ന് 11.30 മുതൽ മൂന്നു മണിവരെ ലേലത്തിൽ പങ്കെടുക്കാം.  ഫോൺ: 9645935540, 04812576694

ജില്ലാ വികസന കമ്മീഷണറുടെ കാര്യാലയത്തിന്റെ ഔദ്യോഗിക ആവശ്യത്തിലേക്ക് മാര്‍ച്ച് മുതല്‍ ഒരു വര്‍ഷത്തേക്ക് 10 ലക്ഷം രൂപയില്‍ താഴെ വില വരുന്ന പ്രീമിയം സെഡാന്‍ ഡീസല്‍ വാഹനം (വെള്ള നിറം) പ്രതിമാസ വാടകയ്ക്ക് നല്‍കുവാന്‍ ക്വട്ടേഷന്‍ ക്ഷണിച്ചു. മാര്‍ച്ച് 18 ഉച്ചയ്ക്ക് 1 വരെ മലപ്പുറം സിവില്‍ സ്റ്റേഷനിലുള്ള ജില്ലാ വികസന കമ്മീഷണറുടെ ഓഫീസില്‍ ക്വട്ടേഷന്‍ സ്വീകരിക്കും. 18 ന് വൈകിട്ട് 3 ന് ക്വട്ടേഷന്‍ തുറക്കും. കൂടുതല്‍ വിവരങ്ങള്‍ ഓഫീസില്‍ നിന്നും ലഭിക്കും.

കോട്ടയം: ജവഹർ നവോദയ വിദ്യാലയത്തിൽ 2023 - 24 വർഷത്തേക്കുള്ള ആറാം ക്ലാസ്  പ്രവേശന പരീക്ഷ ഏപ്രിൽ 29ന് ജില്ലയിലെ വിവിധ പരീക്ഷ കേന്ദ്രങ്ങളിൽ നടക്കും. https://navodaya.gov.in , https://cbseitms.rcil.gov.in/nvs എന്ന വെബ്‌സെറ്റിൽ ഹാൾ ടിക്കറ്റ് ലഭിക്കും. വിശദ വിവരത്തിന്  ഫോൺ: 0481 2578402

മലപ്പുറം ഇറിഗേഷന്‍ ഡിവിഷന്‍ എക്‌സിക്യുട്ടീവ് എഞ്ചിനീയറുടെ കാര്യാലയത്തിന് കീഴില്‍ ആനപ്പാറ പൊറ്റമ്മല്‍ കടവിനു സമീപം കടലുണ്ടിപ്പുഴയ്ക്ക് കുറുകെ തടയണ നിര്‍മിക്കുന്ന പ്രവൃത്തിയുടെ നിര്‍മാണ പ്രവൃത്തിക്കു വേണ്ടി കുഴിയെടുത്ത മണ്ണില്‍ ബാക്കി വന്ന മണ്ണ് മാര്‍ച്ച് 16 ന് ലേലം വഴി വിറ്റഴിക്കുന്നു. നിരത ദ്രവ്യം 27900 രൂപ. മാര്‍ച്ച് 14വൈകിട്ട് 4 മണി വരെ മലപ്പുറം ഇറിഗേഷന്‍ ഡിവിഷന്‍ എക്‌സിക്യുട്ടീവ് എഞ്ചിനീയറുടെ കാര്യാലയത്തില്‍ ക്വട്ടേഷന്‍ സ്വീകരിക്കും. കൂടുതല്‍ വിവരങ്ങള്‍ക്ക് ഫോണ്‍: 0483 2731402.