കോഴിക്കോട് ജില്ലാ പഞ്ചായത്ത് തെരഞ്ഞെടുപ്പില്‍ 27 ഡിവിഷനുകളിലായി 102 സ്ഥാനാര്‍ഥികളാണ് മത്സരിക്കുന്നത്. ഇതില്‍ 47 പുരുഷന്മാരും 55 സ്ത്രീകളുമാണ്.58 പേരാണ് പത്രിക പിന്‍വലിച്ചത്. 238 നാമനിര്‍ദേശ പത്രികളാണ് ലഭിച്ചിരുന്നത്. സ്ത്രീ സംവരണ വാര്‍ഡുകളില്‍ 44 പേരും ജനറല്‍ വിഭാഗത്തില്‍ 51 പേരുമാണ് മത്സരിക്കുന്നത്. എസ്.സി സംവരണ വാര്‍ഡില്‍ നാലുപേരും എസ്്.സി സ്ത്രി സംവരണത്തില്‍ മൂന്നു സ്ഥാനാര്‍ഥികളുമാണുള്ളത്.

*ഡിവിഷന്‍ നമ്പര്‍, പേര്, സ്ഥാനാര്‍ഥികളുടെ എണ്ണം ക്രമത്തില്‍*

വടകര മുനിസിപ്പാലിറ്റിയിൽ 47 വാർഡുകളിൽ ആകെ 146 സ്ഥാനാർഥികൾ ജനവിധി തേടുന്നു. 94 പത്രിക പിൻവലിച്ചു 2 എണ്ണം നിരസിച്ചു.

പയ്യോളി നഗരസഭയില്‍ 123 പേരാണ് മത്സര രംഗത്തുളളത്. 36 വാര്‍ഡുകളിലായി 57 പുരുഷന്മാരും 66 പേര്‍ സ്ത്രീകളുമാണ് സ്ഥാനാര്‍ത്ഥികളായി ഉള്ളത്. 81 പത്രികകള്‍ പിന്‍വലിച്ചു. 

ഫറോക്ക് മുനിസിപ്പാലിറ്റിയിൽ ഇത്തവണ 38 ഡിവിഷനുകളിലായി 123 സ്ഥാനാർത്ഥികളാണ് മത്സരിക്കുന്നത്. ഫറോക്ക് മുൻസിപ്പാലിറ്റിയിൽ 68 പുരുഷന്മാരും 55 സ്ത്രീകളുമാണ് സ്ഥാനാർത്ഥി പട്ടികയിലുള്ളത്.

മുക്കം മുൻസിപ്പാലിറ്റിയിൽ 119 സ്ഥാനാർത്ഥികളാണ് ഇത്തവണ തെരഞ്ഞെടുപ്പ് ചൂടിലേക്കിറങ്ങാൻ തയ്യാറായിരിക്കുന്നത്. 33 ഡിവിഷനുകളിലായി ഇതിൽ 66 പുരുഷന്മാരും 53 സ്ത്രീകളുമാണ് മത്സരിക്കുന്നത്.

കുന്ദമംഗലം ബ്ലോക്കിൽ നിന്നും 19 ഡിവിഷനുകളിൽ നിന്നായി 68 സ്ഥാനാർത്ഥികളാണ് മത്സരിക്കുന്നത്. 

കുന്ദമംഗലം ബ്ലോക്കിനെ കാരശ്ശേരി, കുമാരനെല്ലൂർ, പന്നിക്കോട്, ചെറുവാടി, കട്ടാങ്ങൽ, മാവൂർ, ചെറൂപ്പ, കുറ്റിക്കാട്ടൂർ, ചെറുകുളത്തൂർ, പുവ്വാട്ടുപറമ്പ, പെരുമണ്ണ, പയ്യടി മീത്തൽ, കുരുവട്ടൂർ, പൈങ്ങോട്ടുപുറം, ചാത്തമംഗലം, കൊടിയത്തൂർ, പോലൂർ, ചെത്തു കടവ്, കുന്ദമംഗലം എന്നിങ്ങനെയാണ്  ഡിവിഷനുകൾ തിരിച്ചിരിക്കുന്നത്.

ഇതിൽ 32 പുരുഷന്മാരും 36 സ്ത്രീകളുമാണ് മത്സരിക്കുന്നത്.

കോഴിക്കോട് ബ്ലോക്കിൽ 13 ഡിവിഷനുകളിൽ നിന്നായി ഇത്തവണ 37 സ്ഥാനാർത്ഥികളാണ് അങ്കത്തട്ടിലേക്കിറങ്ങുന്നത്. കോഴിക്കോട് ബ്ലോക്കിൽ ഇരിങ്ങല്ലൂർ, പാലാഴി, പന്തീരങ്കാവ്, കൊടൽ നടക്കാവ്, മണക്കടവ്, ഒളവണ്ണ, ഒടുമ്പ്ര, ചാലിയം, വടക്കുമ്പാട്, മണ്ണൂർ, കടലുണ്ടി, വട്ടപറമ്പ, കടുക്ക ബസാർ ഡിവിഷനുകളാണുള്ളത്. ഇതിൽ 16 പുരുഷന്മാരും 21 സ്ത്രീകളുമാണ് ഉള്ളത്.

തദ്ദേശ തെരഞ്ഞെടുപ്പുമായി ബന്ധപ്പെട്ട  മുന്നൊരുക്കങ്ങൾ ജില്ലകലക്ടറും ജില്ലാ വരണാധികാരിയുമായ സാംബശിവ റാവുവിന്റെ നേതൃത്വത്തിൽ  വിലയിരുത്തി. തെരെഞ്ഞെടുപ്പ് നിരീക്ഷകൻ ജി. ഗോകുൽ സന്നിഹിതനായി. 

തെരഞ്ഞെടുപ്പ് നടപടികളുടെ പുരോഗതി യോഗം അവലോകനം ചെയ്തു. 

കലക്ടറുടെ ചേമ്പറിൽ നടന്ന യോഗത്തിൽ എഡിഎം റോഷ്നി നാരായൺ, ,  പോലീസ് കമ്മീഷണർ എ. വി ജോർജ്, സബ്  കലക്ടർ ജി പ്രിയങ്ക, അസിസ്റ്റന്റ് കലക്ടർ ശ്രീധന്യ സുരേഷ്, പഞ്ചായത്ത് ഡെപ്യുട്ടി ഡയറക്ടർ ഷാജി ജോസഫ് തുടങ്ങിയവർ പങ്കെടുത്തു.

എറണാകുളം : ജില്ലയിലെ സ്വകാര്യ ലാബുകളിലും ആശുപത്രികളിലും കോവിഡ് പരിശോധന നടത്തുന്നതിനുള്ള നിരക്ക് പുനഃനിർണയിച്ചു കൊണ്ട് ജില്ലാ ദുരന്ത നിവാരണഅതോറിറ്റി ചെയർമാൻ കൂടിയായ ജില്ലാ കളക്ടർ ഉത്തരവിറക്കി. പുതുക്കിയ നിരക്ക് പ്രകാരം ആർ. ടി. പി. സി. ആർ പരിശോധനക്ക് 2100 രൂപയും ട്രൂ നാറ്റ് പരിശോധനക്ക് 2100 രൂപയും ആന്റിജൻ പരിശോധനക്ക് 625രൂപയും ജീൻ എക്സ്പെർട്ട് പരിശോധനക്ക് 2500 രൂപയും ഈടാക്കാൻ സാധിക്കു. സ്വാബ്ബിങ് ചാർജ്, പി. പി. ഇ കിറ്റ് ചാർജ് തുടങ്ങിയവ  ഉൾപ്പടെയാണ് ഈ തുക.

അനധികൃത മദ്യ ഉത്പാദനവും വില്‍പ്പനയും നിയന്ത്രിച്ച് നടപടി സ്വീകരിക്കുന്നതിനായി എക്‌സൈസ്, പോലീസ്, റവന്യൂ വകുപ്പുകള്‍  സംയുക്തമായി ജില്ലയുടെ അതിര്‍ത്തി പ്രദേശങ്ങള്‍ ഉള്‍പ്പെടെയുള്ള സ്ഥലങ്ങള്‍ കേന്ദ്രീകരിച്ച് വ്യാപകമായ പരിശോധന നടത്തും. ജില്ലാ കലക്ടര്‍ ഡി. ബാലമുരളിയുടെ അധ്യക്ഷതയില്‍ തിരഞ്ഞെടുപ്പ് ക്രമസമാധാനപാലനവുമായി ബന്ധപ്പെട്ട് കലക്ടറേറ്റില്‍ ചേര്‍ന്ന ജില്ലാതല ഉദ്യോഗസ്ഥരുടെ യോഗത്തിലാണ് തീരുമാനം.

തിരഞ്ഞെടുപ്പ് പ്രചരണത്തിനായി സ്ഥാനാര്‍ഥികള്‍ക്ക് മൈക്ക് അനുവദിക്കുന്നതിന് ഡി.വൈ.എസ്.പി. ഓഫീസില്‍ നേരിട്ട് അപേക്ഷ സമര്‍പ്പിക്കാമെന്ന് യോഗത്തില്‍ അറിയിച്ചു.