പോലീസ് നിയമ ഭേദഗതി ഏതെങ്കിലും വിധത്തിൽ സ്വതന്ത്രമായ അഭിപ്രായസ്വാതന്ത്ര്യത്തിനോ നിഷ്പക്ഷമായ മാധ്യമ പ്രവർത്തനത്തിനോ എതിരായി ഉപയോഗിക്കപ്പെടില്ലെന്ന് മുഖ്യമന്ത്രി പിണറായി വിജയൻ വ്യക്തമാക്കി.  മറിച്ചുള്ള ആശങ്കകൾക്ക് അടിസ്ഥാനമില്ല.

ഹരിത തെരഞ്ഞെടുപ്പ് പ്ലാസ്റ്റിക് വിമുക്ത തിരഞ്ഞെടുപ്പ്  കൈപ്പുസ്തകം പ്രകാശനം ചെയ്തു. തെരഞ്ഞെടുപ്പ് പ്രചാരണം പരിസ്ഥിതി സൗഹൃ
ദമാക്കുന്നതുമായി ബന്ധപ്പെട്ടുളള സര്‍ക്കാര്‍ നിര്‍ദേശങ്ങള്‍, ഹൈകോടതി വിധി, തെരഞ്ഞെടുപ്പ് കമ്മീഷന്‍ ഉത്തരവ് എന്നിവയടങ്ങിയ കൈപ്പുസ്തകം കലക്ട്രേറ്റില്‍ നടന്ന ചടങ്ങില്‍ ജില്ലാകലക്ടര്‍ സാംബശിവ റാവുവാണ് പ്രകാശനം ചെയ്തത്. 

ഹൈക്കോടതി ഉത്തരവ് പ്രകാരം കെഎല്‍ 11 യു 411, കെഎല്‍ 11 ആര്‍ 7293 എന്നീ സ്റ്റേജ് കരിയേജ് വാഹനങ്ങള്‍ക്ക് പൂനത്തില്‍ ബസാര്‍-പാളയം, ഊര്‍ക്കടവ്-പാളയം എന്നീ റൂട്ടുകളില്‍ യഥാക്രമം പക്കാ പെര്‍മിറ്റ് അനുവദിക്കുന്നതിന് നിര്‍ദ്ദേശ സമയക്രമം ആര്‍ടി ഓഫീസ് നോട്ടീസ് ബോര്‍ഡില്‍ പതിച്ചതായി കോഴിക്കോട് ആര്‍ടിഎ സെക്രട്ടറി അറിയിച്ചു. പരാതിയുണ്ടെങ്കില്‍ 7 ദിവസത്തിനകം ആര്‍ടിഒ  മുമ്പാകെ ടൈംഷീറ്റ് സഹിതം ഹാജരാക്കണം.

കേന്ദ്ര ടെക്സ്റ്റൈൽ മന്ത്രാലയത്തിന് കീഴിലുള്ള അപ്പാരൽ എക്സ്പോർട്ട് പ്രമോഷൻ കൗൺസിൽ പ്രമോട്ട് ചെയ്യുന്ന മലപ്പുറം അപാരൽ ട്രെയിനിങ് ആൻഡ് ഡിസൈൻ  സെന്ററിൽ പെൺകുട്ടികൾക്കായി എടി.ഡി.സി ഗ്യാപ്പ് സ്കോളർഷിപ്പോടു കൂടിയുള്ള ഒരു വർഷത്തെ ഫാഷൻ ഡിസൈൻ ടെക്നോളജി ഡിപ്ലോമ പ്രോഗ്രാമിലേക്ക് അപേക്ഷ ക്ഷണിച്ചു. പ്ലസ് ടു വിന് 60% മുകളിൽ മാർക്കുള്ളവർക്ക് അപേക്ഷിക്കാം. കൂടുതൽ വിവരങ്ങൾക്ക് 9744022070, 9946206814.

കേരള സര്‍ക്കാര്‍ ന്യുനപക്ഷ ക്ഷേമ വകുപ്പിന്റെ കീഴില്‍ കോഴിക്കോട് കോച്ചിങ് സെന്റര്‍ ഫോര്‍ മിനോറിറ്റി യൂത്തിന്റെ ആഭിമുഖ്യത്തില്‍ മൈനൊരിറ്റി വെല്‍ഫയര്‍ ദിനാചരണം ഓണ്‌ലൈനായി സംഘടിപ്പിച്ചു. കാലിക്കറ്റ് യൂണിവേഴ്സിറ്റി സിന്‍ഡിക്കേറ്റ് മെമ്പറും പൊളിറ്റിക്കല്‍ സയന്‍സ് അധ്യാപകനുമായ കെ കെ ഹനീഫ ഉദ്ഘാടനം ചെയ്തു. പ്രിന്‍സിപ്പല്‍ ഡോ മുഹമ്മദ് ജമാല്‍ അധ്യക്ഷത വഹിച്ചു. നസീറ യൂനുസ് സ്വാഗതവും ഷാഹിദ എന്‍ കെ നന്ദിയും പറഞ്ഞു.

1235 പേര്‍ കൂടി നിരീക്ഷണത്തില്‍

ജില്ലയിലെ കോവിഡ് ആശുപത്രികള്‍, എഫ്.എല്‍.ടി.സികള്‍, വീടുകള്‍ എന്നിവിടങ്ങളില്‍ ചികിത്സയിലായിരുന്ന 634 പേര്‍ കൂടി രോഗമുക്തി നേടി. ഇന്ന് പുതുതായി വന്ന 1235 പേര്‍ ഉള്‍പ്പെടെ ജില്ലയില്‍ 24824 പേര്‍ നിരീക്ഷണത്തില്‍ ഉണ്ട്. ജില്ലയില്‍ ഇതുവരെ 1,61,261 പേര്‍ നിരീക്ഷണം പൂര്‍ത്തിയാക്കി. രോഗലക്ഷണങ്ങളോടുകൂടി പുതുതായി വന്ന 223 പേര്‍ ഉള്‍പ്പെടെ 1672 പേര്‍ ആശുപത്രികളില്‍ ഇപ്പോള്‍ നിരീക്ഷണത്തിലുണ്ട്.

ജില്ലയില്‍ ഇന്ന് 691 പോസിറ്റീവ് കേസുകള്‍ കൂടി റിപ്പോര്‍ട്ട് ചെയ്തതായി  ജില്ലാ  മെഡിക്കല്‍ ഓഫീസര്‍ ഡോ. ജയശ്രീ. വി. അറിയിച്ചു.  

വിദേശത്ത് നിന്ന് എത്തിയവരില്‍ പോസിറ്റീവ് ആയവര്‍   - 9

കോഴിക്കോട് 2
ചെറുവണ്ണൂര്‍ 1
ചോറോട് 1
എടച്ചേരി 1
കുറ്റ്യാടി 1                    
പേരാമ്പ്ര 1
തിരുവമ്പാടി 1
വടകര 1

ഇതര സംസ്ഥാനങ്ങളില്‍ നിന്ന് എത്തിയവരില്‍ പോസിറ്റീവ് ആയവര്‍ - 13

വടകര മോഡല്‍ പോളിടെക്‌നിക് കോളേജില്‍ 2020-2021 അദ്ധ്യായന വര്‍ഷത്തിലെ എഞ്ചിനീയറിംഗ് ഡിപ്ലോമ കോഴ്‌സുകളിലേക്കുള്ള ഓണ്‍ലൈന്‍ സ്‌പോട്ട് അഡ്മിഷന് നവംബര്‍ 21 മുതല്‍ 24 വരെ രജിസ്റ്റര്‍ ചെയ്യാം. അഡ്മിഷന്‍  വെബ് സൈറ്റിലെ സ്‌പോട്ട് അഡ്മിഷന്‍ രജിസ്‌ട്രേഷന്‍ എന്ന ലിങ്ക് വഴി രജിസ്റ്റര്‍ ചെയ്യാവുന്നതാണ്. കൂടുതല്‍ വിവരങ്ങള്‍ www.polyadmission.org എന്ന വെബ്‌സൈറ്റില്‍ ലഭ്യമാണ്.   വിശദ വിവരങ്ങള്‍ക്ക് - 0496 2524920, 8891817407.