പള്ളിക്കത്തോട് പി.ടി.സി.എം സര്‍ക്കാര്‍ ഐ.ടി. ഐ യില്‍ വിവിധ ട്രേഡുകളില്‍ ഒഴിവുള്ള സീറ്റുകളില്‍ പ്രവേശനത്തിന് അപേക്ഷിക്കാം. അവസാന തീയതി -നവംബര്‍ 27 . മുന്‍പ്  അപേക്ഷ നല്‍കി പ്രവേശനം ലഭിക്കാത്തവരേയും പരിഗണിക്കും. ഫോണ്‍: 9961702406, 974759 8648

കോട്ടയം മുനിസിപ്പാലിറ്റിയിലെ 27 മുതല്‍ 52 വരെ വാര്‍ഡുകളില്‍ മത്സരിക്കുന്ന സ്ഥാനാര്‍ഥികളുടെയും രാഷ്ട്രീയ പാര്‍ട്ടി പ്രതിനിധികളുടെയും യോഗം ഇന്ന് (നവംബര്‍ 25) രാവിലെ 11ന് മാമ്മന്‍ മാപ്പിള ഹാളില്‍ ചേരും

തിരഞ്ഞെടുപ്പിന്റെ സാഹചര്യത്തില്‍ തദ്ദേശ സ്വയംഭരണ സ്ഥാപനങ്ങളിലെ അഡ്മിനിസ്ട്രേറ്റീവ് സമിതി    നടപ്പിലാക്കേണ്ട ചുമതലകള്‍ സംബന്ധിച്ച്  ജില്ലാ ദുരന്തനിവാരണ അതോറിറ്റിയുടെയും കിലയുടെയും ആഭിമുഖ്യത്തില്‍  ഓണ്‍ലൈന്‍ പരിശീലനം സംഘടിപ്പിച്ചു. ജില്ലാ കളക്ടര്‍ എം. അഞ്ജന അധ്യക്ഷത വഹിച്ചു.

തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പിന്‍റെ കോട്ടയം ജില്ലയിലെ പൊതു നിരീക്ഷകനായി നിയോഗിക്കപ്പെട്ട വനം വകുപ്പ് ഹൈറേഞ്ച് സര്‍ക്കിള്‍ ചീഫ് കണ്‍സര്‍വേറ്റര്‍ ജോര്‍ജി പി. മാത്തച്ചന്‍ ചുമതലയേറ്റു. 

ജില്ലാ തിരഞ്ഞെടുപ്പ് ഓഫീസറായ ജില്ലാ കളക്ടര്‍ എം. അഞ്ജനയുമായി അദ്ദേഹം കൂടിക്കാഴ്ച്ച നടത്തി. തിരഞ്ഞെടുപ്പിന്‍റെ സുഗമമായ നടത്തിപ്പിനുവേണ്ടി ജില്ലയില്‍ ഏര്‍പ്പെടുത്തിയിട്ടുള്ള ക്രമീകരണങ്ങള്‍  വിശദീകരിച്ച കളക്ടര്‍ ജില്ലാ തിരഞ്ഞെടുപ്പ് പ്ലാന്‍ നിരീക്ഷകന് കൈമാറി. തിരഞ്ഞെടുപ്പ് ഡെപ്യൂട്ടി കളക്ടര്‍ ജിയോ .ടി.  മനോജ്, എഡിഎം  അനില്‍ ഉമ്മന്‍ തുടങ്ങിയവരും സന്നിഹിതരായിരുന്നു.

കോട്ടയം ജില്ലയില്‍  461 പേര്‍ക്കു കൂടി കോവിഡ് സ്ഥിരീകരിച്ചു. 460 പേർക്കും സമ്പര്‍ക്കം മുഖേനയാണ് വൈറസ് ബാധിച്ചത്.  സംസ്ഥാനത്തിനു പുറത്തു നിന്നെത്തിയ   ഒരാൾ രോഗബാധിതനായി. പുതിയതായി 4553 പരിശോധനാഫലങ്ങളാണ് ലഭിച്ചത്. 

രോഗം ബാധിച്ചവരില്‍ 234 പുരുഷന്‍മാരും 181 സ്ത്രീകളും 46 കുട്ടികളും ഉള്‍പ്പെടുന്നു. 60 വയസിനു മുകളിലുള്ള 75 പേര്‍ക്ക് കോവിഡ് സ്ഥിരീകരിച്ചിട്ടുണ്ട്.

കോട്ടയം ജില്ലാ പഞ്ചായത്തിലേക്കുള്ള തിരഞ്ഞെടുപ്പില്‍ മത്സരിക്കുന്ന സ്ഥാനാര്‍ഥികളുടെ യോഗം ഇന്ന്( നവംബർ 25) ഉച്ചകഴിഞ്ഞ് മൂന്നിന് ജില്ലാ പഞ്ചായത്ത് ഹാളില്‍ നടക്കും. ജില്ലാ കളക്ടര്‍ എം. അഞ്ജന അധ്യക്ഷത വഹിക്കും. കോവിഡ് പ്രതിരോധ നിര്‍ദേശങ്ങള്‍ പാലിക്കേണ്ടതിനാല്‍ സ്ഥാനാര്‍ഥികള്‍ മാത്രമാണ് പങ്കെടുക്കേണ്ടത്.  സ്ഥാനാര്‍ഥികള്‍ക്ക് എത്താന്‍ കഴിയാത്ത സാഹചര്യത്തില്‍ ഏജന്റുമാരെ നിയോഗിക്കാം.

രാമനാട്ടുകര മുനിസിപ്പാലിറ്റിയിലേക്ക്  ജനവിധി തേടുന്നത് 99 സ്ഥാനാർത്ഥികൾ.

കുന്നുമ്മല്‍ ബ്ലോക്ക് പഞ്ചായത്തിലെ 13 ഡിവിഷനുകളില്‍ നിന്നായി ജനവിധി തേടുന്നത് 42 സ്ഥാനാര്‍ഥികള്‍. 21 വീതം പുരുഷന്മാരും സ്ത്രീകളുമാണ് മത്സര രംഗത്തുള്ളത്. 21 പത്രികകള്‍ പിന്‍വലിച്ചു. 5 സ്ഥാനാര്‍ഥികളുള്ള നരിപ്പറ്റ ഡിവിഷനിലാണ് കൂടുതല്‍ സ്ഥാനാര്‍ഥികള്‍.

ഡിവിഷന്‍, സ്ഥാനാര്‍ഥികളുടെ എണ്ണം ക്രമത്തില്‍.
മുള്ളമ്പത്ത്- 03, നരിപ്പറ്റ- 05, കായക്കൊടി- 03, ഊരത്ത്- 03, മൊകേരി- 03, പാതിരിപ്പറ്റ- 04, ദേവര്‍കോവില്‍- 03, കരിങ്ങാട്- 03, കാവിലുംപാറ-03, മരുതോങ്കര- 03, കുറ്റ്യാടി- 03, വേളം- 03, ചേരാപുരം- 03.

കൊടുവള്ളി ബ്ലോക്ക് പഞ്ചായത്തില്‍ ഏറ്റവും കൂടുതല്‍ സ്ഥാനാര്‍ഥികള്‍ കോളിക്കല്‍ ഡിവിഷനില്‍. ആറ് പേരാണ് ഡിവിഷനില്‍ നിന്ന് ജനവിധി തേടുന്നത്. രണ്ട് സ്ഥാനാര്‍ഥികളുള്ള കോടഞ്ചേരിയാണ് ഏറ്റവും കുറവ് സ്ഥാനാര്‍ഥികളുള്ള ഡിവിഷന്‍. കൊടുവള്ളി ബ്ലോക്കില്‍ 18 ഡിവിഷനുകളിലായി 67 സ്ഥാനാര്‍ഥികളാണ് രംഗത്തുള്ളത്. സ്ഥാനാര്‍ഥികളില്‍ 36 പേര്‍ പുരുഷന്മാരും 31 പേര്‍ സ്ത്രീകളുമാണ്. ആനക്കാംപൊയില്‍ ഡിവിഷനിലാണ് ഏറ്റവും കൂടുതല്‍ പത്രിക പിന്‍വലിച്ചത്- 7 എണ്ണം. കിഴക്കോത്ത്, തച്ചംപൊയില്‍, നെല്ലിപ്പൊയില്‍, കോടഞ്ചേരി ഡിവിഷനുകളില്‍ ഓരോ പത്രികകളാണ് പിന്‍വലിച്ചത്.

തോടന്നൂർ ബ്ലോക്ക് പഞ്ചായത്തിലേക്ക് 13 ഡിവിഷനുകളിൽ നിന്നായി 43 സ്ഥാനാർത്ഥികളാണ് വിധിതേടുന്നത്. ആയഞ്ചേരി ഡിവിഷനിൽ നിന്നും മൂന്ന്, കടമേരി മൂന്ന്, മണിയൂർ മൂന്ന്, ചെമ്മരത്തൂർ മൂന്ന്, കുട്ടോത്ത് നാല്, വില്യാപ്പള്ളി നാല്,  കുറുന്തോടി നാല്, പാലയാട് മൂന്ന്, തിരുവള്ളൂർ നാല്, വെള്ളുക്കര മൂന്ന്,
തോടന്നൂർ മൂന്ന്, മയ്യന്നൂർ മൂന്ന്, പൊന്മേരി മൂന്ന് എന്നിങ്ങനെയാണ് സ്ഥാനാർത്ഥികളുടെ എണ്ണം. ഇതിൽ 22 സ്ത്രീകളും 21 പുരുഷന്മാരുമാണ്.