കാസര്‍കോട്് ജില്ലാ ലീഗല്‍ സര്‍വീസസ് അതോറിറ്റി  സാമൂഹ്യ നീതി വകുപ്പ് ,  ജില്ലാ അക്ഷയ പ്രൊജക്റ്റ് ഓഫീസ്  എന്നീ വകുപ്പുകളുടെ  സഹകരണത്തോടെ സായിനികേതന്‍ സേവാശ്രമം മഞ്ചേശ്വരത്ത് ആധാര്‍ കാര്‍ഡ് ക്യാമ്പ് ആരംഭിച്ചു.  ഡി എല്‍ എസ് എ സെക്ഷന്‍ ഓഫീസര്‍  ദിനേശാ കെ,  സായി നികേതനിലെ അധ്യക്ഷത വഹിച്ചു.  സബ് ജഡ്ജ് സുഹൈബ് എം ആധാര്‍ ക്യാമ്പ് ഉദ്ഘാടനം ചെയ്തു. ഗോവിന്ദ  പൈ മെമ്മോറിയല്‍ ഗവണ്‍മെന്റ് കോളേജ് പ്രിന്‍സിപ്പാള്‍ ഇന്‍ ചാര്‍ജ് . മുഹമ്മദ് അലി കെ മുഖ്യാതിഥിയായി.   ജില്ലാ പ്രൊബേഷന്‍ ഓഫീസര്‍ ബിജു പി,  ബ്ലോക്ക് കോര്‍ഡിനേറ്റര്‍ ജില്ല അക്ഷയ ഓഫീസ്  അശോക കെ് എന്നിവര്‍ സംസാരിച്ചു. 

കാസര്‍കോട് ഗവ. വൃദ്ധസദനത്തില്‍ നവംബര്‍ 25 ന്  അറ്റന്‍ഡന്റ് തസ്തികയിലേക്ക് നടത്താനിരുന്ന കൂടിക്കഴ്ച മാറ്റി.

ചെമ്മനാട് ഗ്രാമപഞ്ചായത്തിന്റെയും മാഷ്മിഷന്റെയും പസംയുക്താഭിമുഖ്യത്തില്‍ പ്രദേശത്തെ വായനശാലകളുടെയും ക്ലബ്ബുകളുടെയും സഹകരണത്തോടെ കോവിഡ് ബോധവത്കരണ തെരുവ് നാടകം ഉത്തിഷ്ഠത ജാഗ്രത സംഘടിപ്പിച്ചു. കോളിയടുക്കത്ത് ് രാവിലെ പത്ത് മണിക്ക് പഞ്ചായത്ത് അസി.സെക്രട്ടറി  പ്രതീഷിന്റെ അധ്യക്ഷതയില്‍ മേല്‍പറമ്പ് സി ഐ   ബെന്നി ലാല്‍ ഉദ്ഘാടനം ചെയ്തു.സെക്ടര്‍ മജിസ്‌ട്രേറ്റായിരുന്ന കെ  ബാലകൃഷ്ണന്‍  ഉദ്ദേശലക്ഷ്യങ്ങള്‍ വിശദീകരിച്ചു. കോര്‍ഡിനേറ്റര്‍ വിനോദ് മാസ്റ്റര്‍ സ്വാഗതവും ഫസലുറഹ്മാന്‍ മാസ്റ്റര്‍ നന്ദിയും പറഞ്ഞു.

കാട്ടാന ശല്യം സംബന്ധിച്ച് ചര്‍ച്ച ചെയ്യാന്‍ മുളിയാറില്‍ യോഗം ചേര്‍ന്നു. ആനകളെ തുരത്തുമ്പോള്‍ ജനങ്ങള്‍ ജാഗത പാലിക്കണം വനാതിര്‍ത്തിയോട് ചേര്‍ന്ന് ജനങ്ങളുടെ സ്വൈര്യ ജീവിതത്തിന് ഭീഷണിയായ കാട്ടാനകളെ കര്‍ണാടകവനത്തിലേക്ക് തിരിച്ചു വിടുന്നതിന് നടപടി സ്വീകരിച്ചു. ആനകളെ തുരത്തുമ്പോള്‍  ഡിസംബര്‍ 12 വരെ ഗതാഗത തടസ്സത്തിനു സാധ്യത യുണ്ടെന്നും സുരക്ഷ മുന്‍ നിര്‍ത്തി ജനങ്ങള്‍ ജാഗ്രത പാലിക്കണമെന്നും ജില്ലാകളക്ടര്‍ ഡോ.ഡി.സജിത് ബാബു പറഞ്ഞു. ഇതിനായി വനം വകുപ്പ് ആവിഷ്‌ക്കരിച്ച കര്‍മപദ്ധതി യോഗം ചര്‍ച്ച ചെയ്തു.

തദ്ദേശ സ്വയംഭരണ തെരഞ്ഞെടുപ്പില്‍ ക്രമസമാധാന പാലനവുമായി ബന്ധപ്പെട്ട് സ്വീകരിക്കേണ്ട മുന്‍കരുതലുകള്‍ ചര്‍ച്ച ചെയ്യാന്‍ ജില്ലാ തെരഞ്ഞെടുപ്പ് ഉദ്യോഗസ്ഥന്‍ കൂടിയായ ജില്ലാ കളക്ടര്‍ ഡോ. ഡി സജിത്ത് ബാബുവിന്റെ അധ്യക്ഷതയില്‍ യോഗം ചേര്‍ന്നു. പ്രശ്‌നബാധിത പ്രദേശങ്ങളിലും മറ്റും സുഗമമായ തെരഞ്ഞെടുപ്പ് സാധ്യമാക്കാന്‍ ഏര്‍പ്പെടുത്തേണ്ട നിയന്ത്രണങ്ങളും മുന്‍കരുതകളും യോഗം ചര്‍ച്ച ചെയ്തു.

ഐ.എച്ച്.ആര്‍.ഡി.യുടെ കീഴിലുള്ള മീനങ്ങാടി മോഡല്‍ കോളജില്‍ ബി.എസ്.സി. ഇലക്ട്രോണിക്സ്, ബി.എസ്.സി. കമ്പ്യൂട്ടര്‍ സയന്‍സ് കോഴ്സുകള്‍ക്ക് ഒഴിവുള്ള സീറ്റുകളിലേക്ക് അപേക്ഷ കഷണിച്ചു. എസ്.ടി., എസ്.സി, ഒ.ബി.സി. കുട്ടികള്‍ക്ക് ഫീസ് ആനുകൂല്യവും ഗ്രാന്റും ലഭിക്കും. ഫോണ്‍ 9747680868

മാനന്തവാടി പി.കെ. കാളന്‍ മെമ്മോറിയല്‍  കോളേജില്‍  എം.കോം. ഫിനാന്‍സില്‍ എസ്.സി/എസ്.ടി. വിഭാഗത്തിന്  സംവരണം ചെയ്ത ഒഴിവുള്ള സീറ്റുകളിലേക്ക് അപേക്ഷ ക്ഷണിച്ചു. യോഗ്യരായവര്‍ അസ്സല്‍ സര്‍ട്ടിഫിക്കറ്റുകളുമായി ഹാജരാകണം. ഫോണ്‍ 04935 245484, 8547005060.

വയനാട് നെഹ്‌റു യുവ കേന്ദ്ര യുവതികള്‍ക്കായി മൂന്ന് മാസത്തെ സൗജന്യ തയ്യല്‍ പരിശീലനം നല്‍കുന്നു. താല്പര്യമുള്ളവര്‍ ഡിസംബര്‍ 1ന് മുമ്പ് wayanadnyk@gmail.com എന്ന ഇമെയില്‍ വിലാസത്തിലേക്ക് അപേക്ഷയും ബയോഡാറ്റയും അയക്കണം. ഫോണ്‍ 7902901292

വയനാട് ജില്ലയില്‍ ഇന്ന് (20.11.20) 135 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ.ആര്‍. രേണുക അറിയിച്ചു. 152 പേര്‍ രോഗമുക്തി നേടി. മൂന്ന് ആരോഗ്യ പ്രവര്‍ത്തകര്‍ ഉള്‍പ്പെടെ 132 പേര്‍ക്ക് സമ്പര്‍ക്കത്തിലൂടെയാണ് രോഗബാധ. നാല് പേരുടെ സമ്പര്‍ക്ക ഉറവിടം ലഭ്യമല്ല. ഇതര സംസ്ഥാനത്ത് നിന്നെത്തിയ മൂന്ന് പേര്‍ക്കും രോഗം സ്ഥിരീകരിച്ചു.
ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 9315 ആയി. 8270 പേര്‍ ഇതുവരെ രോഗമുക്തരായി. ചികിത്സയിലിരിക്കെ 62 മരണം. നിലവില്‍ 983 പേരാണ് ചികിത്സയിലുള്ളത്. ഇവരില്‍ 509 പേര്‍ വീടുകളിലാണ് ഐസൊലേഷനില്‍ കഴിയുന്നത്. 

കോവിഡ് പ്രോട്ടോക്കോള്‍ പാലിക്കാത്തതിനെ തുടര്‍ന്ന് സുല്‍ത്താന്‍ ബത്തേരി നഗരസഭാ പരിധിയിലെ പഴയമാര്‍ക്കറ്റ്, ചുങ്കം പുതിയ സ്റ്റാന്‍ഡിലെ മത്സ്യ മാര്‍ക്കറ്റ്, മൂലങ്കാവിലെ മത്സ്യ മാര്‍ക്കറ്റ്, ഐശ്വര്യമാളിലെ മത്സ്യ മാര്‍ക്കറ്റ്, കോട്ടക്കുന്നിലെ മാര്‍ക്കറ്റ് എന്നിവിടങ്ങളിലെ നേരിട്ടുള്ള പ്രവര്‍ത്തനം നാളെ (21/11/2020) വൈകീട്ട് അഞ്ച് മുതല്‍ ഒരാഴ്ചകാലത്തേക്ക് നിര്‍ത്തിവയ്ക്കാന്‍ ജില്ലാ കലക്ടര്‍ ഡോ. അദീല അബ്ദുള്ള ഉത്തരവിട്ടു. ഇവിടങ്ങളിലെ ജീവനക്കാര്‍ മാസ്‌ക്, കയ്യുറകള്‍ എന്നിവ ധരിക്കാതെയാണ് മത്സ്യ/മാംസ വില്‍പന നടത്തിവരുന്നതെന്ന് വിവരം ലഭിച്ച അടിസ്ഥാനത്തിലാണ് നടപടി.